غرام فى الحي الشعبي الجز الاول

البارت السابع

السلام عليكم ورحمه الله وبركاته
قبل اى حاجه التفاعل عشان انزل لو التفاعل حلو هيبقا كل يوم لكن تفاعل وحش هيبقا يوم ويوم او كل يومين

2/ ممكن لو حد عايز روايه كوميد او فى حاره او اى حاجه شبه الروايه تقول اسم الروايه

الفصل السابع

"قفشتك بتحبى من روايا يارباب ماكنش العشم ياواطية"
رباب بعد ان فزعت والتفتت لها : الله يخربيتك يا شيخة فزعتينى فى حد يدخل على حد كدا وايه اللى جابك هنا أساساً
حنان : الحق عليا انى قولت انزل اونسك بس انتى واطية ما تستهليش
رباب : طب يلا يا حبيبتى خدى بعضك وامشى بكرامتك بدل ما اخليكى من غيرها
حنان : لا ماانا همشى بس وانا ماشية هعمل سياح كدا على اللى سمعته واخلى الحارة كلها من اصغرها لاكبرها يعرفوا المكالمة والغرامات يا عنيا
رباب : ومين قالك تمشى اصلا دا انتى منورة اقعدى يا قلبي براحتك دى اوضتك اصلا مش اوضتى
حنان : ايوه كدا ناس ماتجيش إلا بالعين الحمرا .. لتجلس وما ان جلست حتى انقضت عليها رباب بالضرب : تفضحى بقا مين ياحيلتها والله ما حد مسلكك من إيدى النهاردة
حنان بصراخ : خلاص يارباب والله ماكنت هفتح بوقى خلاااااص سبينى
رباب : مش هسيبك والله ما هيحصل
حنان بعد ان ابعدتها عنها أخيراً : ماانتى اللى واطية وخبيتى عليا وانا اصلا مش بخبى عليكى حاجة
رباب : ماهو لو كان صبر القاتل على المقتول كان مات لوحده .. كنت هقولك بس انتى اللى حمارة
حنان بحماس : طب قوليلى بقا دا حصل امتى وازاى وفين وليه هاا هاا قولى
رباب : يابنتى اعقلى بقا شوية وادينى فرصة عشان اقول
حنان : اهو عقلت قولى بقا
رباب : بصى يا ستى فاكرة لما حصلت خناقة كبيرة فى الشارع لما كنت لوحدى وواحد عاكسنى وفرجت عليه امة لا إله إلا الله
حنان : دى كانت امتى عشان فيه خناقات كتير حصلت معانا
رباب : كانت من سنة تقريباً وحسين وقتها دافع عنى وجابلى حقى منه ومن يومها وهو بيحاول يتكلم معايا فى الاول عصلجت بس بعدها اتشديت ليه ووافقت يكون بينا كلام ودلوقتى بنعشق بعض
حنان : اه يا واطية سنة ومعرفش
رباب : دا على اساس يعنى انك ماكنتيش مهووسة بسى احمد بتاعك
حنان : على فكرة الاتنين صحاب
رباب : ما انا عارفة يلا بقا اخلعى من هنا روحى شوفى هتعملى ايه
حنان : شكراً شكراً ياصحوبية ادينى اتركنت على الرف خليه ينفعك فى الاخر انا اللى بقيالك
رباب : يلا يابت اخلعى يخربيت فصلانك
💫💫💫💫💫💫💫💫💫
في بيت الحاج عمار
دخلت الحاجة سعيدة غرفه احمد لتجده يقف امام المرآه يهندم من ملابسه
سعديه وهي ترقع زغروطه عالية : لووووووووووووووووووووووولى صباح الخير يا عريس صباح الخير يا حبيب امك
احمد بتهذيب: صباح الخير يا حاجه عامله ايه
الحاجه سعديه وهي تنظرله بفرحه لا تصدق ان ابنها سوف يصبح عريس في القريب العاجل :بخير طول ما انت بخير ياعين امك
ثم تنظر له بتفحص شديد : ايه ده انت رايح فين
احمد وهو يضبط لياقه قميصه : خارج هشوف محل جديد هنشتريه وبعد كده هاروح اشوف حسين عشان متفقين على حاجه كده
سعديه بحب :طب يا حبيبي تعالى يلا افطر بعد كده شوف هتعمل ايه
ثم تخرج هي واحمد من الغرفه ليجدون الحاج عمار يجلس على الطبليه فيجلس احمد بجواره ثم ينظر احمد لامه : امال فين مرام
الحاجه سعديه: نايمه مانت عارف ماسكه المدعوء التليفون طول الليل بتكلم حسين اكمن احنا رايحين نشوف الشقه اللى هيقعدوا فيها النهارده
