حلم وعلم

الفصل السابع والعشرون

في كلية صيدلة
ادهم خلص محاضرة ورايح يستني هنا لقا تجمع طلاب
ادهم: فيه ايه هناك
طالب: فيه بنت مغمي عليها
ادهم: طلبتو الدكتوره
طالب: ايوه بس تقريبا واحده صاحبتها خبطتها علي دماغها
ادهم: مين دي وراح يشوف لقي هنا هي اللي عالارض
اتصدم وقرب منها بسرعه يهزها: هنا هنااا فوقي مالك...هناااا..حد معاه ميه
بنت ادته ميه ورش علي وشها
ادهم: هناا..فوقي وبيهزها
هنا فتحت عنيها بتوهان: هااه ادهم ومسكت ايده وبتبص حوليها: انا فين
ادهم شالها: تعالي نشوف مالك وبعدين تحكيلي اللي حصل
راح علي دكتوره الجامعه
ادهم: ممكن تشوفيها مالها يا دكتوره
دكتورة لينا: ايوه مفيش مشكلة
وكشفت عليها
لينا: مفيش حاجه وحشه بس هي مصدعه اثر الخبطه
ادهم: شكرا
لينا: العفو
وخدها ادهم ركبها في العربية
ادهم: ممكن بقا تفهميني اللي حصل
هنا: البت اللي شبه البرنجانه دي كانت بتعاكسك اسكتلها
ادهم ابتسم: لا
هنا: المهم البت دي قال ايه بتقول عليا منفعكش ومليقش بيك روحت جايباها من شعرها وهي خبطتني هي اساسا شبه رجل الفرخه ومتغاظه مني عشان حلوه وقموره
ادهم: بس بس اهدي يا حاجه ههه كل دا
هنا: اسيبها تتكلم علينا يعني واسكت
ادهم: لاااا تجيبيها من شهرها
هنا: طب يلا روحني
ادهم: لا انت هتيجي عندنا انهارده انا كلمت عمو محمود ووافق
هنا: ماشي
كانت نسمه ماشيه
هنا: نسمااااه يا نسمه
نسمه: ازيك يا هنا
هنا:ازيك يا حبيبتي تعالي معانا
نسمه: لالا انا مروحه
هنا: تعالي بس عايزه احكيلك حاجه
نسمه: اوك
.........
في بيت الشيخ حسن
الياس: انا خارج شوية
حسن: ماشي يا الياس بس متتاخرش ومتنساش تصلي
الياس: حاضر
وخرج فضل ماشي وراح وقف في مكان فاضي
الياس: ياارب الحمد لله علي نعمتك عليا وهدايتك ليا....انا مش فاهم ازاي كنت بعمل الحجات الوحشه دي..يارب سامحني عليها..انا هروح اعتزر من تقي واطلب منها تسامحني
وراح علي بيت تقي
وقف امام المنزل ينظر له بندم شديد فما فعله كان خطأ وخطأ كبير يجب عليه الاعتزار وياليته يفيد
ادهم وصل وشاف الياس
ادهم نزل بغضب من العربيه ومسكه من ياقته: الياس انت ايه اللي جابك هنا انا مش قولتيلك معدش ليك دعوة بتقي خالص
الياس: صدقني يا ادهم انا جاي اعتزر من تقي
ادهم: اااه دي اللعبه الجديده بقا صح
الياس: والله انا خلاص توبت ومعنتش هعمل اي حاجه بس عايز اعتزر منها بس
هنا بتبعده: اهدي يا ادهم
نسمه: هو فيه ايه انت ليه ماسكه كده
ادهم: دا اللي كان بيهدد اختي وخاطف جوزها ومحول حياتها لحزن ودموع
نسمه: مش يمكن تكون ظالمه
ادهم: ظالمه عشان مشوفتيش بس عمل ايه
نسمه: انت اللي مش عارف حاجه عن حياته تفتكر حياته كانت سهلة
ادهم: وانت بتدافعي عته ليه تعرفي ايه عن حياته
نسمه: معرفش بس كل اللي شوفته واحد متدمر نفسيا وتايه ومش عارف يعمل ايه رغم كده ربنا بعتني ليه و خليته يروح المسجد
الياس: صدقني يا ادهم انا توبت بعد اللي حصلي وكنت جاي بس اعتزر لتقي عن كل حاجه
ادهم: تقي مش موجوده مسافره مع جوزها
الياس: طيب ومشي
نسمه: صدقني اللي يخلي واحد يوصل للحاله اللي كان فيها امبارح دي مش حاجه قليلة
.............
بعد مرور اسبوعين
ظلت الاوضاع علي ما هي عليه الياس يعيش مع الشيخ حسن وزوجته محمد ويمني علاقتهم تمام وتقي واسر وعاد كل منهم الي منزله
في بيت الشيخ حسن
سلم الشيخ حسن في صلاته وجلس يدعو الله وبجانبه الياس يؤمن علي دعاءه
حسن: ربنا يهديك لاهلك يابني
الياس: يارب....لمعت عينا الياس بوميض سعاده عندما خطر بباله فكره قد تدله لاهله
الياس بفرحه: شيخ حسن انا ممكن اروح البيت بتاع حسين اشوف فيه ورق او حاجه تدلني علي اهلي
