روايةl سجناء القدر.
الحلقة 1| زَائِرْ غَيِرْ مُتَوَقِعْ .
بقلم الكاتبة / أم الـــعــز / بتول خالد المجراب
__________________________________
ما أعلمه الآن هو أن شيئاً مجهولاً قد حصل و سيبقى آثره معي للآبد !!
___________________________________
_ الناس تجري في كل مكان الطيارات الحربية
معبية السماء بالكامل كانت الدنيا كلها دمار !! ناس ميتة وناس تموت وناس يقتلوا في روحهم خايفين من الحرق ... الاول ... والتاني ... والثالث ... والرابع ... كانوا يقتلوا في
روحهم هدا هوا كان الحل الوحيد عندهم .....
أركان؛ يجري يدور في عيلته الي ليه سنيين معش شافهم وقف قدام حوشهم الي تاكل فيه النار كانت في عيله تانية طالعة من حوشهم !! قعد واقف يشوفلهم بإنهيار وفجأه لمح طفل صغير بحده أمه الميته ويبكي ...
أركان؛ ومشي يجري بإتجاهه قامه مشي يجري يدور اعلي حاجه تحميهم خش لي زنقة وفجأه لمح سيارة عسكرية مشي يجري لكن وقف لما شاف ان في حد فيها ....
العسكري l نزل من السيارة وقعد يدور اعلي شخص باش يقتله سمع صوت عياط ولد صغير مشي وهز يتبع في الصوت وهوا شاد سلاحه
أركان l انصدم لما شاف الطفل الي كان شاده يبكي بكل قوته قعد يهز بيه باش يهدأ لكن كل ميهز بيه صوته كان يقوه سكر عيونه لما حس بي حاجه موجه اعلي رأسه
العسكري l حاط السلاح اعلي راسه وقال .... تعالي معاي
أركان l مشي معاه بدون ما يتكلم وشاد الطفل في يده
العسكري l فتحلهم باب السيارة وبعد ماخشوا جاته رصاصة طايشة ضربت اعلي رأسه ومااات
أركان l بعد ما شافه مات طوول انزل من السيارة وخدي منه المفتاح وركب السيارة ولعها ومشي وهوا مصمم انه يطلع من المدينة بالكامل ويبني حياة
___________________
في مكان تاني بعيد عن كل الأحداث الي صارت 🍃
أنور l ضرب حاشية الروشن بيده .... تي خلاص نبي نتنفس في حوشنا ... تلفت لي منار .. يا اختي شوفي بدي الموضوع ميتحشمش منه المكان هدا مش حوش تي كأنه قبر
منار l ماما قعدت عالقة في الماضي لكن متقلقش روحك حتي انا عندي خططي
أنور l خطط شني ؟!
منار l سمعت صوت عياط برا الدار طلعت تجري هيا وأنور ...
جميلة (حناء أنور) l كذبتوا اعليا كلكم
أنيس l بعياط ... خلاص تم كل شيء تم انكشف كل شيء نقدروا .. شاف لي سلمى .. نقدروا ننفصلوا توا
سلمى l شافتله وعيونها حمر وقفت وقالت ... انا ماشية لي حوش بوي
... وطلعت من الدار
أنيس l سكر عيونه ما باش يشوفلها وهيا تمشي
