تقدمت نهى منهما متجاهلة غيظها من تلك التى قرر الزواج بها وهى من ظنتها تافهة يسهل التخلص منها لكنها ترى ندا قويا لها وليست كمن سبق وتخلصت منهم هى ومروة شقيقة زوجها السابق وقفت ترمقها بطرف عينيها بتقليل منها
- خلاص يا لؤى هتجوز عليا البتاعة دى تجيب ضرة لمراتك حبيبتك
وضعت دعاء يدها على ذراع زوجها قبل أن يتحدث لينظر لها بتعجب
- بيبى تعرف الأشكال الزبالة دى منين للأسف طلعت أوحش مما وصفت كنت فاكرة حاجة تانية خالص
نهى بغضب
- اتكلمى عدل أنا نهى هانم يا بيئه مش هنزل للمستوى ده
فقدت دعاء أعصابها وترك زوجها متجهة نحو تلك المجنونة الواقفة أمام عينيها تتواقح عليها وعلى زوجها دون احترام ( على أساس إنك محترمة أوى يا دعاء ده أنتى بتتحرشى بيه وهو يا عينى غلبان 😁😁 )
- مستوى ايه يا أم مستوى جاية تخطفى جوزى منى وأنتى على ذمة جردل مش عارف يلمك ابقى بصى لنفسك الأول قبل ما تتكلمى وبالنسبة للمستوى أحب أعرفك بنفسى رقيب أول يا روحى تمريض عسكرى تحبى تشوف بنعمل ايه فى الوحدة بتاعتنا
وقبل أن تمسكها كانت منى تقف أمامها تمنعها من التصرف معها لتهمس لها بجملة جعلتها تهدأ على الفور لتعود مع زوجها بينما تم طرد نهى من الزفاف
- تمريض عسكرى ؟؟!!!
تحركت بالكرسى خاصة زوجها بهدوء هامسة له
- سورى مقولتش الموضوع ده قبل كده بس هى عصبتنى على العموم القادة بتوعى هنا النهاردة والوحدة كلها
لؤى بتلقائية
- ودول ولاد ولا بنات أصلى ملاحظ طريقتك غريبة فى الكلام
دعاء بجدية
- من ده على ده أصلى هناك مفيش حاجة اسمها بنت ولاد بتعامل أشد من الشباب لدرجة تنسى إنك بنت أصلا وتتعامل زى الرجالة لولا خدت إجازة بالعافية أسبوعين كنت شوفت عامر
قطب حاجبيه بعدم فهم
- عامر ومين عامر ده ؟؟!!!!
دعاء ببراءة مخادعة
- اسم بابا معقول مشفتش وأنت بتمضى على القيسمة اسمه على العموم هناك مفيش حاجة اسمها بنات النداء باسم الأب مش ميرى
لؤى بهمس لنفسه
- وأنا بقول هى جريئة ولسانها طويل ليه كده زى الرجاله أتريها ميرى يا حظك يا لؤى بتقع كل وقعة وقعة أنحس من أختها
تركته على المسرح ثم حملت الميك
- طول عمرى نفسى أغنى فى فرحى والفرصة جت بعد إذن القادة طبعا
" صدقنى خلاص من بين الناس
حبيتك واخترتك ليه
طول ما انا وياك قدامى ملاك
خلتنى ما غمضشى عنيه
الله يا سلام فى عنيك احلى كلام
قرب منى شويه شويه
قلبي وقلبك سوى يتلاقوا
الدنيا انت ملته عليه
ده الحب اللى ماحدش داقه
قرب منى شويه شويه
اد ما تقدر قرب تانى
الدنيا انت ملته عليه
وكانك مخلوق علشانى
يا ارق الناس فى عنيك احساس
بيخدنى معاه انسى الدنيا
ضمنى بايديك لو غالى عليك
ماضيعشى ياريت ولا ثانيه
الله يا سلام فى عنيك احلى كلام
قرب منى شويه شويه
قلبي وقلبك سوى يتلاقوا
الدنيا انت ملته عليه
ده الحب اللى ماحدش داقه
قرب منى شويه شويه اد ما تقدر قرب تانى
الدنيا انت ملتها علية
وكانك مخلوق علشانى
حبيبى حبيبى انا محتجلك تفضل جنبى
اه حبيبى
قرب منى شويه شويه
قلبي وقلبك سوى يتلاقوا
الدنيا انت ملته عليه
انا محتجلك تفضل جنبي
اه حبيبى "
انتهت من الغناء ليصدع التصفيق بالمكان والصفير بتلك البذات العسكرية من الفتيات بينما صرخت دعاء بشكل مفاجأ
- حسنين
نهاية الفصل
💓💓💓
