السلام عليكم ورحمه الله وبركاته 1/ ده بارت جديد ياريت تفاعل وكومنتات على الفقرات 2/ لو لقيت تفاعل هنزل يوم ويوم او كل يوم 3/اخيرا وليس اخرا دي صورت البيدج بتاعى اتمنا تعملوا متابعه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الفصل الخامس
حنان دون شعور لما تقول وسرعة فى الحديث : انا موافقة عليك يا احمد مديحة بغضب : نعم يا روح امك 😡 حنان بهيام : انا موافقة ياماما على احمد مازن بزهول : حنان انتى اكيد بتهزرى صح .. ماهو مش معقول ترفضينى وتقبلى بدا احمد بغضب : ما تتلم ياحيلتها وامشى من هنا يلا اظن فهمت كدا ردها مازن : ردت كدا عشان خايفة منك وانا بقا مش هسيبهالك بسهولة احمد بعد ان ناوله بوكس ليقول بغضب : لا انت ولا عشرة زيك يقدروا يعملولى حاجة ولا ياخدوا حاجة انا عايزها مديحة بغضب : دا على اساس انها هتبقى ليك دا لما تشوف حلمت ودنك احمد بلا مبالاه : شوفتها فى المراية مديحة : طب اسمعنى بقا ياشجيع السيما بنتى ماهياش ليك ولو انت اخر راجل فى الدنيا مش هتبقى ليك انا بنتى مش هتتجوز بلطجى على اخر الزمن احمد : والله ياحجة القرار قرار ابوها وانا اخدت رأيه وهو موافق وهى كمان موافقة انتى بقا توافقى ماتوافقيش مش مشكلتى مديحة : والجوازة مش هتم طول ماانا مش راضية .. على جثتى انها تتجوزك يا بلطجى انت 😡 حنان بتلقائية : ليه كدا ياما مديحة : اخرسى انتى يابنت ال.... واوعى تفتحى بوقك سامعة احمد : طب اسمعى منى انا بقا اخر الكلام بنتك ليا مش لغيرى فيتبقى ليا يا تترحمى عليها .. مات الكلام .. ليتركهم ويغادر المكان بعد ان اجتمع الجيران امام باب الشقة على صوتهم المرتفع ليغادر بعدها مازن بخزى شديد فكم تمنى ان تكون حنان له وموافقة عليه وتحبه مثلما يحبها بشدة ولكن لا يعنى ذلك استسلامه فربما يحاول الوصول لهدفه مرة اخرى ولكن كيف ؟ 💫💫💫💫💫💫💫💫💫 في منزل حنان وبعد ان ذهبوا الجيران كانت تجلس مديحة على الاريكه هي وروح (ام رباب) لتقول لها مديحة بغيظ : شفتي بنت ال... اه ياني عليا بقا انا تخلي منظرى كده قدام الناس وحياه امي لابوظ الجوازه دي بقا ترفض المدرس و صاحب المحلات وتتجوز في الاخر البلطجي دا وحياه امي لا ولع فيها هي وابن ال... التاني اللى عامل نفسه بلطجي لا وفى الاخر تقول بكل برود انا موافقة يا ماما موافقه 😡 موافقه يا بنت ال... ماشي ده انا هاولع فيكى اه يانى .. لتضع يدها على راسها من شدة الصداع ... اه انا حلسه ان دماغي هتنفجر اه الضغط عالى عليا روح (ام رباب) بتمسك لكى لا تنفجر من الضحك : خلاص يا ام حنان اهدى ياحبيبتي اهدى ياختى متعمليش فى نفسك كده وبعدين احمد مش وحش اوى كده صرخت مديحه بعلو صوتها :نعم ياروح نعم ياختي هو احمد لو كان اتقدم لرباب كنتى هتوافقي روح بهدوء وذكاء سيده حكيمه : بصي يا مديحه انا عارفه ان نفسك ان حنان تكون مرتاحه بس ياختى افرضي لو كانت اتجوزت مازن وامه كانت قرفت بنتك كنتى هتعملي ايه عارفة كنتى فى الوقت ده تتمنى انك ترجعى فى قرارك مديحه بعصبية : بقولك اى يا روح بلاش تعملى فيها الست العاقله انا بنتى مش