الحلقه الرابعه عشر
شخص : عايز اقابل أستاذ امجد لو سمحت
السكرتيرة : حضرتك معاك ميعاد
شخص : لا مش معايا بس قوليله اني محتاج اشوفه في موضوع شخصي جدا
السكرتيرة : طب ثواني
تدخل لامجد
السكرتيرة : في حد بره عايز يقابل حضرتك وبيقول انه موضوع شخصي
امجد : حد مين
السكرتيره : مقالش
امجد : طيب دخلي
بعد شويه
امجد : خير اتفضل
شخص : جاي اكلم مع حضرتك بخصوص مراد
امجد بتعجب : مراد ماله
شخص : انا عارف ان حضرتك متخانق معاه وهو سايب البيت من فتره بس حقيقي انت لو شوفته دلوقتي مش هتصدق ده كمان من اول أسبوع ليه في الشغل عمل مشروع كبير جدا واترقي اتغير خالص وبقي قد المسئوليه والدليل انه مجاش يترجاك علشان يرجع ولا علشان محتاج فلوس أي شاب مكانه كان هيرجع علشان الفلوس لكن هو اعتمد علي نفسه ومعملش كده
امجد : وانت مين بقي علشان تدخل في كل ده
شخص : مش مهم لان مش عايز مراد يعرف اني جيت لحضرتك
امجد : والمطلوب اعمل ايه
شخص : تروح تصالح مراد وترجعه هو خلاص اتعلم الدرس وبقي زي مانت عايز ويمكن اكتر
امجد : وهو قاعد فين بقي دلوقتي
شخص : ماجر شقه وانا هكتب لحضرتك عنوانها علشان مينفعش اروح
امجد : ماشي ياسيدي
شخص : اهو العنوان هستاذن انا بقي
امجد : مش هتقول بردو انت مين
شخص : مع الوقت حضرتك هتعرف
في الجامعه
كارولين : عندي ليكو خبر قمر خالص
ساره : خير
كارولين : انا وفادي هنتخطب
رقيه بفرح : بجد ياحبيبتي الف مبروك
ساره : امتي بقي يا أروبه
كارولين : يوم الخميس حجزنا القاعه وفاضل اجيب الفستان فا قولت اكيد هتيجو معايا
رقيه : اكيد ونشوف الاء كمان فين
كارولين تمام
عند مراد
يتبع
