سنيسفيورم

حلقة 4

سنيـسفـــيورم 🌹❤️
بقلــم.: محمد مالــك
الحلقـه "الرابعـــه 4 "
_____________________________

غفران..شبحـت اسامـة بدون تيشرت تلفتـتت : اسفة مكنتش نعلــم
اسامة..لبس السورية : غفــران ولا
غفران..ابتسمــت: ايه. !
اسامة...: ممكن دقيقـه نبدل وحننـزل
غفران..: تمام
فتـحت الباب لــقت ف وجهها بلقيـــس
بلقيـس عيونهـا ولـو أدمـوع و تشـبح لـ البـاب
غفـران شبحتلهـا و مشـت.
ايـه جت وقفـت قـدام غفـران كانـت بتخطـم واية شبحتهـا فـ دار اسامـه. : لابـــاس. ! في داره خاشـه؟
غفـران ابتسـمت :كنـت بنسـلـم عليـه خيـرك ترا نحي بنخخطـم
ايـه رفعـت حاجبهـا و حطـت ايدهـا في وسطهـا. : تسلمـي عليـه فـ داره الطـف. مني سمحلـك تركبـي الـدور الثانــي اصلا. !
غفـران شبحتلهـا بحـده. 'عفــوا شني درت انـي بنت خالتـه راني. "
بلقيس مـازال فـي حالـة الصدمـه و عيونهـا يرمشـو و حاسـه بريقهـا جــاف و قلبهـا واجعها

ايـه اشـرت بصبعهـا السبابـه على وجـهه غفـران من فـوق لـ لوطـا. : عنـدي علـم بـ الي في خاطـرك و بنقولـك " غمزتلهـا " : اني ويـاك و الزمـان طويـل اطوليـه خـويا 😉
غـفران شقلبـت اعيونهـا. : شـن الظـن السـؤ هـذا امشـي من عليـا.
و نـزلت من الدروج و هيا فـي داخلهـا شعـور كره اكثـر لايــه و حامقـه امـا ايـه ع اعصابهـا خـاطرهـا تلحقهـا و توريهـا الله حـق لكم ع خاطـر امهـا سكتـت. !
اسامـه فتـح الدار شبـح لـ بلقيـس الي مازال واقفـه على البـاب و عيونهـا ادموع
ايـه جـت: شديـر عنـدك المريضـه هاديكا
اسامــه. : ضمـي فمك 😨😡" و شبـح لـ بلقيـس " : خيـرك شن في ؟
بلقيـس متـوتـره مش قادره تتكلـم ولا حتـئ تتنفـس واجعهـا خاطرهـا. لكن ويـن شبحاتـه تبـدل حالهـا،شـوي. : لا غيـر ناعسـه
اسامـه ابتسـم. :شن بتـروحي ولا قاعـده
بلقيـس كـانت بتقعـد بس فكـرت ان تروح بـاش اسامـه يروح ليهـا و تبعده من غفـران : اي اي بنـروح
اسامـه ركز في لقطتهـا و تسرعهـا.  : اي امليـح اني بنهـرب تو نتسبل بيك
بلقيـس. : نمشـي نوتـي حوايجــي " و مشـت. " و اسامـه يشبحلهـا ليـن دخلت لـ الـدار حـط ايده ف جيبـه لمـس انسايلتهـا تنهـد
ايـه شبحتـلا باستغـراب. : شـن اديـر المريضـه ف دارك شن قلـة الادب هـادي ! لا و تتسـهوك عادي بنت خالتـه قالت
اسامـه. : وين نعلـم انـي تعالـي اضربينـي كفيـن و خـلاص بري من وجههي خيرلـك
تعفلـق و نـزل و هـو متكـوم و مضـايـق بس ابتسـم و دخـل. : السـلام عليــكم نورتونـــا
خالتـه ابتسـمت. : و عليـكم السلـام اهلين بوليـدي
اسامـه سلـم عليهــم. و شبـح لخالتـه. : كيف حالـك شن مدايـره
خالتـه. : الحمـدلله بشوفتـكم ولله
اسامه كيـف بيقعمـز شبـح غفـران تشبحلـه قرر يمشـي المطبخ
تهـاني ناضـت. : نحطـلك غدي روان لـ طيبت
اسامـه. : ولله ما خاطري حتـا فالعسـل بس مادامـه روان مدايرتـه تو نجي حطيلي بس
خالتـه. : الطف شن بتاكل فالمطبـخ تغدى اهنـي مش برانيـه احني " و غمزت لغفـران "
اسامـه قعمـز بحـدا روان
خالتـه بـ لوم و حـزن. : وينـك متسالـش عليـا ولا تخطـم  بالك ناقصكك شي. رايـده شي ي خالتـي
اسامه تنهـد. : ولله مشاغـل ي خالتـي مش ملحـق حتـا نمـد رجليـه
خالتـه. : ربي يعاونـك سلمه ولـد خيتـي
لجيــن. : شن محلاتـك اسامـه
اسامـه ابتسم. : عنـدي محـلات ملابـس رجاليـه و نسائيـه مخلطهـا. و الحمـدلله.
غفـران طول الوقـت كانت مبتسمـه ليـه و منحتـش عيونهـا من عليـه.
خالتـه تشبـح لـ عضلاتـه. : شن مسجـل ف صالـة حديـد !
اسامـه. : اي امـالا هـادم منيـن بنجيـبهم
خالتـه:  ايه ايه بقـداش خلي نسجل احمـد و هو مولـي هيكـل
اسامـه. : بـ 250 الشهـر
خالتـه. : لواه هالسعـر مفيـش ارخـص منها
ايه زبطا ان خالتهـا تبي اسامـه يدفع نطت بسرعـه تتكلـم. : ولله ي خالتي في غيرهـا هلبـا ع قـد فلوسـك تحصلـي
غفـران فنصـت و شـبحت لامهـا و خالتـهم ابتسـمت باحراج. : اي هذا هو