غرام فى الحي الشعبي الجز الاول

البارت التاسع

يا بنات انا بنزل يوم ويوم والله انا عارفة انكوا بتزهقوا منى عشان انا بطلب فوت وكومنتات بس انا فى جامعه وباخد من وقتي ونفسي فى تفاعل مش اكتر
الفصل التاسع

فى صباح اليوم التالى فى شقه مديحه
نجد روح تحكي لها ماحدث وعن طلب حسين ليد ابنتها
مديحه وهى تمصمص شفتيها: وانتى ازاى توافقي على المهزله دى ازاى توافقي ان بلطجيّ يتجوز بنتك
روح بحده: بقولك ايه يا مديحه انا وانتى عارفين ان حسين واحمد مش بلطجيه لا دول ماسكين الحاره وانا وانتى عارفين انهم ولاد ناس و كويسين و ولاد حلال وبعدين اللى مش عجبينك دول معاهم فلوس وهيعرفوا يعيشوا البنات فى مستوى احسن
مديحه بسخريه: مادام هما كويسين اوى كده يبقى بلاش موضوع البلطجه ده وبعدين ياروح انا مش بكره احمد لا والله بس انا ايه يعرفني انه هيعامل بنتى كويس وبعدين لو عمل خناقه في الشارع ودخل السجن او راح فيها انا بنتى هتعمل اى هتبقى ارمله وانا خايفه على بنتى وده حقي وانتى عارفه انها بنتى الوحيده البت اللى طلعت بيها من الدنيا ونفسي ليها الاحسن
روح بهدوء:عارفة يا مديحه بس هتعملي ايه ياختى بنتك فرحانه ومبسوطه بيه والصراحه كده بنتك بتحبه وبتموت فيه كمان وبعدين قوليلى ايه اللى حصل امبارح 
مديحه بغيظ : اسكتي ده الراجل كان هيموتنى امبارح قعدت اقوله قبل مايجوا وهو مشه اللى فى دماغه وطلب اقل
روح بهدوء:مديحه اكيد ابوها عارف مصلحتها وبعدين الصراحه الحج عمار بيجيب احسن حاجه وانضف حاجه ومش مهم عنده الفلوس وبعدين انتى مش هتيجي معانا ولا ايه يلا قومي البسي عشان نروح نشوف فساتين البنات 
مديحه : هقوم ياختى وكمان اشوف البت حنان بتعمل ايه
روح وهى تقوم من موضعها: وانا كمان انزل عشان اجهز
مديحه : تمام
تسير مديحه فى اتجاه غرفه ابنتها لتدخل وتجد حنان تقلب الغرفه رأساً على عقب حيث كانت ترمي الملابس على الارض
مديحه بزعيق :ايه اللى انتى عامله فى الهدوم ده
حنان بإرتباك :اصل اصل اصل
مديحه بزعيق :اصل ايه يازفته انتى بقولك اى يا بت انتى البسي اى حاجه بس مفيش نزول من هنا الا لما تعدلي كل حاجه .. وبعد هذا خرجت من الغرفه صافعة الباب وهى تقول : كتك القرف مستعجله على ايه
حنان بسرعه اختارت فستان من اللون البنى الفاتح وحزام من على الخصر بنفس اللون ولكن اغمق وحجاب بنفس لون الحزام
وعدلت الغرفه سريعاً قبل خروجها
💫💫💫💫💫💫💫💫💫
بعد مرور نصف ساعه كان الجميع فى محل خاص بفساتين الافراح والمناسبات حيث اختارت حنان فستان من اللون الموف ذو فتحة صدر واسعة وتظهر منه جمال جسدها احمد بنرفزه وعصبيه: ايه القرف اللي انتى اخترتيه ده لأ طبعاً
مديحه بإنفعال: مالك يا احمد فى ايه يا خويا سيب البت تختار اللى هي عاوزه لو مش عجبك يبقى مع السلامه يا حبيبي والقلب دعيلك
