#سنيسفيورم ❤️🌹
بــقلم " مـــحمـد مالــك "
الحلـــقة " الــعشرون الـــ 20 "
______________________________________
تهانــي: نتـكلم مــع خالتك معناها ونتمـو بـ اســرع وقت نبي نفرح بــيك !
أسامة: لا اني بنخــتارها البنت لا خالتي لا هـم يحــزنون !
تقوى: قـصدك تحــب من ورانا طلعــت
اسامة: لا مش حب هوا لكن نــستريح ف وجودهــا
تهاني: ومن هــيا نعرفوها !
اسامــههة..ابتســم لـــ امه :بلقيـــس ❤️❤️
تهانــي..عقدت حواجــبها : لا بلقيـــس لا
اسامــة: استــغفر الله علاش لا ؟!
تهانـي: نبي نفرح بيــك بسرعــة مش حنرجـــا عام تــام
اسامـة بتحــدي : به شــن رايــك يا تفرحــي بيا بــعد عــام ولا مش حتــفرحي بــيا الا وقــت تتزوج ملاذ هـا شني قلتـي؟
تهانــي: شن رومــي ولا نكــسر قرنك هـــيا ؟
اسامــــة: هــذا لــ عندي اخــتارو انتو !
روان: ســبحان الله يــ اسامــة
اسامــة..استــغرب: خيـرك ؟
روان: كنا بنكـــلموك علي بلقيــس و حتـئ ماما اقتنــعت بالكلام
اسامة : اي واضح هلبــا انهـا اقـتنــعت
تهانــي: انــي نبي نفرح بيك بســرعة خيـرك مش فاهمــني ؟
تــقوى: و من قالــكم رافضة تتــزوج قبل ما يصــكر بوهــا عــام الــبنت ؟
روان: الاء قــتلى لا حتمشـي لعرس ولا حــفلة شئ !
تـقوى: به مش لازم نديرو عــرس نديــرو حاجة بسيطـة و خـلاص
روان: منـقدروش نقــررو علاهـــا مــرات تبــي عرس وبــعد السنــة !
تهانــي: شنـــي من غير عــرس هــادي ؟ !نبــي نفرح بولدي مش عالســاكت !
تقوى: يا ماما تبي الحــج والــسلامة لازم الانسان يتمــاشى مع الاوضــاع
اسامة:هي تصبــحو راسي صــداع وانتو نقاشــكم مـش حيكــمل
روان: اسامــة اسامــة
اسامــة..كان بيطــلع..تلفــت: شــن تبي ؟
روان: شن غيــر رايــك و عــلاش بلقيــس بــالذات !؟
اسامــة: واحــد معاش نتحمل كلام امــك بخــصوص زواج لانه بنمرض عــارف لو طــال الموضوع
تهاني: خزى عليــك و انــي نبي مصــلحتك
اسامة..يضــحك: نبصــر والله لكــن شديــتي فـالمــوضوع معاش تبي ترخـــيه يــ امي نقولــو كلام الحــق وثاني حــاجة فيه حاجــة ف راسي
روان..شبحتــلا بــ اســتغراب: شن لــ فــي راســك ؟
اسامــة: انتــو كلامكــم هلبا لو قلتهــا بتريح مــش مهم ثالــث حاجة نــستريح معاهــا مش عارف علاش ونزيــدكم حاجة وديما قالك خود الي يحبـك هي بـنوض بكرى ياســر كـــلام ..طــلع اسامـــة
تقوى..شبحــت لــ روان: انــتِ قلتيــله بلقيـس تــحبه ؟
روان: لا والله ما قلـــت حاجـة
تـهانـي: غيــر شن الي منــعرفــاش اني بلقيــس تحبــه ؟
روان: اي مامــا تحــب البنــت و اسامــة رايدهــا مش حتــئ احنى الي تكــلمنا معاه هوا جا لــعندنا وقال
تـقوى: بــالزبط ياريــت مديريــش مشـكلة ما صــدقنا قـال به
تهانــي:اني مــعاش دخلـنـي بشئ .. " وطلعـت ومــش عاجبــها "
أنت تقرأ
سنيسفيورم
Romance#سنيسفيورم شعور الغيرة !؟ يقتل البنى ادم وهوا حي ! شئ قدام عيونك ومش قادر توصله ! تشوف فيه كل يوم وتعرف انك تخسر فيه معا الوقت حلم حياتك وحب حياتك ! مش عارفة نوصله مشاعري خائفة من رد فعله ! مرات نخسره للابد لو اعترفت ولا شن حيكون شعوري لو طلع حب من...
