حلم وعلم

الفصل التاسع والعشرون

رشا راحتله خدته من يمني حضنته: يا حبيبي يا ابني اخيرا رجعت لحضني
احمد عيط بقهر 
محمد راح ليمني مسحلها دموعها ولف ذراعه حولها
عبده: انت احمد ابني
أحمد: بابا
عبده حضنه: الف سلامة عليك يا ابني
أحمد: الله يسلمك
رشا: يلا نروح
يمني: لاا انا عايزه اقعد مع احمد
رشا: مينفعش يا حبيبتي احنا بالليل ابقي تعالي بكره
يمني بصت لمحمد بزعل
محمد قرب منها ولف ذراعه حولها: وانا مرضاش اميرتي تزعل خلاص روحي هناك انهارده بس خلي بالك من نفسك
رشا: وانت كمان تعالي يا محمد
محمد: لالا انا هنا ومعلش بقا هاجي علي نفسي واسيبلكو يمني انهارده عشان خاطرها بس
رشا ابتسمت: ربنا يخليك ليها...يلا يا ولاد
يمني: استنو شوية يا ماما هطلع اجيب حاجاتي من فوق
رشا: ما فيه هدوم كتير بتاعتك عندنا
يمني غمزتلها: لا هجيب حاجه تانية
وشدت ايد محمد وطلعت
محمد: فيه ايه يا مجنونه
يمني حضنته: شكرا اوي اوي اوي
محمد: هههه علي ايه المهم خلي بالك من نفسك كويس ومن النونو
يمني: ههه حاضر وبصتله طب ما تيجي معانا
محمد: مينفعش
يمني: عشان خاطري
محمد: مش هينفع والله
يمني: طب كلمني كل شوية
محمد: حاضر
يمني: يلا
ونزلو ويمني راحت مع اهلها
والباقي طلعو نامو
في بيت يمني
رشا: انا تعبانه يابني هدخل انام وبكره اقعد معاك ومعاك اختك اهي لو احتاجتو اي حاجه هي عارفه طريقها
احمد: براحتك يا ماما
مشت رشا
يمني بحماس شدت ايده دخلته في الاوضه ودخلته البلكونه
يمني: اقعد هنا لما اروح اغير هدومي واعمل ناسكافيه لينا احنا الاتنين واجي
احمد: ماشي
وراحت يمني غيرت ودخلت المطبخ تعمل الناسكافيه لقت احمد جاي
يمني: فيه حاجه
احمد: مفيش زهقت
يمني: انت جعان
احمد هز راسه ايوه
يمني: طيب فيه في التلاجه اكل طلعهولي هسخنهولك
احمد: مبحبش اكل لوحدي
يمني مسكت ايده وقالت بابتسامه: هاكل معاك
احمد: ماشي وراح طلع اكل ويمني سخنته وراحو ياكلو
يمني: احكيلي بقا
احمد: هحكيلك ايه
يمني: كل حاجه في حياتك
احمد: ما انا حكيت كل حاجه هناك
يمني: امم طب خلاص احكي انا
احمد: اتفضلي
يمني: عارف انا ومحمد اول لما اتجوزنا كنا متجوزين عشان مهمه
احمد: ازاي
يمني حكتله
احمد: اممم ربنا يخليكو لبعض يا رب
يمني: احمد هو انت مش حاببني
احمد: لالا والله انا بس مش متعود
يمني: اوك هتتعود اكيد دا انا كيوت كدا ومفيش مني اتنين
احمد: ههههه اكيد
يمني: احمد ناولني الطبق اللي هناك دا
احمد: اه معلش اصل مش متعود علي اسم احمد دا
يمني: احسن من قلقاس قال قلقاش قال
يمني: تعالي بقا خد الناسكافيه وروح البلاكونه لما اشيل الاكل دا
احمد: ماشي
وراح يستناها
في بيت عائلة الحديدي
محمد طلع الجناح ودخل
محمد: البيت ملوش طعم من غيرها كده ليه...وراح نام عالسرير وعمال يتقلب: يييه انا زهقت بقا مش عارف انام من غيرها يوم واحد
قام فتح التلفزيون: اول مره افتح قنوات رياضه ومتزعقليش هوووووف بقا وقفل التلفزيون
........