احمد بصوت عالى جلب كل من روح و سعديه : فى ايه ياحماتى مالك ياحاجه كل ده علشان مرضتش ابقى سوسن انا راجل مخليش حد يشوف جسم مراتى
مديحه بصوت عالى: نعم نعم يا خويا انت قصدك ايه يااحمد قصدك انى عاوزه اورى الناس جسم بنتى مادام احنا عالم زبالة جيت عايز تاخد بنتنا ليه
روح وهى تحاول تهدأت الموقف : اهدى يا مديحه هو ماقالش كده خالص
مديحه: لا يا حبيبتي ده قال وقال وقال وبعدين البت مختاره فستان حلو يعمل كل ده ليه
روح و سعديه:فين الفستان
حنان بدموع: اهو يا خالتى
روح بهدوء: لا يا مديحه الفستان مفتوح .. لتوجه نظرها تجاه حنان قائلة : وبعدين يا حنان من امتى بتلبسي حاجه مفتوحه
حنان بدموع : والله يا خالتى كنت لسه هقول على التعديل اللى كنت هقول عليه للبنت
روح وهي تنظر لاحمد:شوفت يااحمد انك اتسرعت ازاى
احمد وهو يجز على اسنانه :يا خالتى انا لسه بتكلم حماتى ادخلت فى الموضوع وقعدت تزعق
روح وهى تمسك يد مديحه : بصي ياحبيبي شوف انت و حنان الفستان عقبال ماتكلم مع حماتك .. واخذتها وذهبت خارج المحل
سعديه :اهدى يااحمد وانتى يابنتى اختارى حاجه مقفله
حنان بهدوء : حاضر
بعد مرور ربع ساعه من المناقشه على الفستان اخذت حنان فستان ذات لون احمر مع الذهبي
💫💫💫💫💫💫💫💫💫
عند باب المحل حيث تقف مديحه وروح
روح :هدى العب يا مديحه شويه عشان اللى انتى بتعمليه ده مينفعش .. مينفعش تفرجي الناس على بنتك حرام عليكي دى عروسه
مديحه بغضب : انتى مش شايفه بيقول ايه
روح: مديحه الواد مغلطش فى حاجه وانتى اصلا المفرود كنتى اتكلمتى على الفستان وبعدين الواد مغلطش فى حاجه بالعكس ده راجل وعايز يحافظ على اهل بيته
مديحه: انا اصلا كنت هتكلم بس هو اللى طلع فيها زى القطر
روح:ادخلى يا مديحه و ماتكسريش فرحة البت ولا اقولك تعالى ندخل نشوف حاجه لينا احنا كمان
مديحه: اه صح ده في فستان حلو اوى عجبنى تعالى شوفي كدا
روح : طب يلا وبالمرة اشوف البت رباب اختارت ايه عشان نخلص واروح اظبط البيت عشان الضيوف اللى جايين بليل دول .. ليدخلوا المحل ويختاروا الاثنان نفس التصميم باللون الاسود اللامع اما الحاجة سعدية فقد اختارت فستان باللون الرمادى وعليه قطعة تل فضفاضة باللون الاسود بينما مرام اختارت فستان باللون الكاشمير وقريب من التصميم التى اختارته حنان وكذلك رباب اختارت فستان سهرة باللون الفيروزى ليغادروا المحل بعد مرور ساعة
💫💫💫💫💫💫💫💫💫
فى المساء فى منزل الحاج عبدالله
اتى حسين بوالديه وصديقه احمد حتى يأخذوا موافقة رباب ويتفقوا على كل شئ وقد تمت قراءة الفاتحة تحت نظرات حسين العاشقة لرباب التى كانت تجيب عليها بخجل شديد ظهر على ملامحها التى احتلتها حمرة الخجل وبعد مرور ساعتين غادروا المنزل بعد سلامات طويلة بود لتدلف رباب غرفتها بفرحة عارمة لتجد هاتفها يرن وتجده حسين فأجابت على الفور
رباب : الو