هتتجوز البلطجيً ده روح بهدوء: بنتك مبسوطه وفرحانه يبقا خلاص .. ولم تكمل حديثها حيث خرجت حنان من الغرفه وهى تلف وشاح خفيف على خصرها و رباب خلفها تمسك طبق بلاستيك و بدات حنان بالغناء مبروك عليا الفرح و عريسي و الدخله و لو محدش زغرطلى و النعمه ماانا دخله ... وهنا تصدحً زغروطه قويه من رباب وبدات حنان برقص و اخيرا اتجوزت و معدش ناقصنى حاجه محدش له كلمه عليا و لا حد له عندى حاجه هيمسك ايديا برحته و انا همسك ايديه و هيدلع عليا و ادلع عليه وهنا صرخت مديحة بكل قوتها : تتجوزى مين كتك جنازه تشيلك مين اللى ملوش كلمه عليكي يازباله ده انا هموتك النهارده ده انا قبل ماجوزك هجنزكّ يا قليله الحيا .. لتذهب تجاهها وتمسك شعرها .. تعالى يا زبالة ده انا هموتك بقا بترقصي يا قليله الادب لتحاول رباب ابعادها عن حنان فنظرت لها مديحه وقالت بزعيق: ابعدى يا رباب ماتستعجليش على رزقك استنى اخلص على بنت ال.... دى وجيالك بقا بطبلى ليها يارباب طب دى مجنونه انتى مالك بيها بس وحيات امى ارجعلك انتى وهى عقلكم تانى فتحاول روح ابعدها قائلة : وسعي يا مديحه هتموتى البت فى أيدك ياوليه مديحه وهي تضرب حنان : سبينى اموت بنت ال.... دى سبينى اخلص عليها فتصرخ حنان : شكرا يا مديحه شكرا ياأمومة بقا دى الف مبرووك يا حنون تنظر لها مديحه بصدمه : اه يا زبالة يا بارده طب تعالى بقا والله ماهسيبك حاولت روح (ام رباب) ابعادها ولكن بدون قصد دفعت مديحه روح لتقع و تنظر لمديحه وهى تقول بدموع: كدا يا مديحه شكرا ياختى بس والله العظيم ما داخله بيتك تانى يلا يا رباب وتغادر بسرعه لمنزلها ومعها ابنتها ـــــــــــــــــــــــــــــــــــــــــــــــــــــــــــــــ فى منزل المعلم عمار كان يجلس على مقعده بكل عصبيه عمار : بص يا احمد مش معنى انى مسكتك كل امور الحاره يبقا خلاص لا يا احمد احمد بهدوء: ياحج انا معملتش حاجه غلط ليصدح صوت عمار بغضب شديد : لا عملت يا استاذ يا متعلم يابتاع المدارس لما تروح بيت الراجل وتضرب العريس وتاخد موافقة البت بالاجبار تبقى عملت مش معنى انك ماسك الحته مكانى ان احنا بلطجيه احمد بصوت عالي : امال انت عايز ايه يا حج اسيب البت تروح من ايدى ليه ان شاء الله اعرج ولا مش راجل عمار بعصبيه : انت بتعلى صوتك عليا سعديه وهى تحاول تهدئة الموقف : ولا يقدر ياخويا اهدى يا معلم أهدى ياخويا احمد مقصدش يعلى صوته ثم نظرت لاحمد وقالت :بص يا احمد بص يابني انت غلطت وغلط كبير انت ترضا ان الموضوع ده يحصل مع اختك احمد : ياأمي انا سعديه : ترضا يااحمد احمد : لا ياأمي مرضاش سعديه : بص يا احمد احنا هنروح بس ابوك هيقعد مع حنان ولو هى مش موافقه يبقا الموضوع انتهى لتنظر الى عمار : هااا ياحج مرتاح كده ينظر لها عمار : ماشي يا سعديه ماشي 💫💫💫💫💫💫💫💫💫 على الكورنيش كان يجلس كل من حسن ومرام يتحدثون بفرحة وسعادة مرام : اه ياحسن مش مصدقه نفسي ان خلاص خطوبتنا قريب حسن بغرور مصطنع : اه ياختى طبعا مش لازم تصدقي نفسك هو انا اى حد مرام 😒:اتوكس ياحسن اتوكس يا حبيبي حسن بصدمه: دلوقتي