الحلقة الثالثة عشر
في كافية جمب الجامعة
مراد : تعالي نطلب اكل واحنا بنكلم بقي علشان انا جعان
رقيه : تمام
طلبوا الاكل وقعدوا يتكلموا
مراد : وبس ياستي وانا لسه قاعد في الشقه اللي فادي اجرهالي
رقيه : الندل ومحكاش لينا حاجه وهو عارف انت فين
مراد : انا كنت منبه عليه ميحكيش حاجه لحد وهو ميعرفش انك عارفه حاجه
رقيه : طب وانت ناوي علي ايه
مراد : ولا حاجه انا مرتاح في الشغل وكله تمام هحاول بس اظبط بين الشغل والجامعه
رقيه : محولتش تكلم اونكل
مراد : لا
رقيه : طب يلا نقوم نروح المحاضرة هتبدا
مراد : رقيه شكرا علي كل حاجه بتعمليها معايا بجد شكرا
رقيه : متقولش كده يامراد احنا اخوات
مراد : احنا ايه ياختي لا والنبي شيلي فكره اخوات دي من دماغك خالص
رقيه بضحك : نشوف الموضوع ده بعدين
مراد : هتشلني اقسم بالله قدامي ياختي
رجعوا الجامعه وخلصوا المحاضرات وكله روح بيته
في فيلا النجدي
دولت : مش ناوي تكلم مراد بقي يا امجد
امجد : لما يتربي يادولت هو مش هيجي غير كده
دولت : طب حتي رجعه البيت واعمل اللي انت عايزه
امجد : قولت لا ممكن بلاش نقاش انا طالع انام
عند رقيه بتكلم مراد
رقيه : هتيجي الجامعه الصبح
مراد : تقريبا لا مش هعرف
رقيه : خلاص لما نرجع هبعتلك اللي هناخده
مراد : تمام ماشي ... بقولك ايه ماتيجي تشتغلي معايا في الشركه بدل مانتي مش بتعملي حاجه كده
رقيه : شوف مين اللي بيكلم ادخل اجبلك الماضي بتاعك من جوا
مراد : والله يارقيه اتغيرت فعلا حسيت ان احنا مكناش بنعمل أي حاجه مفيده في حياتنا يعني انا كاراجل عايش علي فلوس ابويا وانا بقي عندي 22 سنه اكيد مش هعيش كده بقيت حياتي
رقيه : اتأثرت ...بقولك ايه روح نام ياعم ما انا لو عايزه اشتغل هنزل مع بابا
مراد : لما كنت في شركه ابويا مكنتش بهتم بالشغل زي ما انا عملت انجاز من اول أسبوع ليا في الشركه الجديده فكري بس وانا هظبط الدنيا
رقيه : ماشي خلاص هفكر يلا تصبح علي خير
مراد: وانتي من اهله
تاني يوم في شركه امجد النجدي
يتبع
