حلم وعلم

الفصل السادس والعشرون

في مرسي مطروح في الصباح
عند يمني ومحمد
محمد صحي: اميرتي
يمني بنوم: اممم
محمد: قومي يلا
يمني: سيبني انام شوية يا محمد
محمد: قومي بس هعملك قهوه
يمني: مبحبهاش انا عايزه اناااام واتقلبت الناحية التانية
محمد: 🤨وخرج يشم هواء
عند تقي واسر
اسر صحي الاول وقام غسل وشه
اسر: توتييي يلا قومي يا قلبي
تقي مغمضه: بس يا ازعاج انا عايزه انام
اسر: قومي بس نخرج شوية
تقي: اخرج انت
اسر: قومي يلا بقاااا
تقي: مااسوووورة اتكتم احسنلك وسيبني انام
اسر: سابها وخرج لقي محمد
محمد: هلا والله
اسر: انا اتطردت
محمد: الحال من بعضه
اسر: لا بقا كده حرام
محمد: ياسلام عالرجااله
اسر: تعالي نعمل فطار
محمد: انت بتعرف تجيب لنفسك كوباية ميه يا ابني
اسر: لا
محمد: طب اقعد في جنب بقا قال فطار قال
في بيت عيلة الحديدي
ادهم قاعد مع هنا
ادهم: ما تيجي نخرج
هنا: ما تيجي تذاكرلي عشان انا مبركزش في محاضراتك
ادهم: ليه مبتركزيش يختي بتتاملي في جمالي انا واد حليوه اه بس مش للدرجادي يعني
هنا: لا بقعد تنشن عالبنات اللي بتبصيلك صراصير وفيران
ادهم: هههههه يخربيت عقلك
هنا: قوم يلا ذاكرلي عشان هسقط كده
ادهم بغرور: افكرر
هنا بتسبيل: دووومي
ادهم: قومي يا هنا نذاكر عشان شوشو مش سايبني في حالي وعايزني اعمل حجات استغفر الله
هنا: شوشو مين
ادهم: الشيطان يا روحي
.........
في مرسي مطروح كانو بيتفسحو كلهم مع بعض تليفون محمد رن ورد عليه
اسر: فيه ايه
محمد: حسين اتحكم عليه بالاعدام
يمني شهقت
اسر: من بلاويه السوده
محمد: طيب تعالو بقا نتمشي
تقي: انا عايزه ايس كريم
يمني: انا بالشوكولاته
محمد: انتو خلاص قررتو
يمني: ايوه
اسر: اوك يلا
وراحو جابو ايس كريم وفضلو يتفسحوو طووول اليوم
في اليوم التالي
عند تقي واسر
تقي: ااااااسر الحقني يا اسر انا بوووولد اععععع بمووووت
اسر صحي مفزوع: ايه يا تقي تولدي ايه هو انت حامل اسااسا
تقي: يعني انت سيبت بموت وجيت لبولد اععععععع انت مبتحبنيش يا اسر
اسر: بعد الشر يا حبيبتي بس انت مش حامل عشان تولدي
تقي: اهئ ضرسي بيوجعني
اسر: من البلاوي الزرقه اللي اكلتيها انت وصاحبتك امبارح قولتيلك بلاش شوكولاته كتير يا تقي
تقي: اعععع طلقني يا اسر انت مبتحبنييش انا ضرسي بيوجعني وانت بتتريق عليا
اسر: استني هجيبلك مسكن
وقام فتح شنطه جاب منها برشام
تقي: مبعرفش اخد برشام
اسر: لا هتعرفي يلا
تقي: اسر لاااااا
اسر: خلاص خلي ضرسك بيوجعك
تقي: انت مبتحبنيش يا اسر طلقني ها
اسر: يا تقي ربنا يهديكي بقا نامي وسيبيني انام
تقي: لا طلقني يا اااسر
اسر: يعني انت هترتاحي لما اطلقك
تقي بخوف: اه
اسر: طب روحي وانت...
تقي مقاطعه: اععععع هونت عليك تطلقني
اسر: هههه يا بت كنت هقولك روحي وانت طارق زي الروايات
تقي: بجد 🥺
اسر حضنها: اه بجد هو انا اقدر اعيش من غيرك اصلا يا سكرة قلبي
تقي: بحبك يا اسووره
ااسر: وانا كمان يا سكرة قلبي
في السجن
حسين: الياس يا حبيبي
الياس: ايوه يا بابا
حسين: انا كده كده هموت وربنا يسامحني عاللي عملته في حياتي
الياس: متقولش كده يا بابا
حسين: كنت عايزه اقولك علي حاجه
الياس: ايه
حسين بارتباك: انت..انت مش ابني
الياس بصدمه: ايه....امال امال انا ابن مين
حسين: بص يابني انا هحكيلك انا وانت صغير اخدتك عشان....كح كح كححح كحح كح
واغمي عليه وجم اخدوه المستشفي
الدكتور: البقاء لله
الياس: ايه يعني ايه يعني انا ابقي ابن مين
وخرج الياس ماشي في الشارع تايه مش عارف يعمل ايه كل اللي عمله في حياته كان غلط غلط كبيير وفجاه قعد عالارض في جنب وعيط عيط بدموع ندم: ليييييه لييه يا رب حصلي كده اهئ اهئ
عدت من جنبه بنت
نسمه: قووم مفيش حاجه في الدنيا تستاهل
الياس: لا انت متعرفيش اللي حصلي في حياتي
نسمه: مهما كان اكبد دا كان احسنلك لان دا قضاء ربنا
