"انهيار عصبى حاد "
قالها الطبيب حين أتى بعد سقوط منى التى علمت بما حل بابنتها التى تم القبض عليها بوضع غير لائق مع شاب فى شقة مشبوهة حتى زوجها لم تعد قدمه تحمله رغم كل ما فعلت فهى شقيقته الصغرى لا يستطيع تحمل ما فعلته
لكن قدوم نهى بهذا الوقت كان القشة التى قسمت ظهر البعير بعد تفجيرها تلك المفاجأة
- أنا أقدر اخرجها بسهولة جدا ومش هقدم التسجيلات الصوتية اللى معايا ..... شوف ازاى نسيت أقولك إن الهانم أختك هى اللى وراء الحادثة بتاعتك كانت متفقة مع بدر تقتلك بس بدلها حصلك شلل نصفى
انتفض من مكانه مخرجا غضبه منها وممن حوله
-مش بتبطلى كده بقى أنتى ايه ؟؟!!!
رغم ألمها لكنها زادت من الاستفزاز
- التسجيلات الصوتية معايا اسمعها وهتعرف إنى مش بكدب بس كل ده له مقابل....... نتجوز وطلع البتاعة دى
كادت دعاء تقفز فوقها كالمرة السابقة لكنها وقفت مكانها وهى ترى زوجها الحبيب يصفع تلك ال.... على وجهها بقسوة ثم جذب خصلاتها دون رحمة
- اللى بتتكلمى عنها دى تبقى مراتى وأشرف من مليون زيك وبالنسبة للتسجيلات هاخدها من عينيك
دفعها بعيدا كالوباء ثم صرخ باسم رجاله حتى يتم احتجازها فقد يطمئن على والدته وبعدها يضع حدا لتلك الزوجة السابقة التى لا تتركه يحى حياته
جلس رأسه بين كفيه بحزن لتقترب منه دعاء
- بيبى متزعلش نفسك أختك طول عمرها غيرانه منك مش جديدة عليها وده شفته أول ما جيت هنا بس مردتش اتكلم معك
لؤى بحزن
- ليه كل ده ؟؟!!! أنا عمرى ما كرهتها ولا زعلتها بالعكس هى دايما اللى بتعمل كده وبسكت كل مرة عنها بس نوصل للقتل وكمان سبب طلاق نهى منى
تغيرت تعابير زوجته للغيرة العنيفة
- قول كده بقى الموضوع عشان السنيورة اللى طلقتها بقولك ايه يا بيبى أنا مبهزرش وغيرتى مش هترحمك ولا أم أربعة وأربعين
نظر لها بتمعن تلك الغيورة لا تدرك أنها أفضل ما جرى له بحياته كلها ليقرر على الفور
- خليك جنب ماما هروح مشوار وجاى
- هتروح فين ومتقولش ملكيش دعوة ولا الجو ده مش هسيبك لحد ما أعرف
لؤى بغموض
- حاجة اتأخرت أوى عشان اعملها بس جه وقتها خلاص ولازم تتعمل بأسرع وقت كمان
نهاية الفصل
❤❤❤
