الحلقه السابعه
في شركه امجد
مراد: هو انا مش مخلص الشغل ده كله امبارح ازاي اتمسح من الكمبيوتر وهعيده تاني
مازن زميل مراد في الشغل: بصراحه يعني امجد بيه اللي امر ان الشغل بتاعك يتمسح علشان تعيده تاني
مراد بعصبيه: ومين فتح الكمبيوتر بتاعي اصلا
ادهم: امجد بيه بنفسه اللي عمل كده
مراد: تمام
في مكتب امجد
مراد: انت بتعمل معايا كده ليه كل ده ليه
امجد: نفسي تكون راجل اعتمد عليه لما اموت اكون مطمن مش المتهور اللي انا شايفه ده
مراد: يعني انت شايفني مش راجل يا امجد بيه
امجد: مظبوط
مراد: طب تمام انا مستقيل وشكرا جدا علي كده
وخرج مراد ورزع الباب وراه
في الفندق
فادي: لو سمحت عايزين نعرف فين اوضه استاذ مراد امجد
الموظفه: الدور التالت علي اليمين يافندم
فادي: شكرا ليكي
خبط علي الباب يفتح مراد مصدوم ازاي عرفوا انه هنا
كريم: ايه ياعم انت لسه زعلان مني ولا ايه
مراد: لا ياكريم مش زعلان
كريم: ميبقاش قلبك اسود بقي ياعم انا اسف
مراد: خلاص ياكريم مفيش حاجه صدقني مش زعلان... بس انتو عرفتو ازاي اني هنا
ساره: رقيه اللي عرفتنا
مراد: رقيه!! وهي فين مجاتش معاكو ليه
ساره: قالت وراها مشوار ومشيت
مراد: اوكي... هروح اطلبلكو حاجه تشربوها
فادي راح ورا مراد
فادي: مراد مالك شكلك مضايق
مراد: لا انا تمام يافادي مفيش حاجه
فادي: مراد مش عليا انا صاحبك وفاهمك كويس مالك
مراد: طب مش دلوقتي بعدين هبقي اقولك واحنا لوحدنا
فادي: همشيهم وارجعلك بليل
مراد: ماشي
جاسر: انت هتفضل قاعد هنا ياعم ولا ايه بقي
مراد: لا مش مطول يومين كده وهرجع
خالد: طب ايه عايزين نظبط خروجه
مراد: لا فاكس انا مش فايق بصراحه فا مش هخرج شوفو انتو
كريم: طب ولو جبنا رقيه هتيجي معانا
مراد: ايه علاقه رقيه بالموضوع
كريم: ياواد العبها علي حد غيرنا
مراد: كريم الله يكرمك بطل الهبل ده
ساره: بتكلمو علي صاحبتي وانا واقفه ما خلاص
كارولين: مش يلا بقي ياشباب نسيب مراد يكمل استجمام
طبعا كارولين انقذت مراد منهم بمعجزه
بعد ما مشيو مراد فضل يتصل برقيه لكن هي مش بترد فضل يرن كذا مره لكن مش بترد استغرب مراد من تصرفها
عند رقيه بتكلم ساره
رقيه: عملتو ايه عند مراد
ساره: مش عارفه حاسه كده في حاجه هو شكله مضايق
رقيه: اشمعنا
ساره: يعني انتي متعرفيش
رقيه: هعرف منين
ساره: بقيتي تخبي عليا يارقيه
رقيه: متكبريش الموضوع ياساره
ساره: تمام انا هقفل علشان تعبانه هموت وانام باي
رقيه: طيب باي
رقيه مسكت الفون شايفه مكلمات مراد بس مش قادره تكلمه سابت الفون وقعدت تعيط
يتبع
