الحلقه السادسه
رقيه مصدومه من رده فعله
مراد : احم اسف مش قصدي بس انا كان لازم اقولك اللي في قلبي من زمان مش عارف انا قولتك كده ليه دلوقتي بس يمكن علشان انا محتاجك جمبي مبقاش فضلي حد غيرك
رقيه بكسوف : بس احنا اصحاب وأنا بعتبرك زي اياد بالظبط
مراد : عارف بس بصي اعتبريني مقولتش حاجه خلاص انا حبيت اخرج اللي جوايا لكن ارجوكي متزعليش وتمشي وتسبيني متعمليش زيهم انتي الوحيده اللي جمبي
رقيه بحنان : مش هسيبك متقلقش وكل حاجه هتبقي احسن من الاول صدقني
مراد : اتمني يارقيه
رقيه : احنا وصلنا علي فكره
مراد : سوري مخادتش بالي شكرا علي كل حاجه بجد يارقيه
رقيه : متقولش كده انا معملتش حاجه ده واجبي
مراد : يلا تصبحي علي خير
رقيه : وانت من اهله
مراد رجع الفندق ورقيه روحت
في اوضه رقيه
رقيه : ايه يا اياد حرام عليك خضتني بتعمل ايه في اوضتي
اياد : كنتي فين
رقيه : مالك في حاجه
اياد : سالت سؤال تردي عليه كنتي فين
رقيه : كنت مع مراد اتصل بيا الصبح مكنش معاه فلوس ولا العربيه فا كان عايز حد يوصله
اياد : وسعادتك السواق بتاعه
رقيه : اكيد لا بس هو متخانق مع باباه وخد منه كل حاجه واصحابه مش بيكلمو فا مكنش لاقي حد يكلمه كلمني عادي
اياد : اه انتي بقي الصدر الحنين بتاعه يعني
رقيه : اياد مالك انت بتكلمني كده ليه
اياد : بفوقك ياهانم علشان تعرفي ان في حد المفروض تستاذني منه انتي بتعملي ايه مش عايشه لوحدك انتي
رقيه : بس انا معملتش حاجه وانت عارف كل اصحابي اظن
اياد : ماليش دعوه عارف ولا مش عارف المهم اللي انا شايفه قدامي والموضوع لو اتكرر هسخن الموضوع لبابا تمام اخرك كليتك واصحابك البنات وبس فاهمه
رقيه ساكته
اياد بزعيق : فاهمه ولا اعيد تاني
رقيه بعياط : فاهمه ممكن تخرج بقي علشان انام
خرج وسابها ورقيه فضلت تعيط طول الليل بعد ما كانت راجعه مبسوطه
خلص اليوم ونبدا يوم جديد بنفس الروتين
في الكليه
ساره : مالك ياروكا شكلك مضايق ومعيطه
رقيه : عادي قفشت انا واياد شويه امبارح
ساره : ليه
رقيه : عادي يعني ما علي طول بنتخانق
ساره : متعرفيش فين مراد والعيال
رقيه : مراد اكيد مش هيجي والباقي هتلاقيهم في مكانا
ساره : تعالي نروح طب
رقيه : طيب
عند الشله
ساره : متجمعين من غيرنا محدش بيدور علينا ليه
كريم : عارفين انكو لازقه هتلفو تلفو وترجعو
الاء بضحك : صح والله
ساره : رخمين اوي
كريم : متعرفوش حاجه عند مراد مختفي من اخر مره كنا سوا هو لسه زعلان
جاسر : انت زودتها معاه ياكريم وعارف مراد بيزعل بسرعه
كريم : ياعم ما انت عارف اني دبش وهو متعود اكيد مش لسه زعلان يعني بس هو مش بيرد علي فونه
فادي : اكيد رقيه عارفه هو فين
رقيه : انا!! اشمعنا انا
كارولين : ما كلنا عارفين ياقلبي انك أقرب واحده لمراد
رقيه : لا بيتهيقلكو مفيش الكلام ده
كريم : طب وحياه ساره عندك بجد متعرفيش حاجه عنه
ساره : مسكك من ايدك اللي بتوجعك ناصح اوي الواد ده
رقيه : بعد كده محدش يحلفني بحياتها انتو عارفين انا مش هكدب بحياتها يعني
كريم : ما انا عارف علشان كده قولت قولي بقي هو فين ومختفي ليه
رقيه : عادي هو واخد بريك شويه مع نفسه
فادي : بريك من غيرنا ومقاليش طب هو فين
رقيه : قاعد في فندق.... بيستجم شويه ابقو روحو اعملولو مفاجأة وصالحوه
كريم : خلاص اشطا نخلص محاضرات ونطلع عليه
في نفس الوقت كان في حد واقف مضايق وعلي اخره
يتبع