اتوكس يا مرام اشحال كنت روحك وحبيبك اه ولا عشان خدتى غرضك مني مرام وهى تمصمص شفتيها: غرض! غرض ايه يا حسن بلا واكسه دا انت وقت ماشوفت اخويا ورايا اتدورت وعملت فيها عبيط من غير ماتنبهنى حتى حسن : ياااه دا انتى قلبك اسود اوى المهم دلوقتي انا عايزك تيجي انتي و الحجه عشان تشوفوا الشقه مرام بفرحة : انت جبت شقة .. امتى 😃 حسن بغرور مصطنع : لا دي اسرار عليا مقدرش اطلعها مرام : ياباى عليك ياحسن حسن بهيام : ااااه تعرفى انا بحبك ليه مرام : ليه حسن : عشان لما بتنطقى باسمى بحس انى بسمعه لاول مرة فى حياتى بيبقى له رنة خاصة كدا فى ودنى بحبها اوى مرام ببعض الخجل حاولت اخفائه بمشاكسة : ياعم بلاها جو كاظم الساهر دا ويلا نروح انا تلجت حسن : فصيلة اوى انتى تعرفى كدا مرام : اه عارفة ويلا بقا روحنى عشان ألحق اعرف امى بموضوع الشقة ونيجى معاك الصبح حسن : ماشى يلا بينا 💫💫💫💫💫💫💫💫💫 فى الحارة وبالاخص امام بوابة العمارة التى تسكن بها رباب ، كانت عائدة من السوق بعد ان اتت ببعض الطلبات التى طلبتها منها والدتها لتستمع لاحد ينادى عليها من الخلف فتستدير وتقول بإستغراب : مازن ! خير مازن : انا عايز بس اسألك سؤال وتجاوبينى بصراحة رباب : سؤال ايه مش فاهمة ؟ مازن : حنان موافقة على احمد بجد ولا دى اشتغاله رباب بسخرية : هو دا السؤال 😒 طبعا موافقة بجد هو الكلام دا فيه هزار .. بعد اذنك بقا عشان مينفعش الوقفة دى فى نفس الوقت كان يمر حسين وقد رأهم وهم يقفوا سوياً ليذهب بغضب شديد ويقول : ايه الوقفة دى .. انتى ازاى تقفى معاه كدا رباب : نعم وانت مالك ؟ حسين بغضب : مالى ونص وتلات أربع انتى مش عايشة التجمع الخامس انتى هنا فى حارة يعنى لما تقفى مع شحط زى دا الناس تقول عليكى ايه رباب بصوت عالى : ايه انت حد عينك ولى امرى وانا معرفش .. انت ملكش دعوة بيا اصلا مازن محاولاً تهدئت الوضع : اهدى يا عم حسين انا بس كنت بسألها سؤالين وماشى على طول وهى أصلاً نهت معايا الحوار مش لازم الحوار اللى انت عامله دا عن اذنكم حسين : اذنك معاك ياخويا يلا امشى من هنا بقا هوينا .. ليغادر مازن وكادت رباب المغادرة لتقف على صوته وهو يقول : اخر مرة هسمح بدا يحصل المرة الجاية برقبتك رباب بعد ان التفت له بخوف وهى واضعة يدها على رقبتها : واهون عليك يا حسين ثم ماتبقاش ناشف كدا ودمك حامى حرام عليك سايبت ركبى وركبه حسين : يبقا احسن عشان تبقى تعاندينى تانى وتغيظينى بحركاتك دى رباب : خلاص مش هعملها تانى خلى قلبك ابيض بقا انا مكنش قصدى اقف معاه والله انا فكرته انت اللى بتنادينى .. خلاص بقا ياسونة ماتكبرش الموضوع حسين : ماشى يارباب اطلعى دلوقتى امك اكيد عايزاكى ومحتاجاكى وخليكى فاكرة انى بحبك وبغير عليكى عشان ماتتكررش بس رباب : حاضر بس انت كمان ماتتأخرش عليا بليل فى الرد وإلا هنكد عليك وانت عارف نكدى كويس حسين بابتسامة عذبة : ماشى مش هتأخر رباب : اما نشوف ترى متى بدأت تلك قصة الغرام الجديدة ؟ وهل تعاند ام حنان ابنتها كثيراً ؟ كل ذلك واكثر فى الفصول القادمة 😍😘 مع تحياتي نورهان اشرف
