نجمه وكومنتات
💫💫💫💫💫💫💫💫💫💫💫💫
الفصل العشرون والاخير❤️
فى مساء ليلة الحنه
اجتمعت الفتيات بمنزل ام رباب وقد انضمت لهم مرام ووالدتها ليجلسوا ويرسموا نقوش الحنه على ايديهم ويرقصوا سوياً فى كانت عبارة عن قعدة للنساء فقط وغير مسموح للرجال بالدخول ليكونوا الرجال جالسين فى الحارة بالاسفل ويعبئ صوت الDJ المكان ولكن اشتاق احمد لمحبوبته كثيراً ليقرر الصعود لها ولكن هو يعرف انه غير مسموح له بذلك ليخطط لفكرة شيطانية
احمد : حسن .. حسين .. تعالوا عايزكم فى حاجة كدا .. ليأخذهم ويفعل ما خطط لاجله
اما فى الاعلى
دخلوا ثلاثه نساء منتقبات وجلست كلاً منهم بجانب عروسة لتضع كل منتقبة يدها على واحدة منهن لتبتسم كلا منهن بخبث وخجل شديد ، قطعت علي كل واحدة والدتها عندما وقفت امامها لتقول مديحة و روح وسعدية وكل واحدة واقفة بجوار والدتها وامام تلك المنتقبات : ماتفكى ياختى النقاب دى قاعدة ستات بس .. لم يعطوهم الفرصة للرد وفى اقل من ثانية كانت ازاحت مديحة النقات لتجده احمد و روح لتجده حسين و سعدية لتجده حسن لتنقلب الزغاريط إلى صراخ وضرب لهم وحدفهم بالجزم والشباشب حتى هبطوا وركضوا لخارج الحارة قبل ان ينفضح امرهم امام الرجال
احمد بتعب وتنفس بصعوبة : ااااااه الحمد لله نفدنا منهم
حسن بعتاب : منك لله يا احمد انا غلطان انى سمعت كلامك دا انا اتكسرت على ايد امك وامى مش هتدخلنى البيت النهاردة عشان هى محذرانى قبلها بيومين
حسين : الله يخربيت دى صحوبية يا جدع دا منظر عريس فرحه بكره انا مابقتش نافع بقولك ايه اقطع علاقتك بيا
احمد : جرى ايه يا شوية اوباش يعنى انتوا اتضربوا وانا اللى اخدت سكر ما انا اتضربت زيكم الولية حماتى ايديها تقيلة اوى تقولش انتقمت منى لسنتين قدام .. نهايته احنا مش هنعرف ندخل الحارة دلوقتى تعالوا نقضى السهرة فى الفندق ولما الجو يهدى هنا نرجع فى الخباثة
حسن وحسين : فكرة برده يلا بينا ونودع العزوبية .. ليرحلوا واثناء سهرتهم فى الفندق رنت حنان على احمد ليبتعد عنهم ويجيب
احمد : ايه يا قلبي
حنان بضحك شديد : قلبك ايه بس أيه اللى انتوا عملتوه دا .. انتوا فصلتونا ضحك 😂😂😂
احمد بعتاب مصطنع : دا بدل ماتطمنى عليا من ضرب امك اللى كسر ضهرى وشبشبها اللى اتحدف فى وشى
حنان وهى تحاول كبت ضحكاتها : بصراحة تستاهلوا عشان انا قولتلك ان دى قعدة ستات انتوا بقا تيجوا قعدة الستات ليه 😂😂 بس بصراحة فصلت ضحك انا ومرام ورباب على منظركم يالهوى 😂😂😂
احمد بسخرية : اضحكى اضحكى هييييح والله مامصبرنى فى الموضوع دا غير ضحكتك
توقفت عن الضحك ليحتل محله حمرة الخجل لتقول : طيب هتروح امتى
احمد : ساعتين كدا وهروح انا والشباب .. بقولك صحيح احنا مش هنعمل فرحنا فى الحارة
حنان بصدمة : نعم 😳 اومال هنعملوا فين ؟
احمد : هنعملوا فى فندق خمس نجوم
حنان بتردد : طب وفرح رباب ومرام
احمد : معانا برده فى نفس القاعة ماتخافيش ياقلبي وماتشليش هم اليوم انا مرتب كل حاجة حتى العربية اللى هتاخدك من قدام البيت عامل حسابها
حنان : طب حبيبى انا لازم انام دلوقتى تصبح على خير
احمد : وانتى من اهلى يا روحى
💫💫💫💫💫💫💫💫💫