حسن: ربنا يوفقك يابني
الياس: انا هقوم اروح دلوقتي حالا
وقام راح بيت بيت حسين ودخل وهو قرفان واستحقر نفسه اوي وبدا يدور وسط الاوراق المهمه في الخزنه لحد ما لقي ظرف مكتوب عليه الياس فتحه ولقي فيه شهادة ميلاده وحواب بدا يقرا شهادة الميلاد بس لما قرا اسمه واسم ابوه كانت اكبر صدمه في عمره!!!!!!!
اليااس بعدم تصديق: أاحمد عبده الكاشف....الأب عبده الكاشف...الأم رشا ال...ووقعت الورقه من ايده
اتحرك بسرعه ومسك الجواب وكان مكتوب فيه:
الياس انا عارف ان انت هتنصدم وفي يوم من الايام هتوصل للورق دا بص يابني انا اخدتك اربيك عشان كنت بحب امك اوي بس هي...اتجوزت واحد تاني في يوم كنت بتلعب وانا اخدتك وانت مكونتش فاهم حاجه اخدتك وربيتك علي انك ابني وغيرت اسمك من احمد لالياس! انا اسف يا الياس سامحني
الياس مسك راسه بين ايديه وصرخ: ليييييييه ليييه كده حرام علييك وخد الورق ومشي رجع للشيخ حسن ووراله كل حاجه
حسن: معلش يابني وحد الله وقول قدر الله وماشاء فعل واهو عرفت مين اهلك ممكن تبدا تدور عليهم
الياس: ماشي يا شيخ حسن من بكره هدور عليهم
حسن: ومن هنا ورايح اسمك أحمد
.......
في بيت اسر وتقي
اسر: توتي
تقي: ايوه يا اسر
اسر: احنا معزومين عند عمي انهارده
تقي: عمك مين
اسر: ابو محمد
تقي: اااه يعني هشوف يمني
اسر: ايوه روحي البسي يلا
......
في بيت عيلة الحديدي
كانو عاملين عزومه عشان هنا هتتخرج
هنا: ماما انا هعزم نسمه صاحبتي
نيفين: ماشي يا حبيبتي
محمد: كلمتي مامتك وباباكي يا يمني
يمني: ايوه وجايين
محمد: كويس
.......................
الياس خرج وقعد في جنب
نسمه كانت رايحه لهنا شافته راحت عنده
نسمه: السلام عليكم
احمد قام وقف: وعليكم السلام
نسمه: فيه حاجه
احمد: ايوه انا عرفت اهلي مين بس لسه مش عارف هوصلهم ازاي
نسمه: هو انت اسمك ايه صحيح انا شوفتك كتير بس معرفش اسمك
احمد: الياس..اقصد احمد هههه طلع اسمي احمد كمان
نسمه: اووو طيب انا راحه لواحده صاحبتي اخوها ظابط اديني معلومات اهلك وانا هقوله يمكن يساعدك
احمد ادالها شهادة الميلاد:اتفضلي
نسمه: تمام اتواصل معاك ازاي او انت عايش فين
احمد: بصي هديكي رقم تليفوني وانا عايش مع راجل طيب اسمه الشيخ حسن
نسمه: تمام واخدت رقم تليفونه ومشت
اول ما وصلت
هنا: نسوووم وحشتيني اوي
نسمه: ههه وانت كمان
هنا: اخيرا خلصنا من الكليه
نسمه: اه وانا بقيت محامية اخيييرا
هنا: تعالي ادخلي
نسمه: السلام عليكم
الجميع: وعليكم السلام
نسمه: ممكن اطلب طلب ياا استاذ محمد
محمد باستغراب: اتفضلي
نسمه: الشاب اللي كنا قابلناه المرة اللي فاتت واحنا بنوصلك يا هنا
ادهم: اليااس!!
نسمه: ايوه هو زي ما حضرتك عرفت كان بيدور علي اهله لانه عرف انو كان عايش مع واحد مش ابوه وهو لقي معلومات عن اهله فممكن حضرتك تساعده يلاقيهم
محمد: معاكي معلومات
نسمه: معايا شهادة ميلاده
محمد: ممكن
نسمه: اكيد وادتهاله
محمد قراها باستغراب: يمني انت عيلتك اسمها ايه
يمني باستغراب: الكاشف ليه
محمد: مامتك
يمني: رشا
محمد: باباكي
يمني: عبده..هو فيه ايه يا محمد
محمد اداها شهادة الميلاد
يمني بصدمه ودمووع: أحمد...أخوياا
رشا: أحمد ايه يا يمني
يمني: ماماا دا احمد
عبده: وريني ومسك الورقه: دا احمد بجد
يمني بعياط: ففين فيين هاتهولي يا محمد عشان خاطري
محمد: اهدي يا حبيبتي...هو فين يا انسه
نسمه: رقم تليفونه اهو
محمد اخده وكلمه: الو
احمد: ايوه مين
محمد: انا المقدم محمد الحديدي
احمد: اهلا وسهلا
محمد: ممكن تيجي العنوان اللي هبعتهولك دلوقتي اهلك موجودين
احمد بلهفه: اكييد

🤩🤩😉 ايه رأيكوو؟!!!