#سنيسفيورم
بقلم محمد مالك
الحلقة التاسعة و الثلاثون / 39
_______________
طاح عالارض وهوا يتالم !
حد رفعني !
مش مستوعب من !
ايه اني ف سيارة توا
نفتح ف عيوني بنشوف من الي رفعني من الارض !
كان يسوق ويتلفت كل شوية يشوفولي !
فجاة ضئ قوي ع عيوني ودوشة !
ونسمع ف صوت شخص قريب عليا
: تحمل يا ولدي تحمل !
واصوات هلبا ..فتحت عيوني وكانو دكاترة فوق راسي ويتحركو بيا !
غمضت عيوني ! ومعاش نحس بشئ !
بلقيس: شن رايك
اسامة..شاد بنته ف يده صغيرة ومبتسم : غزالة زيك شن حيكون رائي !
بلقيس: انتا رفضت نمشو المستشفي ونشوفو جنس البيبي قلت خليها مفاجاة توا شن نسموها
اسامة..شد يد بلقيس: فبالي اسم
بلقيس:اي شن الاسم
اسامة : نور
بلقيس..ابتسمت: حلوو بس علاش نور !؟
اسامة: حتكون نور علينا ! وحياة المظلمة الي كنا فيها حتضواء بيها
بلقيس: نسموها نور خلاص عجبني
اسامة..شاف ل بنته :اهلين نور الله غالب طحتي ف اب عصبي بس حيكون حنين عليك !
نور ابتسمت تقول فهمت عليه
..فتحت عيوني واني مبتسم
حسيت بالالم ! اول ما فتحت عيوني
الممرضة جنبي : متتحركش لو سمحت
اسامة..يتالم: وين اني
الممرضة: انتا فالمستشفي ! تتفكر ف اسمك ياريت تقول اسمك
اسامة: اسامة
الممرضة: تتفكر شن صارلك !؟
اسامة: وين الدكتور !
الممرضة: ياريت تجاوب اسئلة اعتيادية لانك طحت ونخبط راسك !مرات يكون عندك فقدان ذاكرة جزئي
اسامة: نتفكر كويس
الممرضة: تمام حنشوف الدكتور..وطلعت
اسامة..تفكر الحلم الي شافه كان تقول حق ! وابتسم نور !
خش الدكتور
دكتور: الحمد الله ع سلامة !
اسامة: الله يسلمك !
دكتور: تحصلت علي طعنتين وحدة فساقك والثانية فالبطن كنت محظوظ ! والسكين مسببش نزيف فالاعضاء الحيوية وقدرنا نسيطرو عالوضع تم اسعافك بسرعة
اسامة: من اسعفني ؟!
دكتور: موجود برا توا نخليه يخش يشوفك
..طلع الدكتور وخش الشيخ !
اسامة: شيخي
الشيخ: الحمد الله ع السلامة
اسامة..بالم: الله يسلمك
الشيخ: سلامتك كبيرة شن صار طلعت من الجامع لقيت سيارتك ومرمي من ضربك !!!
اسامة: ربيع
الشيخ:ولد عمك !
اسامة: اي ساعة كم !
الشيخ: ساعة 12 الظهر
اسامة: تلفوني ؟!
الشيخ:اهوا عندي فيه كم اتصال مرديتش عليهم
اسامة..خدي تلفونه
الشيخ: قتلك الي درته غلط ولا ؟!
اسامة..شاف للشيخ
الشيخ: موضوع تقعد تضارب انتا وياه معاش يمشي هاده انتا ضربته ف رجله قبل شهور وحرقت سياراتهم !
اسامة: غير نوقف بس لما نقتله الي اسمه ربيع
الشيخ..بصوت عالي وكانت الاولي ليه يرفع صوته !: اسكت ! شن تقتله ! توا بنمشي بنفتح محضر ! وبيجي معاي حد بيسجل اقوالك وينحبس بتهمة اعتداء ومحاولة قتل !
اسامة: شيخي..قص عليه !
الشيخ: ضم فمك ! عجبك هكي ! تقعد زي الفار والقطوس انتا وياه توا انتا تمشي تضربه بعدين يجي يضربك ومعاش نكملو احنى ! ولا تبي يصير فيها دم وناس تموت !
اسامة..تنهد
الشيخ: اخر كلام هاده مرة فاتت نصحتك قتلك فيه دولة ! انتا تشوف فيها خاربة بس هيا مش خاربة فيه ناس تخدم ع راسها مزال ! وهادي خدمتهم توا بنمشي نفتح محضر ونجيب حد متتحركش من اهنى فاهم
اسامة..ساكت
الشيخ طلع !
اسامة..شاف ل تلفونه
كان حيتصل يقول لعيلته بس تراجع ميبيش يرعشهم ويخوفهم ويجو للمستشفي !
أنت تقرأ
سنيسفيورم
Romance#سنيسفيورم شعور الغيرة !؟ يقتل البنى ادم وهوا حي ! شئ قدام عيونك ومش قادر توصله ! تشوف فيه كل يوم وتعرف انك تخسر فيه معا الوقت حلم حياتك وحب حياتك ! مش عارفة نوصله مشاعري خائفة من رد فعله ! مرات نخسره للابد لو اعترفت ولا شن حيكون شعوري لو طلع حب من...