احمد: طب ياما انا هاعدي عليكم عشان اروح معاكم .. ثم ينظر الحاج عمار
احمد :بقولك ايه يا حاج عمار
عمار وهو ينظر له بتركيز: خير يا احمد في ايه مش خلاص خطبت عايز ايه تاني
احمد :ربنا يخليك لينا يا حاج انت الخير والبركه انا مش عايز حاجه انا بس كنت عايز اقولك ايه رايك لو نكلم الحاج علي نضبط معاد الجواز و يبقى قبل فرح مرام
نظر له الحاج عمار وهو يرفع حاجبه :ده ليه ده هو انت مش كنت مقاطع الجواز ايه اللي خلاك مره واحده خلاص مش قادر عايز تتجوز على طول
احمد : احم احم ابدا يا حاج انا بس باقول يعني خير البر عاجله وبعدين احنا نستنى ليه الشقه موجوده ولو على العفش الحمد لله احنا مقتدرين ونجيبه من احسن حته فيكى يا مصر ولا اي يا حاج
نظر له عمار بتاييد : خلاص يا احمد هكلم الحاج علي بليل عشان نشوف معاد الجواز ولا اقولك احنا نروح له احسن حاجه نروح له بالليل على الساعه ثمانيه وامك تروح كمان شويه كده علي الظهريه لامها تشوف كده طلباتهم من الاول قبل ما نروح و نبقى عارفين كل حاجه
احمد بفرحه لم يستطع ان يخفيها :تمام يا حاج .. ثم قبل يده وقبل يد امه وقال لها :
معلش يا غاليه هتعبك معايا
نظرت له سعديه بنظرات تملاها الحب والحنان :عيب عليك يا احمد انا لو ما تعبتش ليك انت هتعب لمين ده انا منى عيني اشوفك عريس جنب عروستك في الكوشه
احمد بحب كبير لوالدته :ربنا يخليكي ليا
انتى و الحاج عمار .. ثم قام من على الطبليه : هاقوم انا بقى بعد اذنك يا حاج هنزل اشوف المحل اللي انا قولتلك عليه امبارح و هبقى اجي لكم على العصريه عشان نروح معاد بتاع شقه مرام
سعديه وهى تودعه على باب المنزل: ربنا يخليك ليا يا احمد و يديك على قد نيتك يا ابني ويرزقك بالحلال يا احمد يا ابن سعديه قادر يا كريم
💫💫💫💫💫💫💫💫💫
في منزل الحاج على
مديحه وهى تصرخ بعلو صوتها: حنان انتى يا زفته يا اللي اسمك حنان
حنان بهدوء وادب على غير العاده : نعم يا ماما
نظرت لها مديحه بصدمه: مالك يا حنان مالك ياعين امك فيكي حاجه يا حنان
حنان بهدوء: لا يا ماما مافيش حاجه حضرتك بتندهى عليا عايزه حاجه؟
مديحه وهي تجري على ابنتها وتقيس حرارتها : ايه ده انتى مش سخنه يابت طب يا حنان انت حاسه ان انتى هتموتى يا بنتي عشان كده قولتى تحترمى نفسك في ايه يا بت قولي يا حنان اى حاجه انا امك يا بت
حنان بأستغراب: مافيش حاجه والله
مديحه: اوعي يكون يا بت الواد احمد قالك حاجه تزعلك امبارح
حنان باستغراب: مافيش حد زعلني انا كويسه في ايه
نظرت له مديحه: طب يا اختي بس هادية كده وناديه وده مش طبيعي وانتى دايما شعنونه و مجنونه
حنان وهي تهز كتفها : عادي يا ماما مافيش حاجه حضرتك بتنادي عليا عايزه حاجه
مديحه بإستغراب لهذا الادب المفاجئ : عايزكي تنزلى تجيبلي حاجات من تحت
حنان بهدوء: حاضر يا ماما هاروح البس وانزل ثانيه واحده .. لتدخل حنان غرفتها وتنظر مديحه الى طيفها : مالك يا حنان يارب تولع يا احمد يا ابن ام احمد اكيد انت اللي مزعل البت وقرفها فى عشتها .. بعد ربع ساعه تنزل حنان من شقتها وتسير في الشارع لا تنظر الى احد فينظر لها احمد باستغراب هو لا يعتاد عليها هكذا دائما مجنونه فذهب لها بسرعه ونادى عليها: علي .. علي .. حنان .. لتنظر له بهدوء : نعم
احمد بإستغراب : صباح الفل يا قمر ايه يا حنان ماشيه كده لوحدك من غير رباب ليه
