حلم وعلم

الفصل الواحد والثلاثون

مر اسبوع علي الجميع والوضع كما هو عليه بل بالاحرى اصبح أسوء بكثير
• تقي لسه زعلانه جدا ومنهاره وبتعيط دايما ورافضه تقابل اسر وقاعده عند مامتها
• اسر لسه مصر علي رأيه
•محمد لسه عايش ومش عايش في نفس الوقت وهيتجنن واتغير خالص ومعدش بياكل ولا يشرب ووشه اتغير ومعدش بيضحك خالص
• لسه مفيش اي اخبار عن يمني
• تم القبض علي احمد ومفيش ولا محامي راضي يدافع عنه لان قضيته صعبه جدا ومحمد بيحاول يساعده وبيدور علي محامي عشان خاطر يمني
في منزل تقي
تهاني: يا بنتي مينفعش اللي انت فيه دا لازم ترجعي بيت جوزك
تقي: دا مش اسر اللي انا حبيته دا بقا واحد تاني
تهاني: معلش يا بنتي خليكي معاه هو اكيد زعلان علي ابنه
تقي بسخرية: ابنه اللي مش عايزه اصلا
تهاني: تقي هترجعي يعني هترجعي
تقي: يعني ايه يا ماما يعني انت حتي مش عايزاني هنا
تهاني: انا مش هتكلم معاكي تاني الا ما تعقلي وترجعي بيت اسر
وسابتها ومشت وبتقول في نفسها: انا اسفه يا بنتي بس اللي انت فيه دا مينفعش
تقي قامت مسحت دموعها وقررت ترجع لاسر وتقنعه لبست وخدت شنطتها
تقي: انا ماشية يا ماما
ومشت
في بيت عيلة الحديدي
محمد طالع يغير هدومه لانه معدش بييجي البيت الا عشان الهدوم
نيفين: تعالي كل معانا يابني
محمد: مش عايز يا ماما
نيفين: اللي يريحك يابني
وطلع
هنا: محمد حالته بقت صعبه اوي
نيفين: ادعيله يا هنا يلاقي يمني مش هيقدر يكمل من غيرها
هنا: يارب يرجعهاله بالسلامه
نيفين: يارب
....
في بيت اسر
تقي دخلت لقت اسر بيصلي حطت شنطتها وقعدت
اسر خلص صلاه : تقي!
تقي: ايوه
اسر راح حضنها: وحشتيني اوي يا حبيبتي متسيبينيش تاني ارجوك
تقي بعدته بجمود: اسر انت لسه مصر ان احنا منخلفش
اسر: ايوه يا تقي دا قرار وانتهي
تقي دمعتها نزلت وبصتله: طلقني يا اسر 💔💔
اسر قلبه وقف وتجمد مكانه: ااانت قوللتي ايه
تقي: انت اكيد فيه حد تاني في حياتك عشان كده مش عايز حاجه تربطك بيا
اسر بعصبيه: انت ازاي تقولي كده...انت مصدقة نفسك اصلا
تقي: ايوه يا اسر مهو مفيش تفسير للي بيحصل دا غير كده
اسر: تقي انت اتجننتي
تقي: لا يا اسر متجننتش انت شايفني بشد في شعري
اسر: كل دا عشان قولتيلك نأجل الخلفة
تقي مسحت دموعها: ايوه يا اسر 🥺
اسر شد مفاتيحه وخرج وقفل الباب
تقي قعدت عالارض تعيط 💔
.........
في ادارة الامن
محمد دخل مكتبه ومسك التليفون
محمد: Hello Sofy
(مرحبا صوفي)
محمد: I want to ask you for a service
(اريد ان اطلب منك خدمه)
محمد:My wife has been missing for about a week and I want  help you to find her
(زوجتي مختفية منذ اسبوع تقريبا واريد مساعدتك في ايجادها )
محمد:Thank you very much, Sofy, you are really a loyal friend
(شكرا جزيلا صوفي انت حقا صديقة وفية)
محمد: I wait for your arrival
(انا انتظر وصولك)
محمد: Goodbye
(وداعا)
..
