غرام فى الحي الشعبي الجز الاول

البارت التلات

وعدت انى هنزل فصل يوم الجمعة وادينى نزلت اهو الاقى تفاعل بقا عشان النفسية بقدونس خالص يعنى 😂

#غرام_فى_الحى_الشعبى

الفصل الثالث

تقف مديحه تعد طعام الغداء وهى تُدندن اغنيه لكوكب الشرق ام كلثوم

يا حبيبى الليل وسماه ونجومه وقمره وسهره وانت وانا
يا حبيبى انا يا حياتى انا كلنا فى الحب سوا
والهوى اه منه الهوا سهران الهوى
يسقينا الهنا ويقول بالهنايا حبيبي
ياللا نعيش فى عيون الليل ونقول للشمس تعالى بعد سنة
مش قبل سنةدى ليلة حب حلوه بالف ليلة وليلة
بكل العمر هو العمر ايه غير ليلة زى الليلة

يقطع عليها استرسال الاغنيه صوت طرقات الباب
حاضر ياللي على الباب لتقول فى سرها : ربناا يقل مزاجك زى ما قليت مزاجي
وتفتح الباب واذا بها ام مازن وتبتسم لها بود
ام مازن : ازيك يا ام حنان ازيك يا حبيبتي
ام حنان بود : أهلا يا حبيبتي منورانا والله اتفضلى يا حبيبتي اتفضلي
دخلت ام مازن وجلست فى الصاله
ام حنان : ها يا حبيبتي تشربي ايه بصي عندى كركديه سوداني انما ايه حاجه معتبره
ام مازن : لا ياحبيبتي مش عاوزه
ام حنان مقاطعة لها : والله ابدا ثانية بس
وبعض مرور بعض الوقت انتهت من عمل  المشروب وقدمته لها
ام مازن : بصي يا مديحه أنا جايه النهارده عشان اجدد طلب ايد بنتك لأبنى
مديحه باحراجّ : اه يا حبيبتي ده شرف لينا والله بس انتى عارفه الب
ام مازن مقاطعة لها بفخر بابنها : بصي يا ام حنان دى تالت مره اطلب ايد بنتك لأبنى وانا يا حبيبتي ابنى لا هو وحش ولا معيوب لا يا حبيبتي ده مدرس على سن ورمح متأخذنيش يعني مش زي بنتك دبلوم عشان تقعد تتنك على ابنى والله لولا ان هو كل ما أكلمه على الجواز يقول حنان مكنتش هاجي تانى بس اعمل اى كل ماقول يا أبنى يقول يامه القلب و مايريد
ام حنان بسعاده لأبنتها بسبب هذا العاشق الذي يرفض الزواج من غيرها : خلاص يا ام مازن ولا تزعلى وقولى لمازن ان شاءالله المرادى هيكون النصيب
ام مازن بسعاده لابنها فقط لانها ترفض حنان بسبب انها تراها غير صالحه لابنها وانها اقل مقاما لكن ماذا تفعل فى ابنها الذي يعشق تلك  البلهاء
خلاص يا ام حنان وانا مستنيه منك الاكيد
وغادرت ام مازن لكى تخبر ابنها بهذا الخبر الجميل الذي سوف يسعده
ـــــــــــــــــــــــــــــــــــــــــــــــــــــــــــــــ
دلفت حنان الى الشقه لتجد والدتها تجلس على الاريكة تشهد التلفزيون وهى تقطع الجزر
فجلست بجانبها واخذت جزره من الطبق  لتاكلها وتنظر في الجهه الذى تنظر والدتها اليها وهى تشاهد فيلم اسماعيل ياسين في البحريه فتضحك وتقول
حنان: ايه ده هو انتى بتتفرجي على الفيلم ده تانى يا ستي ده احنا حفظناه خلاص.
لتعتدل مديحه و تجلس مقابلها وتقول لها وهي تغلق التلفاز
مديحه : خلاص يا ستي ادينى اقفلت الزفت اللي مضايقك تعالي بقا في موضوع مهم عايزة اتكلم معاكى فيه .. فتنظر لها حنان بترقب لانها تعلم هذه الجلسه جيدا
حنان : قولى يا مديحه قولي يا حبيبتي مين اللي جيه تاني وعايزه تجوزهولي