حنان وهي تهز كتفها : مافيش حاجه عادي انت عايز حاجه
احمد : عايزه اسالك يا حنان هو انتى فعلا مغصوبه على الجواز مني هو انا فعلا غصبتك لو مش بتحبيني ومش عايزاني قولي وانا والله مش هازعل بس هقتلك انتى والواد مازن بس مش هازعل
حنان بابتسامه هادئه : لا مش مغصوبه وبعدين انت هتقتل مازن ليه ده طيب والله وجدع
احمد : لا هو انا دلوقتي مش هقتل مازن بس يا حنان انا هقتلك انتى دلوقت وبعدين ثانيه واحده اللي انتى لابسه ده
حنان وهي تنظر لنفسها من اعلى ومن اسفل وتقول وهي ترفع حاجبها : في ايه يا احمد ما لابسه حلو اهو ده انا لابسه عبايه حتى
احمد : عبايه وقرف بصي يا حنان انتى بعد كده تتنقبي
وهنا ترجع حنان مره اخره: نعم نعم يا عينيا ايه يا اخويا اتنقب دى ان شاء الله
احمد بابتسامة مكر : ايوه كدا انتى حنان اللى انا اعرفها خليكى كدا بقا يلا سلام 😘
ليغادر ويذهب الى عمله اما هى فظلت تبتسم تلقائياً كلما تذكرت اخر كلماته حتى انتهت من المشتروات وصعدت للمنزل مرة اخرى
💫💫💫💫💫💫💫💫💫
فى شقة حسن الجديدة
كان يجتمع بها كل من حسن ومرام ووالدتها ووالدته واحمد
روح : هااا ايه رأيك يا عروسة فى الشقة
مرام بفرحة : حلوه اوى يا طنط
سعدية : بجد الشقة حلوه ومريحة يلا ربنا يجعلها قدم السعد عليكم وتتهنوا فيها
الجميع : اللهم أمين
حسن : هى بس ناقصها الفرش وتنورها احلى عروسة 😘
احمد : انا وراك يا سطا 😂
حسن : منور يا ابو الصحاب والله ماقليت بأصلى انا بتكلم عادى اهو 😂
احمد : وانت تتجرء اصلا تعملها وتقل مرة تانية
حسن : لا فى دى معاك حق 😂
مرام بصوت منخفض استمع له حسن : جبان اوى
حسن : يكرم اصلك تشكرى .. بقول ايه انا عايز اعمل خطوبتنا بقا
سعدية : ان شاء الله بعد اسبوعين كدا واهو بالمرة هتبقوا مع خطوبة احمد ونفرح الحى كله
روح : لولولولولولولولولولى ايوه كدا خالى الفرحة تعم علينا بس انتوا عرفتوا الحاج على ابو حنان وام حنان
سعدية : هنروحلها انا وانتى دلوقتى ونعرفها
💫💫💫💫💫💫💫💫💫
فى شقة الحاج على
مديحة وهى تتجه الى الباب لفتحه : طيب ياللى على الباب ثوانى .. اكيد روح مانا عارفة خبطك
روح بعد ان فتحت مديحة لها الباب : شاطرة عرفتينى لوحدك معايا ضيوف
مديحة : مين ؟
سعدية بعد ان ظهرت من خلف الباب : انا ياام حنان
مديحة : اهلا يا حاجة سعدية اتفضلى
سعدية : يزيد فضلك .. اومال عروستنا الحلوه فين
مديحة : فى اوضتها ثوانى .. حنان بت ياحنان تعالى سلمى على حماتك
حنان بعد ان خرجت فى منتهى الادب والهدوء : مساء الخير يا حاجة سعدية منورة البيت
سعدية : منور باصحابه يا قمر انتى .. لا بجد ابنى عرف يختار
خجلت حنان كثيراً بينما قالت مديحة بشك : خير ان شاء الله ايه سبب الزيارة الكريمة المفاجأة دى
سعدية : بصى يا ام حنان ان شاء الله خطوبة بنتى مرام هتكون كمان اسبوعين وانا يعنى كنت بقول نخلى خطوبة احمد وحنان معاهم بالمرة والفرحة تبقى فرحتين ها قولتى ايه ؟ كمان احمد ابنى حابب ان الفرح يتم بسرعة بسرعة وانا جيت عشان اعرف طلباتكم ونتمم كل حاجة بسرعة
مديحة : ...........
ترى ماذا سوف يكون ردها على الحاجة سعدية ؟
وما المجهول لكل من احمد .. حنان .. حسن .. مرام .. رباب .. حسين ؟
كل ذلك واكثر فى الفصول القادمة 😍😘

مع تحياتي اتمنا اشوف اكتر بطله بتحبه او بطل واتمنا اشوف كومنتات واكتر موقف عجبكم