سطعت شمس يوم جديد
وها هو اليوم المنتظر لدى الجميع يوم الفوز العظيم لكل عاشق بمعشوقته
فى شقه الحاج عمار
تدخل الحاجه سعديه وهى تمسك المبخره : احمد يا عين امك اصحى يلا يا حبيبي لوووووووووووولى
احمد بابتسامه جميله : صباح الورد والياسمين عليكي يا احلى سوسو
سعديه بنظرات ام لا تصدق ان ابنها البكر سوف يصبح عريس اليوم : صباح الهنا والسعادة لقلبك وروحك يابنى قوم بقا عشان تجهز نفسك يا عريس عايزك النهارده احسن واحد واجملهم النهاردة يلا يابنى
احمد وهو يقبل يد والدته : انا احسن واحد عشان انتى امى
سعديه و هي تمسح دموعها : بقولك ايه انا مش عاوزه اعيط النهاردة وانت شكلك كدا عايزنى اعمل زى الامهات العاديه واقعد اعيط للصبح
احمد : لا يا سوسو اوعى انا مش عايز كده هقوم بقا اروح الشقه اخد حاجات من هناك
سعديه بفزع : لا يااحمد انا بخرت الشقه وبعد ماخلصت وقفلت عيب تدخلها دلوقتى وبعدين لو فى حاجه عاوزها ومش موجوده انزل جيبها
احمد : تمام يا حاجه
سعدية بغمزة : اه على فكرة انا عديت ليلة امبارح بمزاجى وماقولتش لأبوك 😉
احمد بضحك : تعيشى وتسترى عليا يا حاجة 😂😂
اغلقت الحاجه سعديه الباب وذهبت إلى غرفه مرام
سعديه : يلا يا عروسه قومى عشان تفطرى وتروحي الكوافير
مرام : ماما انا خايفه
سعدية بابتسامه : نفس شعورى يوم فرحي على ابوكي بس الفرق انى مكنتش اعرف ابوكى ولا كنت بأقف فى البلكونه بالليل نتوشوش بكلمه
مرام بكسوف : ماما
سعديه بضحك : بتتكسفي اوى يابت بصي يا مرام امى يوم فرحى على ابوكى قالتلى بيتك سرك اللى محدش يعرفوا يعنى يابنتى محدش يعرف حاجه عن بيتك بتاكلى كل يوم لحمه محدش يعرف بتاكلى كل يوم مش محدش يعرف واوعي تتقلى على جوزك فى الطلبات لا بالعكس اطلبي لما يكون معاه واوعي تكوني من الستات اللى بتقعد تشكي لا إللى يسألك قولى الحمدلله واوعي تقولى فلان قال او فلان عاد ماشي يابنتى
مرام بحب : حاضر ياامى
سعديه : واهم حاجه حماتك امك التانيه ولو زعلتك كأن انا اللى زعلتك هتزعلى منى
مرام: لأ طبعاً
سعديه:يبقى نفس الكلام مع حماتك ولما تزعلك افتكرى ان هي ام الراجل اللى انتى متجوزاه
مرام : حاضر ياامى
سعديه : يلا بقا قومى اجهزى
وتخرج من الغرفه
الحاج عمار بحزن : ايه يا سعديه خلاص البيت هيبقى انا وانتى وبس
سعديه بابتسامه : ايه يا عمار ده الطبيعي وبعدين احنا بدأنا كده و النهايه كدا
الحج عمار : مش متعود يا سعديه احنا غلطانين لما جوزنا الاتنين فى وقت واحد
سعديه بضحك:ههههه على فكره يا عمار انا اللى المفروض اللى اعمل كده
عمار بعتاب مصطنع : كدا يا سعديه طب مش هقولك على الفكره اللى جات فى دماغى
سعديه بدلع : قول يا عمار وحيات سعديه عندك
عمار : ايه رأيك لو اشتريلك فستان فرح ونعمل فرح جديد مع العيال
سعديه بضحك : ههههههههه لا بجد انت بقيت فظيع فى ايه يا راجل انت مش كنت متأثر ايه اللى حصل
عمار : انا غلطان قولت اعملك فرح جديد
سعديه بضحك وسخرية : ههههههه وعيالك اللى يزفونا
عمار بجدية : طب وفيها ايه يعنى .. ثم يمسك يد سعديه .. ماتيجي احطلك قطره
سعديه بصدمه : وسع يا عمار وسع ياخويا ده انت فايق ورايق
