حلم وعلم

الفصل الخامس

في اليوم التالي
يمنى في المستشفي عادي وبتشتغل جالها تليفون
$$
يمنى، الو
انجي، الو ازيك يا يمنى
يمنى، الحمد لله
انجي، سمعت عن اللي حصل الف سلامه عليكي يا حبيبتي
يمنى، شكرا يا انجي  يا حبيبتي علي سؤالك
انجي، طب بقولك يا يمنى زين بقاله كام يوم كده تعبان وسخن ممكن تعدي عليا وانت مروحه تشوفيه وبالمرة اقعد معاكي شويه
يمنى، مش عارفه هشوف ماما كده هقولها لو وافقت هاجي ان شاء الله
انجي، ياريت يا حبيبتي
يمنى، تمام يا انجي
انجي، ماشي يا حبيبتي مع السلامه
يمنى، مع السلامه
$$
محمد، ها
انجي، تمام هتقول لمامتها وتيجي
محمد، عاش انجي عاش
انجي، عشان تعرف بس
محمد، ماشي انا هروح اشوف احوالي بقا
انجي، ههه احوال ايه
محمد، هظبط نفسي كده واستعد
انجي، هههه ماشي
فلاش باك لما حدث
محمد، انجي ممكن اطلب منك طلب
انجي، ممكن ايه الادب دا اتفضل لما نشوف
محمد، انا عرفت ان انت متصاحبة مع دكتورة زين ما تتصلي عليها تيجي
انجي، تيجي بمناسبة ايه
محمد، اي حاجه قوليلها تيجي تكشف علي زين
انجي، بس زين مش تعبان
محمد، مش مشكله هخليه يمثل
انجي، طب وليه كل دا وبعدين رفعت حاجبها الشمال (ايون زي ما انتو عملتو كده بالظبط 😂)وقالت وانت عايزها تيجي هنا ليه اصلا
محمد، هه عادي يعني يا انجي
انجي، عادي ايه لا ما انت هتقولي والا مش هكلمها
محمد، يييه طيب بصي يا ستي البنت دي فيها حاجه غريبه وانا عندي فضول اعرف ليه هي كل ما تشوفني بتقعد تستغرب وتبصيلي كده واما صاحبتها جت تتكلم منعتها يبقي اكيد فيه حاجه كبيره
انجي، وانت هتعرفها لما تيجي هنا ازاي
محمد، لا بقا دي عليا انا انت عليكي تجيبيها هنا وبس
انجي، مم طيب
محمد، يلا اتصلي
انجي، مااشي اصبر
واتصلت
باااااك
عند يمنى في المستشفي
كلمت مامتها ومامتها وافقت تروح وهي مروحه
تقي، ايه انت مش مروحه
يمنى، لا هعدي علي زين اصل مامته كلمتني بتقول تعبان
تقي، زيين ولااا وغمزتلها ولا عم زين
يمنى، اتلمي يا بت انا راحه عشان اشوف زين ماله
تقي، وهو مجاش ليه
يمنى، مهو اصل انجي اللي هي مامته كانت عايزاني اقعد معاها شويه
تقي، اممم ماشي يا ستي روحي سلامات
يمنى، بوسات
وراحت يمنى واول ما وصلت
انجي، شكلها هي
محمد، انا رايح افتح
انجي، استني هنا
بس هنا سبقته وفتحت الباب
هنا، يويووو
يمنى، ازيك يا هنا
هنا، الحمد لله اتفضلي
ودخلتها
محمد، ازيك يا دكتورة
يمنى، تمام الحمد لله
محمد، ايه اخبار المستشفي
يمنى، كويسه
هنا زقته بعيد
هنا، اتفضلي يا حبيبتي اقعدي
يمنى، شكرا
جت انجي بعصير
انجي، ازيك يا حبيبتي منورانا
يمنى، دا نورك
محمد زق هنا تاني وبصلها بصه بمعني هشلوحك 😂 وراح قعد عالكنبه قصاد يمنى وانجي
محمد، بقيتي كويسه يا دكتورة
يمنى، ايوه الحمدلله
محمد، معلش انا اسف انا عارف ان كل دا حصل بسببي
يمنى، لا ابدا
محمد، زمانك دلوقتي بتقولي يا ريتني سيبته في الشارع
