قامت مني بفتح النوافذ علي الفور فهو منذ الحادثة و هو يجلس طوال الوقت بغرفته المظلمة رافضا أي مصدر للضوء و قد انتهي به الحال علي ذاك المقعد بلا حراك بعد الحادث
وضع يده علي عينيه حين تمكن الضوء من الدخول لغرفته
- ماما اقفلي الشباك عايز افضل في الضلمة
مني برفض
- لا و هتنزل تفطر معانا زى الاول كفاية بقي حبسه و ظلم لنفسك العملية...
قاطعها بسخرية
- عملية تاني ؟؟!! كل مرة بتفشل و الأمل بيضيع هفضل مشلول كده و لا قادر اتحرك و لا ارجع زى زمان
جلست علي الفراش تمسك بيده و هو علي الكرسي و رغم رفضه لكنها أصرت
- و لا حتي عشان العروسة الجديدة ؟؟!!!
لؤي بانفعال و غضب
- تاني و يا تري دفعت كام المرة دي عشان تقبل بواحد مشلول ؟؟!!! قولتلك مش هتجوز اللي هتقبل طمعانة فيا
مني باصرار فهي فرصة ابنها الوحيد للحياة العادية
- جرب مش هتخسر حاجة و البنت كويسة جدا و متعلمة و مش هتاخد فلوس زى ما أنت فاهم
لؤي بعدم تصديق
- عايزة تفهميني إن واحدة زى ما قولتي كده توافق علي رجل مشلول عاجز من غير سبب... و لا يكون حب مثلا ؟؟!!!
كانت تعلم أنه استهجان أقرب منه للسؤال فلا يزال ماضيه مع زوجته يشكل العائق الأكبر تلك التي كانت سبب للشلل هربت منه بعدها كأنه وباء خطير عليها
- البنت هتيجي النهاردة و عايزاك تقابلها كويس مش كل مرة تطرد و تقول كلام وحش لها
لؤي و هو يدير وجهه للناحية الأخري بعدم رضا
- أنا حذرتك قبل كده مش هتجوز و لا عايز اشوف ستات و بعدين اللي أعرفه إن الرجل هو اللي بيروح لبيتها مش العكس خالص
مني بنفاذ صبر
-لؤي
اشاح بيده و هو يقول باستسلام
- خليها تيجي اعملي اللي يريحك و أنا هسكت و استني الهانم لما تشرف البيت
مني لنفسها
- استر يا رب أنا ما صدقت البنت وافقت عشان تيجي مش ناقصة هو كمان يمشها دى آخر أمل له في الحياة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