محمد: كده هضمن اني الاقي يمني بمساعدة صوفي دلوقتي بقا اروح اشوف موضوع احمد لان يمني ممكن يجرالها حاجه لو رجعت ولاقيته في السجن
وخرج
في بيت عيلة الحديدي
هنا: ماما انا خارجه شوية
نيفين: راحه فين
هنا: هخرج مع نسمه
نيفين: طيب يا حبيبتي متتاخريش
هنا: ماشي
وخرجت قابلت نسمه وقعدو في مطعم
هنا: ازيك يا نسوووم وحشتيني اوي
نسمه: انت اكتر والله يا حبي
هنا: عامله ايه
نسمه: فرحانه اوي من يوم ما اتخرجت وبدات شغل حققت حلمي اخيرا طب وانت
هنا: انا تمام الحمد لله بس محمد اخويا تعبان اوي اليومين دول
نسمه: لييه خير
هنا: انت مش عارفه..يمني مراته مختفيه بقالها اكتر من اسبوع ومش لاقيها خالص واخوها احمد دخل السجن  بتهمه افتعال حادث لتقي ومش لاقيين محامي يدافع عنه
( ايه الاخبار اللي كلها تفاؤل دي يا هنوون 😂😂)
نسمه بصدمه: أحمد...في السجن
هنا: اه فيه ايه
نسمه: احكيلي بسرعة التفاصيل اتحبس ليه
هنا حكيتلها كل حاجه
نسمه: انا همسك القضية دي
هنا: انت مجنونة يا نسمه دي قضية صعبة اكبر المحاميين رفضوها وانت لسه متخرجه جديد مستحيل تكسبيها
نسمه: انا مستحيل اسيب احمد
هنا بخبث: اشمعنا
نسمه بتوتر: ععشان دا واجبي كمحامية
هنا: طب انا هعمل نفسي مصدقاكي لحد ما نخرجه لانه حاليا محتاجنا بسرعه
نسمه: يلا وديني عند اخوكي 
هنا: تعالي
.......
في بيت اسر وتقي
تقي قامت بضعف ودخلت الحمام غسل وشها وخرجت قعدت علي طرف السرير  شافت ورق واقع من الباسكت راحت تشوفه لقيتها تحاليل وبدات تقراها واتصدمت ودموعها نزلت
تقي بدموع: اااسر
مسكت تليفونها وايدها بتترعش وكلمت اسر
اسر: تقي لو سمحت لو ناوية تتخانقي انا مش فاضي
تقي بعياط: اسر...تعالي حالا
اسر: فيه ايه مالك يا تقي
تقي: تعا....وصوت خبطة قوية
اسر: تقي...تقي فيه ايه...ردي عليا ورجع البيت بخوف لقاها اغمي عليها وفي ايدها التحاليل فعرف السبب
راح بسرعة شالها ونيمها عالسرير وبدا يفوقها
تقي بتوهان: ااسر..متسيبنيش...انا خخايفه
اسر حضنها: متخافيش يا عمري انا مستحيل اسيبك
تقي فاقت ودخلت في نوبة بكاء هيستيري
اسر: اهدي يا حبيبتي عشان خاطري
تقي بانهيار: ازاي مقولتليش..ليه عملت كل دا...اهئ اهئ انا...انا مش هعرف اخلف بعد كده اهئ اهئ...لا لا انت هتسيبني يا اسر وانا مقدرش اعيش من غيرك
اسر حضنها: متخافيش يا توته انا مستحيل اسيبك ابدا مهما حصل انت عندي اهم من مليون ولد انا اصلا مقدرش ابعد عنك
تقي: لالا انت بتهزر..هتسيبني لوحدي...محدش هيحبني
اسر: يا تقي يا حياتي متقلقيش انا معاكي
تقي: اهئ اهئ انا مش هقدر اكون ام يا اسر 💔💔
اسر: اهدي يا حبيبتي اهدي ان شاء الله خير وربنا كبير وهيعوضنا
وفضل معاها لحد ما نامت وهي بتعيط مسح دموعها وقال: يارب خفف عنها انا حاولت اخبي عليها عشان اللي هيحصلها دا انا بحبها اوي يارب وراضي بقضاءك اكيد انا زعلان ومكسور بس هي عندي اهم من اي حاجه يارب احفظهالي وخفف عنها 💔
.........