احمد وهو يخرج من الغرفه ويقول بمكر : ايه يا حاج انت بتعمل ايه
عمار : مش بعمل حاجه يا عريس انا عايزك ترفع راسنا النهارده
احمد بفخر وغرور مصطنع : هبهرك باذن الله
سعديه : امشي يااحمد امشي يابنى انت رايح فين صح
احمد : هروح الفندق عشان هنلبس هناك و حاجز غرفة ليكى انتى و مرام
سعديه : حنان هتروح ازاى هى و رباب
احمد : انا هبعت عربية ليهم ماتقلقيش ياحاجه كل حاجه جاهزه سلام انا بقا
سعديه : مع السلامه يا حبيبي ربنا يباركلك ويديك الصحه يارب ويحفظك ليا .. كل هذا يحدث تحت انظار عمار الذي يحمد الله على هذه العائله
💫💫💫💫💫💫💫💫💫
فى شقه مديحه
تدخل غرفة ابنتها العروس
مديحه : حنان قومى يا عروسه قومى يا بنتى
حنان بابتسامه مشرقة : صباح الخير يا ماما
مديحه بدموع : صباح الورد ياروح ماما قومى يلا عشان تجهزى
حنان : حاضر يا ديحه
مديحه : قلب ديحه بصي يا حنان اسمعني كويس وحطي الكلام ده حلقه فى ودنك
حنان: قولى يا ماما
مديحه: بصي يابنتى انا عارفه انى بعامل احمد وحش وبينى وبينك طلعت غلى فيه امبارح بس دا عشان انتى بنتى الوحيده اللى طلعت بيها من الدنيا اللى مليش غيرها اللى كل حياتي راحت عشانها فاكيد لما حد ياخدك منى هتجنن وهحاول اعمل اى حاجه وده اللى انا عملته ممكن غيرة ام على بنتها الوحيده او حبي ليكي كان اتحول لحب امتلاك وعلى فكرة كنت هاعمل كده مع اى حد بس هي جات فى احمد فمتزعليش منى يا حنان
حنان بدموع : مش زعلانه منك يا امى
مديحه وهى تأخذ حنان فى حضنها : بصى يا بنتى جوزك وبيتك اهم حاجه فى حياتك واوعى في يوم تحطي حاجه تانيه مكانهم بصي عشان تبقي ست كويسه دلعي جوزك عامليه على انه ابنك البكر الراجل عامل زى الطفل الصغير شويه اهتمام هيخلي يدوب فيكى و دايماً اديله احساس ان هو الحياه بتاعتك ولو زعلك اسحبي الاهتمام هيرجع تانى ليكى ماشي يا حنان
حنان: حاضر يا مديحه ربنا يخليكي ليا
مديحه: ويخليكي يا حنون
اما فى شقة روح
روح : اصحى بقى يا روبا لولولولولولولولولولى قومى يلا عشان نلحق نجهز
رباب بتثاؤب : صباح الخير يا ماما
روح وهى تجلس امامها بحنان : صباح الفل ياروح قلب ماما من جوا .. يااااه يارباب كبرتى وبقيتى عروسة رغم ان عريسك اهبل باللى عملته امبارح دا
رباب بعد ان انفجرت من الضحك : يعنى هو كان لوحده ياماما ماابنك كمان كان معاهم وأخد علقة برده
روح : انتى هتقوليلى دا انا كملت عليه لما رجعلى الفجر بيتسحب واهو نايم دلوقتى زى الحمار .. هروح اصحيه واجيلك عشان فى كلمتين كدا عايزة اقولهم لك .. اشارت لها رباب بخفه لتتحرك روح لغرفة حسن
روح : حسن يلا قوم ناموسيتك كحلى قوم يا عريس لولولولولولولولولولولى
حسن بفزع : ايه ياما عرفت انى عريس مش لازم تزغطى جنب ودنى
روح : طب قوم ياخويا قوم جهز نفسك وشوف هتعمل ايه وكلم ابوك عايزك فى كلمتين بره
حسن بخوف : اوعى تكونى حكيتي له يا روح على امبارح
روح : لا ماقولتلوش يا موكوس بس هو عايزك فى كلمتين كدا بمناسبة حياتك الجديدة وعش الزوجية 😉
حسن : ااه قولى كدا وقعتى قلبي انا طالع اهو
