دخل لؤى زوجته غرفتهما بعدما انتهت من الحديث لرفاقها والغريب إنهن يتم دعوتهن بأسماء الأب أو الزوج لدرجة أنه حين سمع اسم لؤى صدم حين علم أنه موجهة لزوجته وليس له لكن على أى حال لقد مضى الزفاف على ما يرام وسيعود كل شيء لما كان عليه
انتهى من تبديل ملابسه ثم انتظر خروجها لا يعلم كيف يخبرها أنه لا يستطيع أن يكون زوجا أو يحدث شيئا بينهما بسبب حالته
لكن كل هذا تبخر ما إن رأها تخرج من المرحاض بتلك الملابس المغرية الوقحة كمن ترتديها ليجف حلقه وتطوف عينيه جسدها الظاهر الغير مخفى أمامه
- بيبى النهاردة أجمل يوم فى عمرى خلاص بقيت مراتك حبيبتك
ابعد عينيه عنها بصعوبة بالغة
- بطلى تفكرى فى الحاجات دى عشان مش هيحصل حاجة بينا كان المفروض تفكرى كويس قبل ما توافقى على الجوازة دى
توقع صراخها أو رفضها له لكنه لم تفعل أى من هذا بل جلست على ساقيه محيطة عنقها ليلتفت نحوها بصدمة فلم يتوقع ذاك منها
- كلها أسبوع وتعمل العملية ونقضى أحلى شهر عسل فى الدنيا مع بعض عرسان جداد
حاول لؤى استعادة جديته التى فقدها على يديها
- ومين قالك إنى هعملها ولا عايز ارجع تانى على رجلى أنا كده وهفضل كده مش عاجبك كل واحد يروح لحاله وانتهينا
ابتسمت باصطناع له
- مش بمزاجك هتعملها غصب عنك يا بيبى أنا عروسة جديدة مش هقضيها لب وتسالى أنا عايزة عيال مش هجبهم من المعادى يعنى
امسك يديها التى تحل أزرار قميصه بغضب
- بتعملى ايه بقولك لا هو أنا بتكلم يونانى ارحمينى شوية بقى واقعدى هادية
نظرت له ببراءة مصطنعة لا تناسب تفكيرها
- هتنام بهدومك يعنى بحاول اساعدك تغيرها وتنام لحد بس معاد العملية وبعدين نبقى نشوف هنعمل ايه مع بعض هنسافر ولا نقضى العسل فى أوضتنا
ضغط على يدها يعتصرها بين يديه
- مش هيحصل وبعدين أنا مش محتاج مساعدة منك ولا من غيرك هتصرف لوحدى
تجاهلت كلامه وهى تنهض تحيط خصره وترفعه لينام على الفراش بينما هو يتذمر منها ومن تصرفاتها معه التى تثير غضبه منها أكثر
- مفيش مرة تسمعى الكلام وتسيبنى على راحتى ؟؟!!
وضعته ثم انضمت له على الفراش بل نامت فوق صدره تلف ذراعيها وساقيها حوله كالدودة ليفتح عينيه على مصراعيها
- لا كده كتير ازاى تنامى كده فوقى ؟؟!!! السرير واسع أنا مبحبش اللزقة دى
رفعت رأسها له بمزح
- أنا بحب مش مهم أنت بتحب ايه
قبلته بخفة على شفتيه المنفرجة ثم قالت
- تصبح على أحلى بنت فى الدنيا فى حضنك يا بيبى
نهاية الفصل
😁😁😁