حسين بمزح : تتحسدى معرفتكيش النهاردة خالص 😂 اللى يشوفك وانتى طمطماية مايشوفكيش وانتى بتكلمينى على الفون وروح النكد لبساكى
رباب : شوفت انت اللى بتنكد على روحك ازاى دلوقتى 😒
حسين : لالا خلاص بهزر ياقلبي دا انتى كنتى قمر النهاردة
رباب بخجل : حبيبى تسلملى
حسين : قلب حبيبك انتى من جوا 😍
رباب : اتلم يا حسين
حسين تقليداً لصوتها : اتلم يا حسين 😂 ياختى عسل .. بحبك يا بت
رباب : وانا بموووووت فيك .. يلا سلام بقا ماما بتنادى عليا وانت روح شوف بتعمل ايه
حسين : ماشى يا عم المكسوف سلام دلوقتى
💫💫💫💫💫💫💫💫💫
فى منزل الحاج على
استمعت حنان لطرق الباب ففتحته على ظنها بأنها امها وصعدت من عند خالتها روح ولكن وجدته احمد لتقول بشهقة بعد ان جذبت الحجاب على شعرها المبعثر للغاية ولكنه كان بالنسبة له للغاية
حنان : هييييييء انت ايه اللى جابك
احمد برفع حاجبه : هى دى السلام عليكم بتاعتك
حنان بإرتباك : لا مش القصد بس انا هنا لوحدى ابويا فى الشغل وامى تحت بترغى مع خالتى روح
احمد بغمزة : طب ماانا عارف عشان كدا طلعت
حنان : ايوه عايز ايه يعنى 😒
احمد : عايز اتكلم معاكى يا حنان .. عايز اقولك انى بحبك من زمان وانى ماتمنتش حد غيرك ومستعد اقف قدام الدنيا كلها عشانك مش بس اقف قدام امك او اهلى
اكتفت حنان بابتسامة خجلة للغاية بعد ان احتلت ملامحها حمرة الخجل ليكمل ويقول : اسف لو كنت زعلتك النهاردة لانى اكيد مش هستحمل انك تزعلى منى عشان مايهونش عليا زعلك
حنان بهدوء وابتسامة عذبة : وانا قابلة الاعتذار .. ثم التفتت عيناها على الدرج لتقول بنبرة خوف عليه : امشى بقا دلوقتى عشان امى لو طلعت وشافتك هنا هتعمل منك ومنى بطاطس محمرة
احمد : وانا راضى اصل انا بصراحة مش عارف ابعد عينى من على القمر اللى قدامى دا
حنان بسخرية : قمر مين ياعم دا قمر بالستر
احمد : تؤ انتى احلى من القمر 
💫💫💫💫💫💫💫💫💫
في منزل الحاج عمار
كانت تجلس سعدية وتقول بقلق : ياحاج انا مش مطمنه
عمار : ليه يا سعديه البت عملت حاجه
سعديه : لا ياحج بس امها مش عارفه مالها بتتخانق مع دبان وشها ومش مبسوطه من الجوازه انت ماتعرفش عملت ايه لما احمد قال لحنان شوفي فستان تانى
عمار: معلش يا سعديه بس هى ام ودى بنتها الوحيده واكيد مش عاوزه تمشي وتبعد عن حضنها و بعدين اهم حاجه عندنا البت مش حاجه تانيه وكفايه ان ابنك مبسوط ومرتاح معاها
سعدية بقلق : هى من الناحية دى انا مرتاحة لان البت فعلاً بت حلال بس مش عارفة ليه قلبي مقبوض وامها دى متعبة
عمار : ان شاء الله خير أتفائلى يا سعدية وبطلى القلق دا .. دا اللى بيخاف من العفريت يطلعله
سعدية بتنهيدة : ربنا يستر ياحاج
ترى هل يصيب احساسها ام انه مجرد وهم ؟
وماذا يخبئ القدر لابطالنا ؟
كل ذلك واكثر فى الفصول القادمة 😍😘

البارت الجاى هيبقا مختلف تماما و الروايه  هتاخد مسار مختلف عشان كده ركزو جامد