#_رواية_سجناء_القدر.
الحلقة 4| هـَاوِيـَة مُـظْـلِـمَـة .
بقلم الكاتبة / أم الـــعــز / بتول خالد المجراب
_______________________________
و انت تقرأ ستعلم لماذا سموا عقارب الساعة بالعقارب
_______________________________
زينة l حطت يدها علي خدها وقامت رأسها لقت أركان يشوفلها من بعيد معش قدرت تتحمل مشت تجري وركبت لي السطح وهيا تبكي قعدت تجري بدون وعي مش منتبهة للي قدامها و لا إلي وراها !! ...
أركان l مشي يجري وراها بدون متلاحظ شدها وهيا خلاص قريب اطيح .... بالشوية بالشويه انت قريب طحتي
زينة l قعدت تعيط وتضرب فيه ... اطلقني اطلقني بعد انت مدخلكش فيا
أركان l باعد بإستغراب !!
زينة l مشت من بحداه تجري !! ...
__________________
#أركان
في الفندق 🏬
أركان l كان يبي يودعني بس صح ؟
خليل l تقريباً .... توا وقت عليا تصبح على خير
أركان l وانت من أهله
خليل l قبل ما نمشي خود رقمي وكانه صارتلك حاجه او تبي شيء مترددش انا في الخدمه
أركان l خداه منه .... نسيت نشكرك اعلي إهتمامك لصقر شكراً
خليل l ابتسم بهدوء ... هذا واجبي .... وطلع
___________________
#أنيس
اليوم تاني ⛅
الساعة 7:30
أنيس l ناض بتعب طلع من الدار لقي امه حتى هيا كيف طالعه ... صباح الخير
جميلة l صباح النور ... قربت اعليه وسألاته بفضول ... انيس فكرت
أنيس l بشني !؟
جميلة l بالمحكمة
أنيس l تنهد بحزن ..... ايه فكرت
جميلة l بتوافق ولا بترفض
أنيس l .....
___________________
#زينة
زينة l فتحت الباب شافت لي جدها وابتسمت
.... صباح الخير
حسين l صباح النور
زينة l مقدرتش انجيك أمس قعدت مع أريج
حسين l مش مشكلة قعمزي
زينة l قعمزت .... تفاهمت معاه ؟!
حسين l ضحك ضحكة جانبية ..... تغير هلبا علي قبل لكن مقدرتش نتكلم معاه بخصوص الموضوع الي جبته علي خاطرة
زينة l تنهد بوجع ... لكن يا بوي .... جهاد شن بيصير فيه
حسين l خليه ايدير الي يبيه وبعدين انا تو نتصرف