في بيت يمني
يمني راحت البلكونه لاحمد
يمني: ميدو هات الناسكافيه بتاعي
احمد: اتفضلي
يمني: اه نسيت اقولك علي حاجه
احمد: ايه
يمني بابتسامة: انا حامل
احمد بفرحه: بجد
يمني: اه والله 😂
احمد: يعني انا هبقي خالو
يمني: احلي خالو في الدنيا
احمد: الله مش مصدق الحمد لله ربنا استجاب دعائي بسرعه كده
يمني: ليه كنت بتدعيلي ابقي حامل
احمد: ههه لا كنت بدعي الاقي عيلتي ويطلعو عيلة جميلة واحس وسطهم بالدفا
يمني سندت علي كتفه: انت وحشتني اوي
احمد: المشكلة انا مش فاكر
يمني: انت كنت صغير انا فاكراك عشان كنت كبيره
احمد: يمني انا حبيتك اوي وارتحتلك
يمني بسعادة: طيب الف مبروك يا سيدي
احمد: ممكن احكيلك علي حاجه
يمني: اكيد اتفضل.
احمد: انا فيه بنت عايز اخطبها بس مش عارف هتوافق ولا لا واحتمال ترفض عشان احمم انت عارفه انا كنت ايه وسمعتي عاملة ازاي
يمني قامت بصتله وابتسمت: مييين
احمد: انت سيبتي كل دا ولزقت في مين
يمني: اه قول يلا قول
احمد: نسمه
يمني باستغراب: نسمه مين
احمد: نسمه اللي ساعدتني وهي السبب في اللي انا فيه دا
يمني: نسمه صاحبة هنااا..طب قول قول ايه اللي حصل
احمد: لما عرفت ان حسين مش ابويا كنت تايه ومش عارف اعمل ايه واحتقرت نفسي اوي وكنت في الشارع فهي شافتني وقالتلي قوم صلي ودلتني عالمسجد انا مرضتش في الاول بس هي اقنعتني
يمني: شكلها بنت طيبه
احمد: هي دي اللي انا محتاجها في حياتي تدلني عالصح وتعلمني اللي انا متعلمتوش
يمني بزعل مصتنع: وانا يا وحش
احمد ضحك:  ههههه مقصدش طبعا بس انت متجوزه و في الاخر هترجعي بيت جوزك ومش هتبقي معايا
يمني:  ممم تفكير منطقي بردو
احمد: هتساعديني
يمني: اكييد يا....
سمعو صوت عربية داخلة الفيلا
احمد قام وقف وبص من البلكونه: دا جوزك
يمني قامت معاه: اسمه محمد علي فكره
احمد: طب تعالي ننزل نفتحله
يمني راحت بسرعة واحمد وراها
يمني راحت جري علي محمد وحضنته وهو شالها ولف
محمد: وحشتيني اوي
يمني: ههههه انت لحقت
محمد: اااه انا حاسس ان روحي رجعتلي
يمني: ليه كل دا
محمد: انا مكونتش قاعد علي بعضي في البيت ومعرفتش اعمل اي حاجه
يمني: هههههه بحبك اويي وحضنته
احمد: احممم انا هنا علي فكره
محمد: شكرا عالمقاطعة الظريفه
يمني: هههه
احمد: طب يلا يا يمني
محمد شدها: يلا فين
احمد: نرجع البلكونه
محمد مسح علي شعرها: لا بلاش يمكن يجيلها برد ولا حاجه
احمد: طب تعالي يا حنين هنقعد في اي اوضه
وطلعو قعدو في اوضة يمني
يمني: الا انت صحيح اتخرجت من كلية ايه
احمد: تجارة
يمني: حلو يعني ممكن تشتغل مع بابا
احمد: مش عارف
يمني مسكت ايده: متقلقش هتتعود ان شاء الله
محمد شال ايدها: انا مش كيس جوافه هنا
احمد مسك ايدها تاني: وانا اخوها علي فكرة
محمد شال ايده: ملكش دعوه بيها بردو
يمني: هههههه
وفضلو يرغو كتيير لحد ما يمني نعست علي كتف محمد
محمد: قوم يلا تصبح على خير
احمد: انت مش طايقني ليه
محمد: مش عارف طالعلي في البخت انت فجاه لقيت مراتي اللي مكنتش تعرف غيري ومبتفكرش في اي حاجه تانية كل اللي شاغل تفكيرها واحد تاني
احمد: ههههه معلش عشان بس لسه راجع
محمد: ماشي يا عم
احمد: تصبح على خير
محمد: وانت من اهله
ونام الجميع في سلاام
في اليوم التالي
عند تقي واسر
تقي: اسورة
اسر: يا عيونه
تقي: عايزه اقولك علي حاجه
اسر: قولي
تقي بابتسامه: انا حامل
اسر نط من مكانه: ميين
تقي: هههه انا
اسر: ايوه
تقي: ههه حامل
اسر: يا احلي يوم في عمري وحضنها مبروك يا توتي
تقي بابتسامة: الله يبارك فيك يا حبيبي
اسر: هههههه مش مصدق ودمع من الفرحه
.........
