#سنيسفيورم
الحلقة الخامسة و الثلاثون ال 35
بقلم محمد مالك
_________________
ربيع: اسمع شوف انتا كمل بس متوقفش
مقدام: الراجل قريب قتلني ..حط يده ع وجهه..شوف وجهي كيف ولا
ربيع: تبي فلوس تشرب العفن الي تشرب فيه ولا ؟!
مقدام:ايه
ربيع..خبط بيده بقوة: معناها ادير الي نقولك عليه توا نعطيك فلوس حق عكسة الليلة..وغمزله
مقدام..مد يده:هات فلوس وادفع زيادة ع خاطر الي خديته من ضرب ف جرتك
ربيع..طلع فلوس من جيبه عد وعطاه: توا غدوا لما تنوض وتكون ف وعيك تمشي اطق باب تمام ولو لقيته كلمه باسلوب هكي وضح انك راجل وقوله زي ما تفاهمنا تمام
مقدام:تمام بس ع حسب ما نتفكر قالي وين البنت ؟!
ربيع: بنت شن ؟
مقدام: هكي قالي مش عارف
ربيع: شكلك مش ف عقلك وتخرط بديت هيا نوض توكل
مقدام..ناض ويعد فالفلوس ويضحك !
ربيع..جبد الكرسي وقعمز: توا نتصافو يا اسامة اني ننضرب وننذلو منك انتا يا حشرة ! منبداش راجل كان منردلكش ضربة الموس
_______________
اسامة..خد التلفون من عثمان وتنهد ورد: الو
شخص: صحه ليكم لعبتو صح معناها توا تلقو الي جايكم
ايهاب..بيتكلم بعصاب
اسامة فنص فيه بمعني اسكت : اسمع الي بنقوله ودير الي تبيه تمام ! اني مش عارف شن مشكلتك وشن موضوعك معانا تمام خلينا نتكلمو ونحلوها بالكلام
شخص: نبي فلوسي ****** محدش قاله يلعب كان ميقدرش يدفع
اسامة: به اسمعني توا هكي بالتريس انتا عارف انه صعب نلقطو نص مليون ف يومين فاهمني احنى لقطنا الي قدرنا عليه توا اشرحلي موضوع الدين هاده ونتفاهمو فيه شن رايك ولاد بلاد فالاخير خوي قصدي بتكبر وبتولي دم وموضوع ينحل بتفاهم
شخص: نبي فلوسي كلمة وقص
اسامة: تمام فلوسك ندبروهم لكن فلوس من مني تبيهم ولعب شن ؟
عثمان وايهاب يسمعو ومنتبهين
شخص: قمار ! نبيهم من صبري مقدرناش نحصلوهم منه نحصلوهم من بنته
اسامة: به تمام صبري وينه !
شخص: الله لا يرحمه
عثمان..حط يده ع وجهه!
شخص: توا فلوسي شن الموضوع فيهم ؟!
اسامة: نبي مدة متقوليش يومين ومش عارف شن اني نوعدك نجي نلسمهم ليك لعندك ونسكرو الصفحة الحزينة هادي تمام !؟
شخص..سكت شوية؛ تمام عندك اسبوعين اكثر من هكي منقدرش
اسامة..تنهد براحة: تمام مليح نتصرفو فيهم
عثمان...تكلم اسامة كان فاتح مايك: وين ميت صبري
شخص: مش لازم تعرفو !
عثمان: ندفنوه عالاقل يا راجل
شخص: مدفون مدورش
عثمان: حتندم توا تشوف..اسامة حط يده ع فم عثمان
اسامة: ضم فمك خيرك غبي ********
تسكرت المكالمة
ايهاب..شاف للسماء وعرف ان فادية بدت يتيمة توا لا اب لا ام كان يتمنى ميكونش مصيرها زيه
عثمان..بعصاب: شن قلت انا صبري مقتول ولا !! قتلكم اختفى فجاة بس نبي نعرف ليش قال بيسافر !!
اسامة: مرات عارف انه حينقتل وقصد انه بيسافر من الدنيا !
ايهاب..داخ وقعمز عالارض !
اسامة..انتبه ليه ..قرب منه وحط يده ع راسه : خيرك
ايهاب:مش عارف
اسامة:كله منك طلعت من الموت وتتحرك زي الجن ليك ثلاثة ايام
ايهاب..شاف ل اسامة بعدين اغمآ عليه !
اسامة..شده:ايهاب ايهاب !! رد عليااا !
أنت تقرأ
سنيسفيورم
Romance#سنيسفيورم شعور الغيرة !؟ يقتل البنى ادم وهوا حي ! شئ قدام عيونك ومش قادر توصله ! تشوف فيه كل يوم وتعرف انك تخسر فيه معا الوقت حلم حياتك وحب حياتك ! مش عارفة نوصله مشاعري خائفة من رد فعله ! مرات نخسره للابد لو اعترفت ولا شن حيكون شعوري لو طلع حب من...
