الحلقه التاسعه عشر
مراد باستغراب : انتو تعرفو بعض
امجد : اه ..
رقيه مقاطعه لكلامه : خلاص يا اونكل انا هبقي احكي لمراد
امجد بحب : طبعا احنا جاين انهارده علشان نتفق علي جواز مراد ورقيه واي طلبات هتقولها هتبقي موجوده
احمد : واحنا يشرفنا طبعا
مراد : ينفع أتكلم انا ... عمو بصراحه كده انا مش عايز خطوبه عايزين كتب كتاب وفرح علي طول
احمد : بس ده لسه بدري يامراد
مراد : لا مش بدري انا الحمد لله بشتغل وبقبض كويس واعرف افتح بيت واعتمد علي نفسي
امجد : وكمان البيت موجود مراد عنده شقته في المعادي جاهزه علي كل حاجه يادوب بس العروسه تروح تشوفها واللي عايزه تغيره هيلحق يتغير
احمد : بس ده مش رايي لازم ناخد راي رقيه .. ها يارقيه موافقه
رقيه بصت للأرض بكسوف
مراد : السكوت علامه الرضا نحدد ميعاد بقي
امجد بضحك : ما تهدي ياحبيبي
احمد : خلاص وانا موافق أسبوعين من دلوقتي كويس
مراد بفرح : كويس جدا جدا
خلصت الزياره واتفقو وحددو كل حاجه
رقيه بتكلم ساره
رقيه : كده ياكلبه متجيش تبقي معايا انهارده
ساره : معلش ياحبيبتي كنت تعبانه شويه مقدرتش اجي عملتو ايه
رقيه : تمام اتفقو علي فرح بعد أسبوعين
ساره بصدمه : فرح !
رقيه : اه مراد قال عايز كتب كتاب وفرح علي طول بس هنعلن خطوبتنا قدام الناس لحد ما الأسبوعين يخلصو
ساره بحزن : الف مبروك
رقيه : عقبالك ياقلبي ... معلش بس هقفل معاكي علشان مراد بيتصل
ساره : ماشي سلام
مراد بيكلم رقيه
مراد : عروستي عامله ايه
رقيه : لا انا لسه مبقتش عروستك
مراد : ماشي ياستي انتي ايه الدنيا
رقيه : انا تمام وانت
مراد : تمام
رقيه : كنت عايز حاجه
مراد : قولت اسمع صوتك قبل ما نام بس بقولك اعملي حسابك بكره نروح نشوف الشقه علشان لو في تعديلات وكده تلحق تخلص
رقيه : ماشي تمام
مراد : الا صحيح قوليلي ايه حوارك انتي وبابا
رقيه : حوار ايه
مراد : انكو اتقابلتوا
رقيه : اه انا روحتله الشركه من فتره كده
مراد بستغراب : ليه
رقيه : كنت بصالحكو علي بعض يعني عمو جالك لما انا روحتله واتكلمت معاه بس مقولتوش انا مين علشان ميقولكش
مراد : يامجنونه عملتي كده ليه ولما حكتلك عملتي نفسك عبيطه لا ناصحه
رقيه بضحك : علشان تبقي عارف انا مش قليله بردو
مراد بحب : ربنا يخليكي ليا
رقيه بكسوف : طب روح نام بقي عندك شغل
مراد : بتوزعيني ماشي هروح انام ياستي تصبحي علي خير
رقيه : وانت من اهله
تاني يوم الصبح
في فيلا احمد الفيومي
رقيه : صباح الخير عليكو
احمد : صباح النور ياحبيبه بابا
رقيه : مراد عايز انهارده اروح اشوف الشقه
احمد : مفيش مشكله خدي اياد معاكي علشان انا عندي شغل
اياد بغمزه : علي قلبك ياقمر
رقيه : اكيد يا بابا هاخد اياد معايا مع انه رخم
اياد : انا رخم طب قومي من قدامي
احمد بضحك : يابني اكبر واعقل بقي امتي نجوزك ونخلص منك انت كمان
رقيه بضحك : قريب قريب يا بابا متقلقش
اياد : طب قومي ياختي البسي علشان نروح مع المحروس خطيبك قوليله هنروح بعربيتي انا علشان اعرف الطريق
رقيه : ماشي حاضر
بعد شويه في شقه في المعادي
رقيه دخلت البيت وهي مبهوره بجماله وتناسق الألوان والديكور والعفش كل حاجه كأن هي اللي مختارها حتي الزرع اللي في الجنينه بنوع الورد اللي هي بتحبه
رقيه : البيت حلو اوي اوي عملت كل ده امتي وازاي
مراد : كنت باجي هنا كل فتره بشرف علي المهندسين اللي مسلمهم الشقه وكل حاجه هنا كانت بتتعمل علي زوقك انا كنت عارف الألوان اللي بتحبيها والحاجه اللي كانت بتعجبك واحنا خارجين كلنا كنت باجي اشتريها هنا وكنت بتعمد اسالك عن الحاجات اللي نفسك تكون في بيتك علشان اعملها علشان عارف ان البيت ده مكنتش هتخدله واحده تانيه غيرك
رقيه بفرح : انا مبسوطه اوي بجد كل حاجه حلوه
اياد بيكح : ايه ياحنين انا واقف مالك
مراد بضحك : بكره تتزنق زنقتي دي يا اياد صدقني وساعتها هتلاقيني فوق دماغك
اياد بضحك : مش هجيبك هو انا عبيط ولا ايه
مراد : طب ياسيدي شكرا
اياد بضحك : طب يلا ياخويا خلينا نمشي
مراد : كلها أسبوعين وهطردك من باب الشقه ده بكل ادب بس استني عليا
اياد بضحك : مش هاجي بكرامتي ياعم
رقيه وهي تحضن اياد : اخويا يجي مكان ماهو عايز واي وقت يتشال علي الراس
مراد بغيظ : طب خدي اخوكي بقي وامشي يلا من غير مطرود
اياد : يلا يابنتي نمشي خليه يدور علي حد يرجعه لعربيته
مراد : انت صدقت ولا ايه لا خدني لعربيتي الأول ولا انت خادتي لحم وهترميني عضم هنا
الكل بضحك
اياد : صعبت عليا يلا ياعم
خرجوا ومشيوا
في الطريق بعد ما مراد سابهم
رقيه : انت بتحبها صح
يتبع