ذهب لوالده وذهبت روح لابنتها لتلقى على مسامعها بعض النصائح كما فعلت مديحة وسعدية وكذلك فعل الاب مع ابنه
💫💫💫💫💫💫💫💫💫
مرت عدت ساعات لتأتى السيارات الخاصة وتأخذ كلا من مديحة وحنان ورباب وروح وسعدية ومرام حتى وصلوا للفندق وعلموا الغرف الخاصة بهم
فى غرفه الفندق الخاصه بحنان ورباب
حنان بعدم تصديق: ايه ده انا مش مصدقه ان فرحي هيتعمل هنا
رباب : ولا انا ده الفندق ده بتاع الناس اللى فوق وفوق اوى
حنان:كله كوم والفستان كوم يالهوي على جماله
رباب:اه والله احسن من اللى انتى كنتى عايزانا نأجره من اتيليه ام احمد وشركاها
حنان:ههههههه طب ماهى احسن واحده فى المنطقة
رباب:يا شيخه كتك القرف
حنان:ربنا يخليك ليا يا احمد يارب
رباب:وانت كمان يا سونه
فى هذه اللحظة تدخل فتيات الميكاب
حنان : مين حضرتكم
الفتاه : احنا الميكب ارتست يا عروسه ممكن نبدأ
💫💫💫💫💫💫💫💫💫💫💫💫
فى الخارج
مديحه:انا مش مصدقه والله ده الفندق باين عليه غالى اوى
روح:بس يا مديحه لأحسن تحسديهم
مديحه:لا ياختى ربنا يبارك بس انا عايز اعرف ايه الفلوس دى كله
روح:والله وانا كمان بس بكرا نقعد على الحيطه ونسمع الزيطه خلينا ندخل للبنات بدل مااحنا قاعدين نتكلم وخلاص
مديحه:يلا .. و يتجهوا الى الغرفه الخاصة بحنان ورباب
💫💫💫💫💫💫💫💫💫
بغرفة مرام
سعدية : ماشاء الله عليكى يا قلبي قمر ياروحى بجد ربنا يحرسك من العين يامرام
مرام : ربنا يخليكى ليا ياماما بس انا متضايقة مش عارفة حطنى فى اوضة لوحدى ليه ماكانوا حطونى مع البنات
سعدية : معلش ياحبيبتى اهو تبقى براحتك برده واهو كدا كدا هتتجمعوا مع بعض فى نفس القاعة
مرام : طيب
💫💫💫💫💫💫💫💫💫
بالغرفة الخاصة بالشباب
كانوا يجلسون ويمزحون معاً
حسين بمزح للحلاق : بقولك ايه خدله الجنب دا عايزك تطيره له
احمد : بس يا حسين الزفت انت .. بقولك ايه ياسطا اوعى تقص شعراية من شعرى سشواره وظبطه بس وخففلى دقنى
حسن : يا عم اعمل حلاقة جديدة بدل حلاقة الاتراك ديه
احمد : انت مالك يا رخم عجبانى ملكش فيه
حسن : اه دلوقتى مليش فيه وامبارح ساعدنى مش كدا
احمد : طب بزمتك شوفت حبيبت القلب ولا لأ وانبسطت ولا لأ
حسن بهيام : لا بصراحة شوفتها وانبسطت 😍 بس بعدها اخدت علقت موت وشباشب وجزم نزلت عليا من حيث لا ادري
حسين : اه والله يا واد يا حسن انا ندمت انى انا سمعت كلامه آدى اخرت الصحوبية واللى يمشى ورا الصحاب
احمد ببرود : بقولكم ايه انا ماضربتكمش على ايدكم واللى ماكنش عايز يطلع منكم مكنش طلع معايا واطلعوا برة دماغى بقا
حسن وحسين : ماشى يا ابو الصحاب
💫💫💫💫💫💫💫💫💫
اتى المساء سريعاً ليستلم كل عاشق معشوقته من يد والدها بعد التوصية الشديدة من كل اب على ابنته لعريسها " اللى هى مش هوصيك خليها فى عينيك 😂😂" ليأخذوهم بعد ان سلبت كلاً منهم عقل حبيبها من جمالها الهادئ وفستانها الابيض الذى يزينه حجابها ليلتقط كل كابلز بعض الصور لتكون زكرى مميزه لهم وبعدها يدخلوا كل من العرسان من
حيث كنت ترتدي حنان
أنت تقرأ
غرام فى الحي الشعبي الجز الاول
Açãoكل رواية تتكلم عن الراجل صاحب الفلوس الكتير دى بقا الجديد يا بلد التقليد احنا هنتكلم عن الاختلاف😊😊😊وممنوع النقل او الاقتباس دون علمى
