حلم وعلم

الفصل الثالث عشر

ومرت الايام والاتنين عايشين مع بعض عادي حه يوم خطوبة تقي واسر
يمنى، هترجع من شغلك امتي
محمد، هحاول ارجع بدري انهارده
يمنى، عالساعه كام كده
محمد، يعني سته ممكن
يمنى، ماشي وانا هجهزلك الاكل والهدوم عشان اول ما ترجع ناكل ونمشي علطول ومنتاخرش
محمد، انت مش هتروحي لصاحبتك
يمنى، امم لا مش هروح
محمد، ليه
يمنى، لو روحت مين هيجهزلك الغدا والهدوم كده هتتاخر
محمد، عادي هقول لماما او هنا
يمنى، مينفعش تقولهم وانا موجوده هيقولو عليا ايه
محمد، طيب براحتك انا ماشي بقا سلام
يمنى، سلام
عند تقي كلمت يمنى في التليفون
تقي، يعني مش هتجيلي
يمنى، والله يا حبيبتي كان نفسي اجيلك هحاول اجي بدري شوية
تقي، ليه يعني ما تيجي وخلاص
يمنى، مينفعش يا تقي هو بردو مستحمل كتير عشاني ويدوب بحاول اعوضه بالحجات البسيطه دي
تقي، عادي يعني علي فكره هو اللي متجوزك عشان مهمته
يمنى، بردو يا تقي هو بيتعب وانا عايزه اساعده يدوب بس هعمل الاكل واجهزله هدومه عشان ميتاخرش
تقي بخبث، اممم احنا شكلنا وقعنا ولا ايه يادكتورة
يمنى بتلعثم، تقي ففيه ايه انا ببحاول بس اساعده
تقي، لينا قاعده في الحكاية دي متنسيش
يمنى، طيب
تقي، سلامات
يمنى، بوسات
بالليل
رجع محمد، السلام عليكم
يمنى، وعليكم السلام
محمد، لسه مروحتيش
يمنى، لا بستناك
محمد، ليه ما كنتي سيبتي الحاجه وروحتي
يمنى، ما انا كمان لسه هاكل
محمد، مكالتيش؟
يمنى، لا
محمد، طيب يلا ماما وهنا وانجي ومراد راحو معدش الا احنا
يمنى،  ماشي ادخل انا جهزت الحمام والهدوم جوا عالسرير عما اطلع الاكل
محمد،  شكرا بجد
يمنى،  علي ايه يلا بس
محمد،  ماشي
ودخل محمد وخرج بعد ربع ساعه لابس
يمنى كانت لابسه اصلا
وقعدو اكلو
محمد، الفستان جميل اوي
يمنى، شكرا
محمد، بصي متبعديش عني هناك عشان انت عارفه ممكن حد تبع ممدوح يكون موجود ومستخبي
يمنى، اوك
محمد، يلا قومي
ونزلو ركبو العربيه وراح محمد علي مكان القاعه واول ما وصلو اسر وتقي كمان كانو لسه واصلين
يمنى، انا هروح لتقي
محمد، طيب بس خلي بالك
يمنى، ماشي
وراحت لتقي حضنتها
تقي، اخيرا
يمنى، اسفه يا حبيبتي والله
تقي، بس ايه الحلاوه دي كلها
يمنى،انت اللي قمر مين قدك
تقي، بجد يعني الفستان حلو
يمنى، قمر
يمنى، اسر هيتحول انهارده شايفه مش مركز اصلا مع اللي بيكلمه
تقي، هههه 😂
وكان اسر فعلا واقف بيكلم اصحابه ومش مركز معاهم وعنيه مع تقي
محمد، ااااسر
اسر، نعم يا رخم
محمد، حبيبي يا اسوره الف مبروك
اسر وعنيه علي تقي، الله يبارك فيك
محمد، انت يابني مالك بتبص فين
اسر، علي توتيي
محمد، توتي مين
اسر، تقي تقي يا محمد امشي دلوقتي ولا اقولك صحيح هو عمو الماذون لسه مجاش ليه
محمد، اكيد الطريق انت عارف الزحمه وال...