يمنى، بالعكس انا مبسوطه ان انا انقظت حد ولو رجع بيا الزمن هعمل كده تاني انا دكتورة ودا واجبي
هنا، عاش يمنى عاش هي دي الاخلاق الطبيه
يمنى، امال فين زين
محمد، احم هو انا مقولتلكيش زين بقا كويس
يمنى، بقا كويس ازاي
انجي، الحمد لله بقا كويس بعد ما ادتله خافض حراره
يمنى، اها تمام طب ممكن يا هنا تندهيله اصلو وحشني اوي
هنا، اكيد
وراحت تندهله
محمد، واضح ان انت بتحبي الاطفال اوي يا دكتورة
يمنى، ايوة عشان كده اخترت مجال طب الاطفال
انجي، حتي الاطفال بيحبوكي اوي وبيتعلقو بيكي
جت هنا مع زين
زين جري علي يمنى اولل لما شافها، يمنىيي
يمنى، زينوو وحشتني اوي
زين، وانت كمان
هنا، تعرفي يا يمنى مفيش حد بيقوله زينو غير محمد
انجي، ههه ايوه فعلا
زين، انت جيتي عندنا ازاي هو مش انت بتعيشي في المستشفي
يمنى، هههه لا يا حبيبي انا مش بعيش في المستشفي
زين، اممم بابا هو اللي جابك عشان تشوفيني
يمنى، هههه لا بردو
زين بص لمحمد، بابا ممكن تجيبها عندنا كل يوم
محمد، اكييد يا حبيبي
يمنى باستغراب، هو دا بابا
انجي، لا يا زين دا عمو محمد بابا هييجي دلوقتي
زين، تعرفي يا يمنى
يمنى، ايه
زين، بابا وعمو محمد شبه بعض اوي تيته نيفين شكلها كانت نفسها تجيب اتنين من بابا
يمنى، اممم معاك حق يا زين
زين، احنا لازم نعلمهم بحاجه عشان نعرفهم
يمنى، طب وهنعلمهم ازاي
زين، ممكن نخلي بابا يلزق لزقه لونها احمر علي وشه وعمو محمد لون ايييه اصفر حلو
محمد، ههههه حرام كده
يمنى، بس اللزقه ممكن تقع
زين، خلاص انا هفكر في حل تاني وابقي اقولك
يمنى، ماشي انا هقوم امشي بقا عشان متاخرش علي ماما
هنا، خليكي قاعده معانا شوية
يمنى، لالا اتاخرت
محمد، خلاص يا هنا هتبقي تيجي مره تانيه بقا
زين، سلام يا يمنى
يمنى، سلاام زينو
وروحت
عند تقي روحت البيت لقيت اسر عندهم
تقي، السلام عليكم الله اسر
اسر، ازيك يا تقي
تقي الحمد لله
تقي، ازيك يا طنط ازيك يا عمو
ابو وام اسر، الحمد لله يا حبيبتي
تقي راحت قعدت، مبتجوش عندنا من زمان ليه
زينب ام اسر، مشغولين بقا يا حبيبتي
تقي، وحشتيني والله يا خالتو
زينب، انت اكتر يا حبيبتي
طائف ابو اسر، تعالو نقوم نتفرج شويه علي التلفزيون ونسيب اسر وتقي يتكلمو
الكل، يلا
وقامو كلهم
اسر، انت طبعا مش عارفه احنا بنعمل ايه هنا
تقي، اكيد جايين تزورونا هو احنا مش قرايب
اسر، لا يا تقي احنا جايين لسبب تاني
تقي، سبب تاني ايه
اسر بثقة، انا جاي اتقدملك يا تقي ايه موافقه ولا موافقه
تقي، هاا مين جي يعمل ايه
اسر، بقولك انا جي هنا عشان اطلب ايدك موافقه ولا موافقه
تقي، اي دا ازاي موافقه ولا موافقه هما مش بيقولو موافقه ولا لا
اسر، بس انا مش هسمحلك تقولي لا
تقي، احم طيب انا هفكر واقول لبابا
اسر، انت لسه هتفكري احنا عارفين بعض من زمان اوي يعني خلاص
تقي، بس... بس انا عمري ما فكرت في كده
اسر، ماشي هديكي يومين بالظبط ويكون الرد عندي تمام؟
تقي، يومين!!
