#سنيسفيورم
بقلم محمد مالك
الحلقة السادسة و الثلاثون
______________
مقدام يطق ف باب حوش اسامة
جهاد واقف قدام محل خالد ويشوف
وخالد مشى ل مقدام
اسامة طالع بيفتح الباب
ربيع ف راس الشارع واقف
خالد..شد مقدام من حوايجه: خيرك متفهمش انتا !
مقدام..دف خالد: انتا شن دخلك بكل كل ما نجي تطلعلي !
اسامة..فتح الباب
خالد: هاده ميفهمش يا اسامة شكله !
اسامة..وقت شافه تنهد: منور خالد خليه توا نشوف شن موضوعه
خالد..قص الطريق ومشى قدام محله
اسامة..شاف ل مقدام: شن اسمك انتا
مقدام : مقدام
اسامة: به شن تبي انتا ؟! من غير كثر دوة
مقدام: نبي حقي
اسامة: وشن هوا حقك
مقدام: فلوس واخدهم بوك من بوي زمان
اسامة: وكم الفلوس
مقدام: 40 الف
اسامة: عندك حاجة تثبت كلامك ؟
مقدام: لا
اسامة: معناها توكل علي ربي هيا
مقدام: كيف بتاكلني ف حقي ؟!
اسامة: شن اسمه بوك ؟!
مقدام..توتر: اسمه عياد ******
اسامة: به اني اول مرة نشوفك هادي حاجة وثاني شئ اول مرة نسمع ان بوي عنده صاحبه اسمه عياد ! ومفيش حاجة تاكد كلامك
مقدام: هاده دين علي بوك وينه لازم يدفعه هوا !
اسامة: بوي متوفي
مقدام: الله يرحمه بس نبي فلوسي
اسامة: واني قاعد مش خاش راسي موضوعك
مقدام: مفيش كلام ف موضوع الولد يخلص ديون بوه معروفة
اسامة..ابتسم: فيه حد باعتك ليا انتا ؟
مقدام..توتر: اااه ؟ من بيبعتني ليك نبي حقي بس
اسامة: اعطيني رقمك ..مدله تلفونه
مقدام..كتب رقمه: شن توا ؟ بتعطيني فلوسي
اسامة: توا نتصل بيك ونتفاهمو برا توا
مقدام: تمام متعطلش مستعجل نبيهم
اسامة..شافله ومردش عليه
مقدام طلع
جهاد: من هوا هاده ؟
خالد: تي واحد مكسد شكله
جهاد: مفيش حد مكسد يا خالد كل واحد شيطانه ف جيبه
خالد:ربي يعاونه اسامة وهوا كل مرة حاصل ف حاجة
جهاد: ولد واحد هوا !
خالد: ايه ولد واحد وقايم حوش عيلة ع كتافه
جهاد..سكت شوية: تمام خالد ليلتك سعيدة ان شاء الله
خالد: وليلتك يا جهاد تعال هدرز مرة مرة
جهاد: خلاص جنبك بديت
مقدام ف نهاية الزنقة ركب سيارة ربيع
ربيع: شن صار ؟
مقدام: خدى رقمي وقالي توا نكلمك
ربيع: مليح بكل مهم موضحتش شئ ولا ؟
مقدام: لا موضحتش شئ
ربيع: كويس وهوا شن اسلوبه ترا ب احترام ولا مش عاجبه
مقدام: مش مصدقني
ربيع: حيصدق مدورش انتا هيا نحطك وين تبي ورد بالك تتكلم ع موضوع لحد ولما يتصل بيك قولي طول !
مقدم..مد يده: به ادفع حق الليلة
ربيع: تشرب فالعفن هاده كل ليلة اضر ف روحك راه
مقدام: خائف عليا !؟ غير هات بس
ربيع..طلع فلوس وعطاه: معاش فيه فلوس لن يقتنع اسامة
مقدام...حط فلوس ف جيبه: خليه عليا بس
ربيع...ولع سيارته وطلع
أنت تقرأ
سنيسفيورم
Romance#سنيسفيورم شعور الغيرة !؟ يقتل البنى ادم وهوا حي ! شئ قدام عيونك ومش قادر توصله ! تشوف فيه كل يوم وتعرف انك تخسر فيه معا الوقت حلم حياتك وحب حياتك ! مش عارفة نوصله مشاعري خائفة من رد فعله ! مرات نخسره للابد لو اعترفت ولا شن حيكون شعوري لو طلع حب من...