اسر مقاطعا، عمو الماذون وصل حبيبي والله يا عم الحاج
وراح نحيته جري
محمد، اهبل دا ولا اهبل لالا اكيد دا اهبل
والناس اتجمعت وقعدو عشان يكتبو الكتاب وخلصو وبعدين اسر قام وقف فجاه
اسر، وسعولي بقا
ابوه طائف، ايه يابني فيه ايه
اسر، وسعلي كده بس يا حج وسع وراح ناحية تقي
تقي وقفت مبرقه وخايفه من اللي هيعمله اسر
اسر راح ناحية تقي وشالها وفضل يلف بفرح وهي في حضنه ومدهوشه والقاعه كلها سقفت وتقي اتكسفت وخبت وشها في كتفه
بعد ما نزلها همس في ودنها، بحبك اوي
تقي خلاص معدتش باينه من الكسوف اصلا 😂
وراحو قعدو في المكان المخصص ليهم واسر كل شوية يغمز لتقي وهي تتكسف ورقصو مع بعض وفجاه دخل واحد تقي راحتله بسرعه وسعاده حقيقيه حضنته
تقي، ادهم حبيبي
ادهم، توته الف مبروك يا حبيبتي معلش اتاخرت
اسر راحلهم وشد تقي من حضن ادهم
اسر، ازيك يا ادهم
ادهم، اسوره واحشني والله
اسر، وانت كمان يابني والله
ادهم، مبروك ليكو انتو الاتنين بجد فرحتلكو من قلبي لما عرفت
تقي، بس كده متجيش من اول الخطوبة انا زعلانه منك
ادهم، معلش والله يا تقي انت عارفه ظروفي كانت عامله ازاي بس الحمد لله معنتش هسافر وهستقر هنا خلاص
اسر، طب تعالي يلا يا تقي نرجع عشان الناس
تقي، ماشي وحضنت ادهم لينا سهرة بالليل نتكلم اوكي
اسر شدها، بقولكو ايه انت وهو انتو صحيح اخوات بس انا خلاص اتجوزت تقي معدلكش دعوه بيها يا ادهم ماشي
ادهم لف ايده حوالين تقي، ابقي وريني
اسر، ادهم ابعد ايدك عشان مقلبهاش مدبحه
ادهم، هههه روحي يلا يا توته
تقي، حاضر
وعدت الليله بسعادة
اسر، عمو ممكن اخرج مع تقي شوية
رافت، ماشي يا اسر بس متتاخروش
اسر، اكيد يا عمو متقلقش
وشد ايد تقي وخرج
محمود، مبروك يا طائف يا اخويا احنا هنمشي بقا
طائف، ماشي يا حبيبي توصلو بالسلامه
محمد، يمنى فين ..هنا هنا فين هنا
مراد، كانو هنا من شوية مشوفتيش راحو فين يا انجي
انجي، كانو قالو رايحين الحمام بس هيظبتو فستان هنا وراجعين
مراد، امال راحو فين
نيفين، يمكن لسه هناك
انجي، طب انا هروح اشوفهم خليك مع بابا يا زين
زين، حاضر
ودخلت انجي ملقتش حد
رجعت تاني، مش موجودين
محمد بخوف، ازااي راحو فين كده.
مراد، ايه يابني يمكن روحو مالك خايف كده ليه
محمد مسك تليفونه واتصل علي يمنى ومغلق وهنا تليفونها رن
نيفين، دا تليفون هنا معايا
محمد مسك راسه
مراد، فيه ايه مالك يا محمد
محمد، انت مش فاهم يمنى..يمنى حياتها في خطر ومستهدفه
مراد، خطر ومستهدفه ليه
محمد، من يوم ما اسعفتني
نيفين، طب وهنا
محمود، احنا لازم نبلغ البوليس فورا
مراد، انا هحاول اكلم ناس معرفه يدورو عليهم
نيفين، بنتي انا عايزه بنتي هاتلي بنتي يا محموود ودخلت في نوبة بكاء هيستيري
محمد، بابا روح انت مع ماما وانجي وزين وانت يا مراد حاول تكلم حد تبعك وانا هروح المديريه
مراد، ماشي
واتحركو كلهم
محمد ركب عربيته وراح علي مكان شغله وهو خايف جداا
واول ما وصل بلغ اللواء
اللواء، ازاي دا حصل وانت موجود يا محمد انت مش المفروض مهمتك هي حمايتها
محمد، والله يا فندم هي كانت قدام عيني فجاه اختفت هي واختي
اللواء، اطلبلي اسر بسرعه وانا هتصرف وابعت قوات تدور عليهم
محمد، طب انا عايز ادور معاهم
اللواء، امال انا هقعدك جنبي مثلا بس اما اسر ييجي ونشوف هنعمل ايه ؟
يا تري هيحصل ايه؟!!
ميين اللي ورا الموضوع؟
اشوفكوا الفصل الجاي سلام يا قمرات ❤