اسر، معاكي حق يومين كتير اوي كفايه يوم واحد صح
تقي، لالا يومين
اسر، هو انا لسه هستني يومين
تقي، اااسر
اسر، عيونه
تقي، برا يا اسر انا مش موافقه
اسر، متقدريش وهتوافقي يعني هتوافقي
تقي، يومين وهنعرف
اسر، ماشي عايزه تساليني في حاجه
تقي، لا
اسر، طب اااا انا عايز اسالك علي موضوع كده
تقي، ايه
اسر، هي صاحبتك يمنى بتستغرب كل ما تشوف محمد ليه
تقي، وانت مالك
اسر، محمد والله هيموتني لو معرفتلوش وبيقعد يقول عليا ظابط فاشل يرضيكي
تقي، مهي يمنى ممكن تشلوحني لو قولت
اسر، طب خلاص وانا ميرضينيش تتشلوحي
تقي، طب قوله يمنى مش عايزه حد يعرف
اسر، ماشي سلامات
تقي، بوسات
اسر، ايه
تقي، ااا ولا ولا حاجه
اسر، طب والله ما انا ماشي غير لما اعرف
تقي في نفسها،  نهارك بتنجان يا تقي فلتتي بلسانك منك لله يا يمنى يا بنت ام يمنى
اسر،  هاااا
تقي،  ذلة لسان والله
اسر،  اوك انا هسيبك بشرط
تقي،  ايه
اسر،  تقوليلي جبتيها منين.
تقي،  اصل انا ويمنى بنقولها علطوول
اسر،  اممم ماشي سلامات يا تقي
تقي،  بو.. سلام يا اسر
ومشا اسر
بالليل في مكتب مكافحة المخدرات
محمد، يعني روحت من غيري يا ندل
اسر، والله يابني كنا راحين زيارة عادي ولسه بقول للحاج فقال نقلبها خطوبة
محمد، مااشي يا اخويا ومعملتليش حاجه طبعا
اسر، الصراحة معرفتش تقي مرضيتش تقول وقالت ان يمنى مش عايزه حد يعرف
محمد، 😒😒
اسر، طب متبصليش كده هقولك علي حاجه تانية
محمد، قول
اسر، بص فيه كلمة هما متعودين يقولوها دايما تقي غلطت وقالتهالي حاول توقع يمنى بلسانها وتقولهالك هتعجبك اوي
محمد، قول هي ايه
اسر، قول انت بس سلامات وسيب الباقي عليها
محمد، مم لما نشوف
وخلصو شغل وروحو البيت ومحمد بيفكر ايه هي الكلمه دي
في صباح يوم جديد
في المستشفي
يمنى، سوري والله يا دكتور انا عارفه ان انا بتاخر كتير
حسين، ولا يهمك يا حبيبتي انت زي بنتي
يمنى، شكرا يا دكتور
حسين، يلا اتفضلي علي شغلك
يمنى، تمام
وراحت يمنى القسم بتاعها
وقت الخروج من المستشفي
تقي، هي يمنى مجتش لسه ليه امم لما اروح اشوفها
في قسم علاج الاطفال
تقي، اي دا امال راحت فين لما اكلم دكتور حسين يمكن عنده
وكلمت حسين وقالها ان هي مش معاه
تقي، معقوله روحت من غير ما تقولي الندلة دي بس لما اشوفها
واتصلت عليها تليفونها مغلق
اتصلت علي مامتها
تقي، يعني هي مجتش يا طنط طب ازاي هي مش هنا هتكون راحت فين ...لحظه بس يا طنط كده
وراحت تقي لقت شنطه يمنى مرمية عالارض
تقي، دي شنطة يمنى
تقي، طيب يا طنط اقفلي كده وانا هحاول اشوف هي فين... متقلقيش ان شاء الله خير
وقفلت
تقي، انا كده قلقت اكتر ..طب هعمل ايه احسن تكون اتخطفت...ممكن الناس اللي حاولو يقتلوها قبل كده...اعمل اييه..انا هكلم اسر
واتصلت علي اسر
اسر، ايه خلصت تفكير بسرعة كده
تقي، انت فين يا اسر
اسر، في القسم ليه وحشتك
تقي، اسر يمنى اختفت وانا مش عارفه هي فين ولاقيت شنطتها مرمية هنا انا خايفه عليها اوي يا اسر هي ممكن تكون اتخطفت
اسر، ايه طب انا جايلك حالا متقلقيش
تقي، ماشي
في مكتب مكافحة المخدرات
محمد، ايه يا عم تقي كلمتك نسيتنا
اسر وهو بياخد حاجات من المكتب بسرعه، قوم بسرعه معايا مش وقته
محمد، ايه في ايه
اسر، دكتورة يمنى اختفت ومش لاقينها شكلهم خطفوها
محمد بخوف، ايه طب يلا بسرعه
وخرجو هما الاتنين عالمستشفي
اول ما وصلو كانت تقي هناك
محمد، ايه لاقيتي حاجه
تقي، لا شنطتها بس
