زفر للمرة المليون وهو يقف أمام منزل عائلة زوجته تلك الوقحة اللذيذة تزوجته رغما عنهم فمن قد يوافق على الزواج بشخص مقعد لابنته الوحيدة وبعد سماعه نبرتها الحزينة بالهاتف قفز من مكانه يبحث عنهم حتى يصحح الوضع لها
تمكن من لقائهم وبالطبع هم لا يعرفونه شخصيا فقد انقطعت صلتهم بابنتهم بعد زواجها
- أنا لؤى زوج دعاء
الأب بغضب ناهضا من مكانه
- أهلا وسهلا ويا ترى المرة دى جاى تساومنى على ايه ؟؟!!
المرة اللى فاتت والدتك ساومت على حياة ابنى المريض عشان ابنتى توافق عليك ومفهمها أنك مشلول
ابتلع ريقه بتوتر فهو لا يعلم أى شىء عما يتحدث والدها لكن يبدو أنه أكثر من مجرد مال
- أنا جاى ومستعد اعمل أى حاجة عشان اصلح اللى حصل دعاء دلوقتى مراتى والكلام ده فات أوانه يعنى مش هيغير حاجة
الأب بسخرية
- والمطلوب منى ايه ما خلاص اتجوزت وبقيت مراتك ومفيش حاجة هتتغير ولا هتفرق حاجة فى اللى بعمله
لؤى بنفى
- هتفرق معايا ومعها دعاء بتحبك جدا وتتمنى تسامحوها أكيد مش هترضي حفيدك متشفهوش ولا تشيله من فضلك فكر تانى هى تستاهل منك كده
بعد خروجه من منزلهم وجد المحامى الذى وكله لأخته والتى رغم كل ما فعلته رفض التخلى عنها وارسل لها المحامى ليساعدها
- لؤى بيه موقفها صعب ممكن نخفف الحكم بس خروجها مستحيل وخاصة إنها ملتبسة مع اللى اسمه بدر أنا هحاول انقص المدة على قد ما أقدر
- اعمل اللازم وأقلل المدة بس مش عايز صحافة والجو ده حاول الخبر ميتنشرش ويتعرف
بالمنزل كانت والدته مع دعاء التى رفضت تركها حتى تتحدث معها وتخرجها من حالتها الصعبة
- عمرى ما فكرت إنها هتشوف حبى لأخوها أكثر منها ولا إنها تحاول تقتله بسببى دى غلطتى أنا
ربتت دعاء على يديها بحب
- لا يا ماما هى اللى غلط مفيش سبب لكل اللى عملته على العموم لؤى وقف لها محامى ومش هيسبها رغم كل اللى عملته معه خدى بالك من نفسك بقى
دخل لؤى الغرفة لوالدته
- حمد لله على السلامة يا أمى
منى بحزن
- طول ما أختك محبوسة عمرى ما هكون كويسة سامحها يا لؤى
جلس أمامها
- مش زعلان منها أختى الصغيرة وبحاول اخرجها وإن شاء الله هتخرج قريب و.....
قاطعه معرفة أن ضيوفه ينتظرونه بالأسفل ولم يكن سوى عائلة زوجته التى قررت مسامحتها ووضع نهاية للخلاف
- أول مرة جبتها هنا قولتلك إنها مختلفة وهتكون أفضل زوجة وقتها فضلت تتريق عليا
نظر لها بعيون لامعه بالحب
- كان عندك حق يا ماما فى كل كلمة بس وقتها كان ...... الحب المستحيل
نهاية مفتوحة 🔓🔓 مختلفة عما اعتدت كنوع من التغيير
نهاية الفصل
❤❤❤
