الحلقه الحاديه والعشرون
في بيت مراد ورقيه
مراد : حبيبتي قاعده سرحانه كده ليه
رقيه : زعلانه علشان اياد
مراد : معلش ياحبيبتي يمكن في حد تاني في حياتها علشان كده رفضت
رقيه : طب ليه متقوليش ده انا اقرب صاحبه ليها وعلي طول بنتكلم
مراد : اكيد مجاتش فرصه تقولك
رقيه : هي أصلا من ساعه ما اتجوزنا وهي مش طيقاني انا مبقتش فاهمها ليه بتعمل كده
مراد وهو بيبوس راسها : معلش ياحبيبتي متزعليش اكيد هترجعو تاني زي ماكنتو وسيبي ياستي موضوع اياد عليا انا هظبطه واشوفله عروسه حلوه عندي زميلتي في الشغل شكلها بنت مؤدبه وكده
رقيه بغيره : وانت بقي ايه عرفك ياستاذ
مراد بضحك : حبيبي انا اللي بيغير ياست هتبقي مرات اخوكي متخافيش عليا انا مبشوفش غيرك أصلا
رقيه بدلع : ايوه كده اتلم ...طب هنخليهم يتقابلو ازاي
مراد : هظبطها متقلقيش .. انا هنزل بقي علشان عندي شغل وهعدي علي ماما وانا راجع ماشي
رقيه : ماشي ياحبيبي ربنا معاك ويقويك
في شغل مـرادخ تحديدا في مكتب المدير
مراد : حضرتك طلبتني يافندم
حمزه : تعالي يامراد عايزك
مراد : خير يافندم
حمزه : الشغل اللي انت عملته اخر مره كان كويس جدا زي ما متعودين منك دايما فا قررنا انك هتترقي وهتبقي رئيس مجلس الاداره مبروك عليك يابشمهندس
مراد بصدمه : انا
حمزه بضحك : ايوه يابشمهندس
مراد بتوتر : بجد شكرا علي ثقه حضرتك يافندم وان شاء الله أكون قد المسؤليه دي
حمزه : ان شاء الله يلا روح مكتبك بقي واتسلم شغلك الجديد
في مكتب مراد بيكلم رقيه
رقيه : ايه لحقت اوحشك انت لسه ماشي
مراد : هقولك علي احلي خبر ياوش السعد عليا
رقيه : قولي ايه هو
مراد : جوزك بقي رئيس مجلس الاداره
رقيه : بجد يامراد مبروك ياحبيبي انت تستاهل كل خير
مراد : طول مانتي معايا الخير كله جمبي .. هقفل بقي علشان عندي شغل
رقيه : ماشي ياحبببي مع السلامه
عند رقيه بتكلم اياد
رقيه : كده بقالك يومين متكلمنيش وتسال عليا
اياد : معلش ياحبيبتي كان عندي قضيه مهمه انشغلت بيها انتي عامله ايه ومراد طمنيني
رقيه : الحمد لله كويسين .. كنت عيزاك تساعدني في حاجه كده
اياد : اكيد قولي
رقيه : عايزه اعمل حفله احتفالا بمراد علشان بقي رئيس مجلس الاداره
اياد بفرح : بجد الف مبروك خلاص ياستي حاجه انا هظبطلك كل حاجه متقلقيش
رقيه : وانا كمان محضره ليكو مفجأه
اياد بضحك : طب مش هتقولي لدودو حبيبيك
رقيه بضحك : دلوقتي بقيت دودو لا هتعرف معاهم علشان انت فتان
اياد : كده طيب ياستي هستني وامري لله
رقيه بدات تجهيزات الحفله وعزمت كل اصحابهم
في فيلا امجد النجدي
دولت : حبيبي وحشتني عامل ايه
مراد : الحمد لله ياست الكل انتي عامله ايه
دولت : الحمد لله رقيه فين مجبتهاش ليه وحشتني
مراد : معلش انا قولت اعدي اشوفكوا بعد الشغل هبقي اجبها يوم الاجازه ونقعد معاكوا ان شاء الله
دولت : ماشي ياحبيبي هستناكوا
عند ساره
هاجر صاحبه ساره الجديده : يابنتي مش هتبطلي اللي بتعملي ده
ساره بعناد : انتي عارفه ياهاجر اني مش هسيبو ليها وهخليه يحبني ويتجوزني انا وهتشوفي
هاجر : وهتعملي كده ازاي بقي
ساره بتحدي : اتفرجي وشوفي .. المهم عملتي ايه في الشغل اللي قولتلك عليه
هاجر : اتقابلتي وبقيتي السكرتيرة لمراد زي مانتي عايزه بصفته انه رئيس مجلس الاداره الجديد معرفش ليه عايزه تقلي من نفسك وتبقي سكرتيره عنده
ساره : هتفهمي كل حاجه في وقتها بس الصبر
هاجر : هتروحي حفلتهم بكره
ساره : طبعا اكيد مش هفوت فرصه أكون قريبه من مراد
هاجر : انا بجد مش بشجعك علي اللي بتعملي ده بس براحتك
وسبتها ومشيت
في بيت رقيه ومراد
علي الغدا
رقيه بدلع : حبيبي عايزه اطلب منك طلب
مراد : عيوني
رقيه : عايزه بكره تخرجني
مراد : بس كده من عنيا بعد الشغل نخرج
رقيه : تمام جدا
في اليوم التالي
في الشركه
في مكتب مراد
ساره بابتسامه : صباح الخير يابشمهندس مبروك علي المنصب الجديد
مراد بستغراب : ساره انتي بتعملي ايه هنا
ساره بهدوء : انا سكرتيره حضرتك هنا
مراد بصدمه : سكرتيره مين
يتبع