الياس: انا عملت اخطاء كبيره اوي في حياتي و ذنووب عظيمه
العصر اذن
نسمه ابتسمت: شوفت قوم ربنا بيناديك ارجع لربنا وهو قادر علي كل حاجه
الياس: ازاي هرجعله بعد كل اللي عملته دا
نسمه: ربنا غفور رحيم توب واندم وهو مش هيردك ابدا يلا قوم اتوضي وصلي العصر
الياس قام ومسح دموعه: شكرا يا انسه
نسمه بابتسامه جميلة: علي ايه
ومشت والياس دخل المسجد ضايع وتايه قابله الشيخ: مالك يابني فيه ايه
الياس: انا عايز اتوضي واصلي
الشيخ: ادخل اتوضي وصلي
الياس باحراج: مبعرفش
الشيخ: مفيش مشكله تعالي وانا اعلمك
الياس: شكرا
الشيخ: الشكر لله
وراح علمه يتوضي ويصلي وصلي معاه العصر جماعه
الياس لما سجد دموعه نزلت نزلت بغزارة كانها بتمسح ذنوبه كلها: ياارب يارب سامحني انا عارف ان انا قصرت بس انت غفور رحيم
وبعد ما خلص
الشيخ: هتروح فين يابني
الياس: اي مكان بقا
الشيخ: انت عايش فين
الياس: كنت عايش مع واحد طلع مش ابويا من ساعة ما وعيت عالدنيا ودلوقتي مش عارف مين اهلي الحقيقيين وهيقبلوني ولالا ومش عايز ارجع البيت اللي اتبني بفلوس جايه من ورا حرام ولا افتكر اصلا
الشيخ حسن: تعالي معايا
الياس: فين
الشيخ حسن بابتسامه: بيتي
الياس: ليه
الشيخ حسن: تغتسل وتلبس هدوم جديدة ونضيفه وتقعد معايا انا والحاجه نشرب شاي
الياس باستسلام: ماشي
وراح معاه
في بيت عيلة الحديدي
ادهم راح اخد هنا عشان الجامعه
في العربية
ادهم: صباح الورد يا هنايا
هنا: صباح النور يا دومي
ادهم: يا ايه
هنا: اه سوري معلش متلخبطه بس
ادهم: بتعتزري علي ايه هو فيه واحده تعتزر عشان دلعت جوزها
هنا بخجل: طيب امشي يلا هنتاخر
ادهم ابتسم: ماشي
لما وصلو الجامعه
ادهم: يلا روحي محاضراتك بقا وهستناكي بعد ما تخلصي
هنا: ماشي سلام دلوقتي يا ادهم
ادهم مسك ايدها: خدي هنا مش هتمشي الا لما تقوليلي زي ما قولت الصبح
هنا: امشي بقا دلوقتي يا ادهم هنتاخر
ادهم: تؤتؤ مش هتاخد منك تلت ثواني
هنا ضحكت: سلام يا دومي وطلعت تجري
ادهم: هههه مجنونه بس بحبها
......
في بيت الشيخ حسن
حسن: اتفضل يابني الهدوم دي البسها بعد ما تستحمي
الياس: انا مش عارف اشكرك ازاي
حسن: الشكر لله قولتلك قول الحمد لله
الياس: الحمد لله بس انت جبت الهدوم دي منين
حسن: دي هدوم ابني الله يرحمه
الياس: الله يرحمه انا اسف مكونتش اعرف
حسن: ولا يهمك قدر الله وماشاء فعل وانا راضي بقضاء ربنا
بعد شوية استحمي الياس ولبس الهدوم
الحاجه فوزية بابتسامه طيبه: اتفضلو عالغدا
حسن: يلا يابني
الياس: حاضر
وقعد اكل معاهم وحسن خلاه يحكيله كل حاجه حصلت في حياته
حسن: يبقي انت تقعد معانا لحد ما تلاقي اهلك
الياس: لالا مينفعش
الحاجه فوزية بطيبه: ليه بس انت تقعد معانا و الشيخ حسن يعلمك كل حاجه وانا اطبخلك واعملك هدومك وحاجاتك يابني وبعدين احنا معندناش بنت نخاف عليها منك ولا ولد يغير منك
الياس: والله انا ارتحت جدا معاكم وعمري ما حسيت بالراحه دي الا معاكم بس كده هتقل عليكم
الشيخ حسن: ولا تتقل ولا حاجه دلوقتي قوم يلا هنقرا قران شوية
الياس: ماشي
الشيخ حسن: انت متوضي
الياس: لا
الشيخ حسن: لا لازم تكون متوضي انا علمتك الصبح روح يلا اتوضي
الياس: ماشي
في مرسي مطروح
يمني صحيت مفزوعه: اااه بسم الله الرحمن الرحيم
محمد قام بسرعه: مالك يا اميرتي
يمني حضنته وعيطت: انا حلمت بأخويا.... كان تعبان اوي ومحدش جنبه  يارب يكون كويس
محمد ملس علي شعرها: اهدي ان شاء الله خير مفيش حاجه وبعدين هو عند ربنا ومفيش مكان في العالم احلي من عند ربنا
يمني بتعيط
محمد: اهدي اهدي وقرا قران شوية لحد ما يمني هديت
يمني بصتله
محمد: نامي يا يمني نامي شوية كمان
يمني: مش جايلي نوم
محمد: جعانه
يمني هزت راسها بايوه
محمد: طب قومي نصلي ونفطر

يا تري المستقبل لسه مخبيلهم ايه؟!!
ايه رأيكو؟ 😅