#سنيسفيورم
بقلم محمد مالك
الحلقة الرابعة و الثلاثون
______________
سمـعت صوت مرش نكــسر وخبطـــة !
عيطت بصــوت عالــي !
روان..مشت باتجاه الخبطة والمرش كان مكسر
وشافت لقت تحف مكسرة الرشادة ( صخرة ) جنبهم طايحه واضح حد رماها
سمعت عياط احمد ناض من نومه
رفعت الصخرة وشافت من الروشن كان مفيش حد !
من رماها ؟ وعلاش رماها
ايديها يرعشو من الخوف مشت للدار رفعت احمد ف حضنه يبكي ومشت ل تلفونها اتصلت ب اسماعيل !
الاء..نزلــت: ايه بنــت يا مامــا عالباب
بلقيــس..طلعت وفتحــت
ساجــدة ابتسمت
تهاني جنب بلقيس: تفضلي بنيتي
ساجدة مدت ماكلة مغلقة ل بلقيس وهيا مبتسمة : اهلين اني جارتكم الجديدة
تهاني: اهلا وسهلا بيك بنيتي تفضلي
ساجدة..خشت وقفت ع عتبة الباب : والله جاية نعزمكم عندي ونتعرفو عليكم حولنا جدد
تهاني: امتا حولتو مسمعناش حد جديد حول
ساجدة: لينا ثلاثة ايام ممكن يوم كان فيه عرس عندكم عالاغلب
تهاني: ايه عرس ولدي اهلين بيكم ومدامكم جيرانا تستحقو حاجة بابنا مفتوح ليكم
ساجدة: صحيتي خاطري نتعرف عليكم شفتكم هلبا بنات ماشاء الله
بلقيس..تشوفلها وساكته !
ساجدة: بالمناسبة اسمي ساجدة
تهاني..ابتسمت:عاشت الاسامي ساجدة هادي بلقيس مرت ولدي زي بنتي بزبط وهادو البنات ..سلمو ع ساجدة !
تهاني: عازمة الجيران كلهم ؟
ساجدة: لالا انتو بس الحق
تهاني: امتا اليوم
ساجدة: اليوم المغرب او غدوا الي يريحكم
تهاني: تعالي انتي بنتي كان هاده ونتعرفو عليك
ساجدة: حاضر نتلقو غدوا ..دارت باي بيدها وطلعت
تهاني سكرت الباب ..وخشت
الاء: الابتسامة ع وجها من لما خشت ماشاء الله
ابرار: مش مهم توا نبي اسامة حد يوصل فيه نبي نفهم شن صاارر!
تقوى..شافت ل بلقيس كيف تشوف ل ساجدة وساكته : بلقيس
بلقيس..تلفتت: نعم
تقوى:تعرفيها البنت ؟
بلقيس: لالا منين حنعرفها
تقوى: خيرك قريب تاكليها بعيونك
بلقيس:مش عارفة مقدرتش نهضمها فيه حاجة غريبة
..خشت بلقيس
تقوى..مستغربة : شن الغريب ؟!
اية..تتكلم ف تلفون : ايه خطفوها مسكينة وطالبين فلوس
سفيان: وخوك معتز شن دار
اية: من خوي معتز !؟
سفيان: نحكي ع اسامة مش زي معتز الي ف باب الحارة ع اساس
اية: تتسهوك انتا واني نحكيلك اهنى !
سفيان: ايه به كم طالبين
اية: نص مليون
سفيان: احاااااا تعرفي كان يخطفوني ويطلبو من اماليا نص مليون يقولولهم خلوه عندكم
اية: اصلا من بيخطفك انتا شكل يخطفوه هاده
سفيان: علاش كلام جارح توا !
اية: لان دير عقل وتبطل برادة ..سكرت المكالمة
سفيان..شاف ل تلفونه :خيرها سكرت ف وجهي هادي توا شن عيلة لمن بتطلع يعني لخوها !
أنت تقرأ
سنيسفيورم
Romance#سنيسفيورم شعور الغيرة !؟ يقتل البنى ادم وهوا حي ! شئ قدام عيونك ومش قادر توصله ! تشوف فيه كل يوم وتعرف انك تخسر فيه معا الوقت حلم حياتك وحب حياتك ! مش عارفة نوصله مشاعري خائفة من رد فعله ! مرات نخسره للابد لو اعترفت ولا شن حيكون شعوري لو طلع حب من...