في بيت عيلة الكاشف
يمني فاقت لقت نفسها في اوضتها ومحمد جنبها
يمني: محمد
محمد بنوم: ممم
يمني: قوم صلي
محمد فتح عينيه: صباح الخير
يمني: صباح النور
وقامو صلو ونزلو لقو الكل قاعد بيفطر
يمني بابتسامة: صباح الخير
رشا: الله محمد
أحمد: متركزيش يا ماما الاخ معدش بيعرف يعيش من غير بنتك
رشا: ههههه ربنا يخليهم لبعض
وقعدو يفطر خلصو
محمد: يمني انا هروح الشغل
يمني: ماشي يا حبيبي انا ممكن مروحش المستشفي انهارده
محمد: هتروحي البيت امتي
يمني: هقعد شوية مع احمد واخليه يوصلني
محمد: اوك سلام ياا اميرتي
يمني بابتسامة: سلام  ومشا محمد
أحمد صفر: فوفوووو حلوه وصلة الحب اللي عالصبح دي
يمني وشها احمر: اتكتم يا رخم
أحمد: ايوه هنعمل ايه بقا في حكايتي
يمني: حكاية ايه
أحمد: انت بتفقدي الذاكرة...نسمه
يمني: اه دا انت مستعجل بقا
احمد: بالظبط..احسن تطير مني
يمني: طب انا جالي فكرة حلوة
احمد: ايه
يمني: انا هتصل علي هنا
احمد: طب قولي هتعملي ايه
يمني: ملكش دعوة انت انا هظبتك
احمد: ماشي لما نشوف
يمني اتصلت علي هنا
هنا: الو ايوه يا يويو
يمني: هنا عايزه منك خدمه
هنا: اكيد قولي قولي
يمني: عايزاكي تعزمي نسمه عندنا انهارده
هنا: ليه
يمني: هحكيلك لما ارجع البيت
هنا: اوك هشوفها
يمني: ماشي ميرسي يا هنون سلام
هنا: سلام
..
احمد: ليه
يمني: ليه ايه
احمد: ليه هتعزميها
يمني: عشان انت هتيجي توصلني وتكلمها
احمد: لا هي..هي ممكن متوافقش
يمني: إخييه عالرجاله انشف يابني شوية
احمد: انا خايف متوافقش
يمني: هتوافق ان شاء الله
احمد: يا رب
الظهر احمد راح وصل يمني
ودخلو
نيفين: اهلا وسهلا اتفضلو
احمد: شكرا يا طنط
وقعدو
يمني: هنا مجتش يا ماما
نيفين: لا لسه
يمني: مااشي
نيفين: طب انا هروح اشوف الاكل البيت بيتك طبعا ويمني معاك اهي
احمد: شكرا يا طنط
وقامت عالمطبخ
الباب خبط
يمني: اكيد هنا ومعاها 😉نسمه
احمد: اجري يا بت افتحي
يمني: هههههه ماشي
وراحت فتحت
يمني: اتفضلو يا بنات ازيك يا نسوومه
نسمه: الحمد لله بخير
ودخلو قعدو كلهم
يمني: ثواني هروح اجيب حاجه من الاوضه
ودخلت الاوضه وبعتت رسالة لهنا
"تعالي الاوضة من غير ما تنطقي واوعي حد يعرف ان انا كلمتك"
هنا قامت: طب انا هروح احط شنطتي جووا واجي
وقامت دخلتلها
هنا: ايه فيه ايه
يمني: حد حس بحاجه
هنا: لا فهميني بقا فيه ايه اتصلتي عليا وخلتيني اجيب نسمه ليه
يمني: احمد اخويا شكله كده بيحب نسمه
هنا حطت ايديها علي فمها: بجدد يعني احنا هنعمل خطط بقا زي المسلسلات ونخليهم يحبو بعض الله
يمني: هههه يعني بس احمد ناوي يتقدملها وخايف ترفض
هنا: طب تعالي نسمع هيقولو ايه
يمني: يا مجنونة هههه
وراحو عالباب
عند احمد ونسمه
احمد: ازيك يا انسه نسمه
نسمه: تمام الحمد لله وانت عملت ايه
احمد: الحمد لله بفضل ربنا عليا وبعدين انت حياتي بقت كويسه
نسمه: الحمد لله
احمد بارتباك: كنت عايز ااسالك سؤال
نسمه بابتسامه: اكيد اتفضل
احمد: هو هو لو انا اتقدمتلك هتووافقي
نسمه ابتسامتها اختفت واسترجعت شجاعتها وقالت بقوة مصتنعه: اكيد لا