ابتعدت عنه قليلا بينما عينيها تلتهم ملامحه الهادئة التى لا تعتاد عليها فهو دائم الصراخ عليها والغضب منها لكنها أعند منه تقترب منها وتقبله متى تريد فذاك العنيد يرفض وجودها بحياته بسبب تلك الحمقاء خلفها لكنها لن تتركه لها
أشرقت شمسها حين فتح عينيه ببطىء ينظر لوقحته لو لم يكن على حاله لحملها لغرفته على الفور
- بيبى احنا عرسان جداد خلينا نطلع على أوضتنا
صرخت نهى لينتبه لها لؤى بعدما انشغل مع وقحته اللذيذة
- خلاص لؤى هيطلقك حالا تفتكرى هسيبنى أنا حب عمره عشانك أنتى والكل عارف إنه مش بيحبك أنتى اللى رامية نفسك عليه
صمت رهيب عم المكان سوى من صرصور الحقل لتبتسم بمكر وهى تنتصر على تلك التى أفسدت ملابسها ومظهرها الأنيق الذى عرفت به دوما
ضمها لؤى بحنان تراه لأول مرة مقبلا رأسها أمام نهى التى اشتعلت منه وهى تراه طوع بنان تلك الفتاة ويستجيب لها دوما
- أنا هعمل العملية بعد أسبوع عشان دعاء تستاهل أكثر من كده مراتى وأم أولادى معاذ وريتاج..
ثم نظر لزوجته السابقة بإحتقار
- موضوعنا انتهى من زمان من ساعة من طلقتك وندمت على جوازة رخيصة بالشكل ده دعاء هى أجمل حاجة حصلت فى حياتى الوقحة اللذيذة دى ملكى أنا مش هسمح لحشرة زيك تتكلم عنها أو تفتح بؤها قصدها
أشار للأمن ليتم طردها أمام عينى لؤى وعائلته لكن مروة لن تتمكن من الصمت والقبول بما فعله فقد كانت على وشك التخلص من ذاك الآخ والحصول على ما تريد
- مكنش ينفع اللى عملته تطردها بالطريقة دى وعشان مين الهانم اللى اتجوزتك عشان الفلوس اللى ماما دفعتها
كادت دعاء تنهض من على قدم زوجها بغضب لكنه منعها ثم التفت لشقيقته
- طالما مش بتحترم أهل البيت اللى هى فيه يبقى اطردها أحسن اللى يدخل البيت دى يبقى محترم يا إما يطلع بره ملوش مكان هنا
أشاحت يديها بسخرية
- قبل ما تتكلم عن الاحترام شوف الهانم واللى عملته فيا وفيها لا وعادى كده تقرب منك وتعمل اللى تعمله من غير احترام لماما ولا ليا متأكد إنها مش.....
قاطعها صراخ لؤى المجنون
- اخرسى مش دعاء اللى يتقال عليها كده مفيش حد محترم أكثر منها وايه يعنى اللى عملته جوزها حلالها تعمل اللى يعجبها واللى مش عاجبه يشرب من البحر
نهاية الفصل
❤❤❤