مديحه: كويس انك عارفه ان انا عايزة اغورك  واجوزك عشان كده بقولك يا حنان ام مازن جات تاني النهارده طلبت يدك للمره الثالثه وبصراحه يا بنتي انا شايفه مازن مناسب اوووى ده مدرس و بيكسب على قلبه قد كده وكل الخير دوت هيبقى بتاعك انتى في الاخر وانا يا بنتي مش عايزه غير مصلحتك وبعدين ده كفايه ان هو قابل بيكى ده لو واحد تاني كان طفش من جوازتك ده انتى يا شيخه كل ما يجي عشان يتقدملك تخرجي له بشكل استغفر الله العظيم مره يبقى شكلك يقطع الخميره من البيت وشعرك عامل زي الملبوسه يأما عامله زى البيتشو واكلمك تقوليلى اصل ده نيو لوك
حنان : طب بصي بقا يا مديحه انا مش متجوزه ماشي انا مش عاوزه مازن ده لو اخر واحد في الدنيا انا مش عايزاه انا شايفاه زي اخويا وبس ماشي اكتر من كده لأ
مديحه بصراخ وصوت عالى : يمين ثلاثه يا بنت بطني ما انتى متجوزه غيره و انا وانتى والزمن طويل ، قامت حنان من مجلسها وهى تدب على الارض كالاطفال
حنان : مش متجوزه يعنى مش متجوزه ياناس هو بالعافيه انا مش متجوزه و بقولك اهو يا مديحه لو هتجوزهولى بالعافيه هاموت نفسي
شهقت مديحه وقالت : خوفتني يا بت طب اعمليها كده يعين امك وهو احسن على الاقل اخلص منك
فصرخت حنان وقالت : انتى ام انتى ماشي يا مديحه ماشي يا مديحه قويه ومفتريه بتستقوى عليا  ماشي
اشتعلت بها نيران الغضب لتحدفها مديحه بالسكينه بغضب فتتفادي حنان الضربه   وتدخل السكينه في الحائط فتنكسر وتظل حنان واقفه قائلة : ماجاتش فيا .. فتقوم مديحه وتقول بصوتها العالى وهي تمسك الخف المنزلى في يدها : والله لاربيكى وقعت امك سودا بتكسري السكينه ماشي ماشي يا بنت الكلب
هربت حنان لغرفتها واغلقت الباب وظلت خلفه خوفا من ان تفتحه والدتها وتضربها : خلاص يامديحة حقك على راسى
مديحة : فاكرة ان الباب دا هيحميكى منى ماشى يا حنان لما تطلعى بس
حنان : هتستنى كتير مش طالعة
مديحة : مش هسيبك برده عشان بسببك الحيطة باظت
💫💫💫💫💫💫💫💫💫
فى منزل احمد
وبالاخص بغرفة مرام .. وقفت امامه بصدمة كبيرة ليزداد ارتباكها اكثر حينما جذبها من تلباب قميصها وكأنها لصاً فقز من الشرفة
احمد بغضب : انتى بتستغفلينى يا مرام
مرام بخوف شديد : اا انا ابدا ماعاش ولا كان اللى يستغفلك يااخويا
احمد : بجد ! دا على أساس انى اعمى ولا اطرش اتنيلى على عينك انطقى وقوليلى ايه اللى بينك وبين حسن
مرام ومازال يتملكها الخوف : حححسن ؟ حسن مين انا معرفش حد بالاسم دا
احمد : وحيات امك بقولك ايه لو مانتطقتيش هدفنك مكانك فخليكى كدا شاطرة واعترفى احسنلك عشان سمعتكم
مرام : هو .. هو انت هنا من امتى ؟
احمد بسخرية : من ساعة هاجى اطلبك من ابوكى واخوكى
مرام وهى تزيح يده من عليها ولكن فشلت محاولتها : طب ياجدع مش تقول كدا اهدى بس يا ابو حميد وانا هاحكيلك على كل حاجة
تركها بعدما اعطاها كف (قفا يعنى 😂) لتجلس امامه وتتحدث سريعاً بعد ان رأت بعينيه تلك النظرة المخيفة : والله مافيه حاجة بينا غير اننا بنتكلم من البلكونة وشوية يعنى على الفون وبقالنا كدا بس من شهرين بس والله مش اكتر وزى ما سمعت هو هيجي يطلبنى بكره
احمد بوعيد : ماشى اما نشوف من هنا لبكره مش بعيد استنوا عليا انتوا الاتنين
