#سنيسفيورم
بقلم محمد مالك
الحلقة الرابعة عشر / 14
___________________
ميس...فــ المحل تشبــح فالحوايج ..تلفتت و شبحـت اسامـة حطت ايدهـا ع فمهــ : اوو حي عالــصدفة 🤭
اسامــة..باستـتغراب شبحلهـا : منــي انتِ ؟!
ميس..ابتــسمت
الاء...فاتحــهة..فونــها
شبحـت اشعـار من الطلبـات المرسلـه دخلـت عليـه و كـان طلب مراسلـه من شخـص اسمــه " عمـر "
روان...تبكــي و طالعــه من الـدار
اسماعيـل كـان متمـدد و فوقـه اللاب يشتـغل وقت شبحهـا رمئ اللاب و نـاض شدهـا. : شن صارلـك،شن فــي
اسماعيل...شادها : شن صارلك شن فيه
روان: طــا حت ع الوطــا: بطني توجع فيـــا !!
اسماعــيل. نــزل عليهــا.رفعهـا لـ الدار لبسهـا عبايـه و وشـاح و طلع بيهـا لـ السيـــاره.
أسامة: مني انت ؟
ميس..ابتسمت: اني ميس !
اسامة: منعرفكش الحق...مشى للولد الي يخدم فتح الدرج خدى فلوس
ميس: اني كلمتك قبل اربعة شهور تقريبا متتفكرش !
اسامة: ان شاء الله نتفكر غداء امس اني
ميس: اني صاحبة الاء فالكلية وكلمتك نسال عليها
اسامة..اهنى تفكرها : ااه تمام تفكرت توا تفضلي توا كيف نساعدك
ميس..شافت اسامة فتح الدرج خدى فلوس ويتحرك بحرية فالمحل: ليك المحل ؟!
اسامة: ايه ليا
ميس: طلعت زبونة عند خو صاحبتي ومنعرفش ديما نجي ناخد لبابا وخوي من اهنى وفيه عندك فرع ثاني صح !
اسامة: ايه عندنا فرع ثاني ومدام زبونة ساعدها فالاسعار يا ايمن ( الولد الي يخدم فمحل اسامة)
ايمن: مدورش توا نتصرف
اسامة..شاف ل ميس: عن اذنك مستعجل شوية
ميس: تمام سلملي علي الاء
اسامة..هز راسه وطلع
الاء...تشوف للرسالة الي بعتها عمر مردتش
خشت لي حسابه قبل ولما شافت صوره زبطت انها شايفاته قبل هكي بس وين مش متفكرة !
دارت سكرين لصورته بعتتها لي بلقيس وكتبت مار عليك هاده مش عارفة وين شفته قبل ؟!
شوية وردت عليها بلقيس برسالة : ايه هاده سوسة الكلية الشاطر عرفتيه !
الاء: ايه عرفته توا
بلقيس: علاش تسالي ؟!
الاء: باعتلي " هاي " علي الخاص منين عرف حسابي !
بلقيس: ممكن لانه اسم حسابك زي اسمك
الاء...ضحكت:ممكن هيا باي ماما تنادى متنسيش تحكيلي بعدين شن صار
اسامة..خدى ماكلة ورجع لحوش بلقيس
طق الباب وفتحتله بلقيس
بلقيس...فرحانة بوقفة اسامة ليها حست ان عندها سند❤ بعد وفاة بوها : مش لازم اتعب روحك كنت حتا نديرو حاجة خفيفة فالحوش وخلاص
اسامة: هيا شدى حطى بناكل معاكم
بلقيس..خدت منه وخشت المطبخ
قعمز جنب عمته
اسامة: خلاص معاش تغششي روحك حتا علي خاطر بلقيس وزي ما قتلك مش حيصير الا كل خير
عمته: شن بنقولك يا اسامة حوشنا الي حينباع مش ساهل وبنقعد من غير حوش انا وبنتي
اسامة: مش حتقعدو مش تفاهمنا حتقعدو عندي والمبلغ الي بيطلعلك وعد مني ليك نزيدك عليه كل شهر نزيدك عليه وانتي جمعيهم وتاخدي حوش يعجبك وحتا متبيش تاخدي حوش تقعدي معانا الحوش واسع والحمد الله وبلقيس صاحبه الاء روح بروح يعني حنفرحو بيكم
..بلقيس..خشت بسفرة حطت فيهم الوجبات والمشروب الي جابه اسامة : هيا ماما
أنت تقرأ
سنيسفيورم
Romance#سنيسفيورم شعور الغيرة !؟ يقتل البنى ادم وهوا حي ! شئ قدام عيونك ومش قادر توصله ! تشوف فيه كل يوم وتعرف انك تخسر فيه معا الوقت حلم حياتك وحب حياتك ! مش عارفة نوصله مشاعري خائفة من رد فعله ! مرات نخسره للابد لو اعترفت ولا شن حيكون شعوري لو طلع حب من...