في مكتب التحقيقات
محمد كان قاعد بيتناقش مع الظابط عشان احمد هنا اتصلت عليه
محمد: ايوه يا هنا
هنا: محمد نسمه محامية ومستعدة تدافع عن احمد في قضيته
محمد: هي فين
هنا: هي معايا وعايزه توصلك حالا انت فين
محمد: هاتيها علي (.....)
هنا: تمام
........
وصلو مكتب التحقيقات
محمد: ازيك يا انسه نسمه
نسمه: الحمد لله
محمد: اتفضلي..هي دي اللي هتدافع عنه يا حضرة الظابط
الظابط: تمام اقعدي
نسمه: ممكن اشوفه
الظابط: ايوه اتفضلي..معاها يا عسكري
هنا: هاجي معاكي يا نسمه
نسمه: لا انا هدخل لوحدي
ودخلت لقت احمد بيصلي والدموع في عيونه وبيدعي لاخته وبيدعي يخرج عشان يساعدها
نسمه: ااحمد
احمد بصلها ومسح دموعه بحركه سريعه وراح وقف قدامها
نسمه: متقلقش انا هخرجك من هنا
احمد بكسره: هتقدري
نسمه: اكيد وبعدين انا مش متعوده عليك ضعيف وجبان كده فين احمد اللي انا اعرفه
احمد: انا اسف بس انت... انت كسرتيني 💔💔
نسمه: ولو قولتلك ان انا موافقه
احمد بلهفه: موافقه علي ايه
نسمه بابتسامه خجل: موافقه عليك
احمد بسعادة: بجد...دا احلي يوم في عمري
نسمه: بس بشرط تخليك قوي وتساعدني اكسب القضية
احمد: اكيد هساعدك وهفضل جنبك علطول..انا عايز اخرج من هنا باسرع وقت
نسمه: تمام سيب بقا الموضوع دا عليا ..مع السلامه دلوقتي
احمد: مع السلامه
خرجت
محمد: ها ايه الاخبار
نسمه: هبدأ في القضية من بكرا
هنا: تعيش نسمه
نسمه: سلام دلوقتي ورايا حجات كتير لازم اعملها
.......
في بيت تقي واسر
اسر قام وشال التحاليل خالص من قدامها وراح يصحيها
اسر: تقي... توتي....حبي...قومي يلا يا روحي 🥰
تقي فاقت شوية: اسر!! هو ايه اللي حصل
اسر راح حضنها: مش عايزك تفتكري اي حاجه وانسي اي حاجه ماشي؟
تقي افتكرت ورجعت تدمع: انا مش هبقي ام يا اسر 💔
اسر شدد من حضنه اكتر: ميهمنيش الا انت
تقي بدموع: مش قادرة اهئ
اسر مسح دموعها: بس بقا يا حبيبتي اهدي كدا
تقي: اهئ اهئ اهئ وخبت وشها في صدره
اسر: نسيت اقولك علي حاجه
تقي: ايه هي
اسر: انا اخدت اجازه مفتوحه من شغلي وحجزت تذكرتين سفر لتركيا ... مش انت كان نفسك تروحي تركيا
تقي نطت عليه اتشعلقت في رقبته: بجد
اسر: مش عارف انت مراتي ولا بنتي ههه
تقي ضربته: بس يا رخم
اسر: قوني يلا جهزي الشنط بتاعتنا عشان منتأخرش علي ميعاد الطياره
تقي حضنته تاني: بحبك اوي يا اسر
اسر اتنهد وحضنها: وانا بعشقك يا روح اسر
تقي بفرحة الاطفال : يلا بقا عشان منتاخرش
اسر: مش بقولك بنتي هههههههه
(شوفتو الكائن اللطيف الكيوت اللي كنتو ظالمينه يا وحشين انتو 😂)
.............
نسمه بدات شغل عالقضية بس كانت صعبه اوي لان مفيش ادلة