مرام برجاء : بالله عليك يا ابو حميد ماتقفلى فيها
احمد بغضب : وحياتك لاقفلك فيها لاقفلك فيها بسبب ابو حميد دى
مرام : لالالا هبطلها وحياتك انت لهبطلها .. بس صحيح هو انت ايه اللى رجعك ؟
احمد وهو يغادر الغرفة بعد ان اخذ هاتفها : حظك النحس
مرام لنفسها : هو فعلا نحس
💫💫💫💫💫💫💫💫💫
فى صباح اليوم التالى
هبط احمد وهو يتحدث على هاتف قائلاً : حسين اقسم بالله لو البضاعة ماعجبتنيش زى امبارح لاهديك بحاجة فى وشك اخليه شوارع
حسين : ايه يا عم انا مالى هو انا اللى جبتها ولا عملتها
احمد : لا بس انت اللى صدرتها فى خلقتى كانت شورة سودة على دماغك محدش عايز يشترى
حسين : خلاص ياعم مش جايبلك مصلحة تانى
احمد : يبقى احسن اقفل .. ليغلق الخط بضيق
اما على الجانب الاخر
هبطت حنان مع رباب ليتجهوا للسوق كعادتهم غير منبهين لمن يتحرك خلفهم لتقول رباب : طب ما توافقى انا مش فهماكى الصراحة شاب محترم زى دا وشاريكى ترفضيه ليه يا جموسة
حنان بصوت عالى : ياستى مش عايزاه الله هو بالعافية انا مش بضيق مازن الملزق دا ولا بطيق امه ولا حتى هى نفسها بتطيقنى دى تقبل العمى وماتقبلنيش اقوم انا انحشر فى وسطهم
رباب : بس هو رايدك يا موكوسة
حنان : خالتك اسمها كوسة .. وانا مش رايداه ومش عايزاه
رباب : طبعاً ما انتى اخرك سرسجى
حنان : اه ملكيش فيه
رباب : ماشى يااختى .. ناوية تعملى ايه مع امك
حنان : معرفش انا اصلا نفسى اعرف هى متمسكة بيه ليه بس والله لا هعاند واطفشه زى كل مرة
رباب : طب قدامى يا مخ الكلب انتى
اما احمد فما ان استمع لحديثهم حتى انفجرت الدماء بعروقه واراد ان يراه حتى يجعله فى تعداد الموتى ليخرج هاتفه ويطلب احدا ما قائلا بغضب : حسين عايز منك خدمة ...................
ليغلق الخط بعدما قال له ما يفعله ليقول فى سره : حنان انتى بتاعتى انا وبس ومش لحد تانى
💫💫💫💫💫💫💫💫💫
اتى المساء ليعود احمد للمنزل ويجد حسن ووالده ضيوف به ويجلسون مع والد احمد
الحاج عمار (والد احمد) : تعالى يا احمد احضرنا
احمد : خير يابا
والد حسن : خير ياابنى .. انا وابنى جايين النهاردة عشان نطلب مرام لابنى حسن
والد احمد : دا شرف لينا ولا ايه يا احمد
احمد بغموض : على كدا مرام موافقة ؟
حسن : مفيش مشكلة خدوا رأيها
والد احمد : اه طبعاً يا مرام .. مرام
خرجت مرام على استحياء وقالت بخجل : ايوه يا بابا
والد احمد : حسن طالب ايدك هااا ايه رأيك
مرام بفرحة دارتها بخجلها : اللى تشوفه حضرتك يا بابا
احمد وهو يقف امامها : وانا مليش رأي ولا ايه
مرام بارتباك من ردت فعله : لا طبعاً ليك رأي يا اخويا
احمد بعد فترة من الصمت اربكت قلب مرام وحسن : يعنى بصراحة انا .... موافق .. بس اقسم بالله ياحسن هتقل معايا تانى او هتزعلها هعلم عليك تمام يابا
حسن بفرحة : تمام يا ابو نسب
وتمت قراءة الفاتحة بحمد الله وبعد مرور بعض الوقت غادروا وجاءت رسالة على هاتفه ليذهب من المنزل سريعاً
ترى ماذا ستكون ردت فعل احمد مع مازن ؟
وماذا يخبئ القدر لهؤلاء العشاق ؟
كل ذلك واكثر فى الفصول القادمة 😍😘

قمراتييييي لايك وكومنت بدل ما اطلعلكم البلطجى اللى فى الرواية 😂✋

#نورهان_احمد
#نورهان_اشرف