الحلقه الثامنه
عند مراد في الفندق
فادي: في ايه بقي ياصحابي مالك
مراد: انا مش قاعد هنا بستجم زي ما رقيه قالت انا سبت البيت وحاليا سبت الشركه وبابا خد مني كل حاجه الفلوس والعربيه وكل حاجه قال ايه عايز يعمل مني راجل
فادي: بس هو معاه حق يامراد ما اللي احنا فيه ده مينفعش
مراد: متدنيش كلمتين انت كمان يافادي والنبي هتساعدني ولا ايه
فادي: اكيد انا معاك قولي
مراد: محتاج اشوف شغل جديد ولازم امشي من الفندق مفيش فلوس ادفعها
فادي: تعالي اقعد عندي
مراد: لا ياعم شوفلي اي مكان اقعد فيه مؤقت
فادي: وازاي هتقعد من غير فلوس
مراد: هبيع الساعه دي ماركه وتعملها مبلغ كبير..عايزك بس كمان تجبلي لاب توب بتاعك ادور منه علي شغل ومتنساش حوار المكان اللي هقعد فيه
فادي: اعتبره حصل
مراد:شكرا جدا يافادي
فادي:ياعم عيب عليك متقولش كده
مراد: في حاجه تاني حصل ومش عارف اعمل ايه
فادي: خير
مراد: متقولش لاي حد يافادي العيال بتتلكك
فادي: ياعم قول متخافش
مراد: انا قولت لرقيه اني بحبها
فادي:يابن اللعيبه وبعدين
مراد: قالتلي اني زي اياد وانا قولتها اعتبريني مقولتش حاجه
فادي: ماهو الظرف مكنش ينفع تقولها دلوقتي وانت كده
مراد: مانت عارف اني بحبها من زمان يافادي بس معرفش ليه قولتلها دلوقتي بس كان انسب وقت وانا مفيش اي حد جمبي غيرها...بس شكلها هي كمان مبقتش جمبي
فادي: ليه
مراد: مبتردش عليا ومكلمتنش من امبارح
فادي: سبها بظروفها ياصاحبي وكله هيبقي تمام متقلقش
مراد: يارب بقي
فادي: هروح انا اعمل الحاجات اللي طلبتها واجيلك الصبح يلا نام وارتاح
مراد حاول يتصل تاني برقيه بس مش بترد
عند رقيه باب اوضتها يخبط
اياد: ممكن ادخل
رقيه: اكيد
اياد: لسه زعلانه صح
رقيه: عادي
اياد: انا بعمل كده علشان مصلحتك يارقيه
رقيه: انا معملتش حاجه غلط وانا مش صغيره
اياد: مقولتش انك عملتي غلط بس لازم تاخدي بالك اكتر من كده
رقيه: طيب حاضر...يعني لو كلمت مراد مش هتزعقلي
اياد: رقيه بصراحه كده انتي بتحبي مراد
يتبع