اسر، هنعمل ايه
محمد، لازم نتصرف بسرعه
اسر، ازاي نعمل ايه
محمد مسك راسه بايديه الاتنين، معرفش معرفش وقعد عالارض مش عارف
اسر، قوم يا محمد تعالي معايا
وقيمه، تقي روحي انت عشان تبقي في امان
تقي، ماشي
اسر، يلا يا محمد
وراحو وبلغو اللواء باللي حصل وهو قالهم لازم يرجعوها باسرع وقت وراحو وفضلو يدورو ورا الموضوع ساعات كتييير ومش لاقيين لحد ما اسر شاف في كاميرة مراقبة
اسر، ركز كده يا محمد مش يمنى كانت لابسة هدوم زي دي قبل كده
محمد، فين
اسر، شايف حته القماش اللي خارجه من العربيه دي
محمد، اهاا خدلي بسرعه رقم العربيه دي ودورلي علي كل سجلاتها المرورية
اسر، تمام وبعد نص ساعه
اسر، اخر مكان العربيه دي عدت من قدام كاميرات المراقبه من ساعه تقريبا هو المكان ده
محمد، تمام دلوقتي هنجهز قوه ونروح عالمكان ده ونعمل تفتيش في كل الاماكن اللي حوالية
وراحو فعلا ودورو
اسر، معدش غير مصنع مهجور قريب من هنا
محمد، يبقي يلا علي هناك
عند يمنى
يمنى، هو انتو حرامية عصابة بجد يعني
واحد من العصابة، ايوه ياختي
يمنى، الله كان نفسي اشوف عصابة من زمان
واحد تاني، نعم يا روح خالتك
يمنى، امال فين البيج بوس بتاعكم
الاول، مين
يمنى، البيج بوس يعنيي رئيس العصابة اوعي يكون بيشرب سجاير
واحد تالت، اتكتمي يا بت صدعتيني هاتلي حباية الضغط يابني
يمنى، هو انت عيان يا عمو انا دكتورة وممكن اساعدك
التاني، اقفلي بقها البت دي لحد اما نشوف اخرتها
يمنى، طب خلاص يا عمو انا اسفه بس متربطنيش دا انا طيبه وغلبانه
اول واحد، ييه متتحرك يابني انت وهو
الباقي، تمام يا ريس
يمنى، طب استني القماشه دي مش نضيفه ممكن تجيب واحده تانية نضيفه شويه اصل انت عارف ان انا بنوته كيوته مينفعش اطربط بالقماشة المعفنه دي
واحد، انت هتتامري يا روح امك
يمنى، اممم مممم امم
واحد تاني، ياااني انا صدعت كفاية بقا زن حتي وانت مربوطه
يمنى، اممممم
عند محمد
محمد، تمام يا اسر
اسر، المكان كله متحاصر
محمد، ماشي تعالي بقا ندخل
وبداو يدخلو بهدوء لحد ما وصلو للمكان بتاع العصابة
دخل اسر من جنب ومحمد من جنب وبداو يضربوو واحد بواحد من غير صوت
لحد ما شاورو لبعض وفجاه خرجو هما الاتنين وضربو اللي واقفين في كتافهم
يمنى برقت اول لما شافتهم وصرخت لما ضربو نار
بعد ما محمد واسر خلصو عليهم كلهم
راحو فكو يمنى
محمد، انت كويسه
يمنى، كويسه
اسر ، تعالو بسرعه نخرج من هنا
وخرجو
يمنى، انا مش هركب العربية
محمد، اية تاني
يمنى، مينفعش اركب معاكم انتو الاتنين لوحدي
اسر، اووف يا ربي طب هنعمل اية
يمنى، معرفش اتصرفو
محمد، طب خلاص هنمشي
اسر، نعم
محمد، مفيش حل تاني
وهما ماشيين
محمد، طب كده يبقي يمنى مقصوده مش عشان انقظتني ولا حاجه احم اقصد دكتورة يمنى
اسر، طب ليه عصابة زي دي هتحاول تخطفها
محمد، اهو دا بقا اللي انا مش عارفه
بعد شويه اسر روح
ومحمد وصل يمنى
واما وصلت
يمنى، شكرا يا سيادة المقدم
محمد، علي ايه دا واجبي
يمنى، عن اذنك وكانت هتطلع
محمد، دكتوره يمنى
يمنى لفت تاني ، ايوه
محمد، سلامات
يمنى بابتسامه وبتلقائيه، بوسات
محمد، انت قولتي ايه (وفي دماغه: اه يابن الايه يا اسر 😂)
يمنى، لالا مش قصدي اصل انا متعودة عليها مع تقي و..
محمد، يمنى
يمنى، ايوه
محمد، تتجوزيني

بارت طويييل مليان احداث
توقعاتكو بقا 😂
هل يمني هتوافق ولا هيبقي فيه رد تاني ؟
مين المجرم دا وليه مستهدف يمني؟!!