الحلقه العشرين
اياد : بحب مين
رقيه : يابني هتعمل عليا عبيط قول بقي وخلص
اياد : بصراحه اه
رقيه : ومستني ايه ليه مقولتش
اياد : خايف يارقيه تسبني زي اللي قبلها وتطلع مبتحبنيش
رقيه : لا يابني ساره غلبانه ومستحيل تبقي زي ايمان انت عارف كويس ايمان كانت وخداك علشان فلوسك ولما لقت احسن منك سابتك وبعدين يابني مش كلهم زي بعض
اياد : طب اعمل ايه
رقيه : اخلص بس من حوار فرحي وهظبطك متقلقش
اياد : ربنا يخليكي ليا ياروكا
رقيه : ويخليك ليا يادودو
اياد بغضب : ما تبطلي دودو دي بقي انا محامي قد الدنيا افردي حد سمعك
رقيه : هتفضل بنسبالي دودو برضو
اياد : اتصل بمراد ابوظ الجوازه ها قوليلي
رقيه : لا لا خلاص اسفه
اياد : ايوه كده مش بتيجي غير بالعين الحمرا
تعدي الأيام ويعدي الأسبوعين
يوم الفرح
في اوضه رقيه في الفندق
يارا : ازيك استاذه رقيه انا الميكب ارتيست اللي موصي عليها أستاذ مراد
رقيه : اهلا بيكي
يارا : ان شاء الله هتطلعي زي القمر وانتي أصلا قمر ماشاء الله
رقيه : حبيبتي تسلمي
يارا : نبدا الشغل بقي
رقيه بحماس : يلا
بعد شويه
دعاء : ماشاء الله ياحبيبتي زي القمر
رقيه : بجد ياماما
دعاء : طبعا ياقلب ماما
الاء : يلا بقي العريس مستنيكي
رقيه : هي ساره مجاتش لسه
كارولين : قالت هتيجي علي الفرح علشان مامتها تعبت فجأه
رقيه بحزن : طيب
في القاعه مراد واقف مستني رقيه
في الوقت اللي رقيه تنزل فيه بشكلها المبهج وهي ماسكه ايد باباها وماشيه علي ممر كله ورد لحد مراد بفستانها وديله الطويل وشكلها يخطف الأنظار كلها وصلت لحد مراد وخد اديها من ايد باباها
مراد : ايه الجمال ده اللهم بارك
رقيه بكسوف : ميرسي
اياد : يلا ياسيدي نكتب الكتاب خلينا نخلص منكو بقي
مراد : انا جاهز خليني اخلص منك انت
بعد شويه
الماذون : بارك الله لكما وبارك عليكما وجمع بينكم في خير
مراد قام وحضن رقيه وسط التصفيق الحار من الجميع
في الوقت اللي كانت واقفه فيه ساره من بعيد بتشوفهم وهي حزينه قربت علي رقيه وحضنتها وفضلت معاها هي واصحابها لاخر الفرح
في اخر الفرح
اياد بحرج : ساره ازيك
ساره : انا تمام ازيك انت
اياد : الحمد لله ... تعالي اوصلك بلاش تمشي بليل لوحدك
ساره : لا عادي مفيش مشكله همشي مع البنات
اياد : خلاص هاخدك انتي والبنات مش مشكله يعني هوصلكوا
ساره : انتو مش هتروحوا توصلوا رقيه
اياد : لا ياستي مراد مش عايز حد يوصلهم واصلا هما طالعين علي المطار مش علي البيت هيقضوا شعر العسل في روما
ساره بصدمه : روما !
اياد : اه انتي عارفه روما مكان رقيه المفضل وكده بس
تتدخل كارولين : يلا نمشي بقي ياساره
اياد : انا هوصلكم
كارولين : خطيبي معانا هو هيوصلنا شكرا يا اياد
اياد بغيظ : تمام ماشي اتفضلوا
في روما
رقيه بدلع : كنت لسه فاكر اني بحب روما
مراد بحب : انا عمري مانسي حاجه انتي بتحبيها
رقيه : بس انت ازاي كنت واثق كده اننا هنكون لبعض
مراد وهو بيشاور علي قلبه : علشان هنا مفيش غير رقيه هي اللي احتلت قلبي ومفيش غيرها هتحتله وبعدين ياستي رقيه لمراد ومراد لرقيه احفظيها كويس
رقيه بفرح : انا بحبك اوي اوي
مراد : بقالي سنين مستنينكي تقوليها ياشيخه طلعتي عيني
بعد مرور سنه
يتبع
