حلم وعلم

الفصل الثلاثون

احمد قلبه انكسر وقال بانكسار:ليه
نسمه: عشان انا عايزه اللي هيبقي ابو ولادي يكون متدين وعارف ربنا عشان يربي ولادي كويس ويكون سندي
احمد بوجع: طب انا ذنبي ايه ان الراجل دا خدني والله هحاول اتعلم كل حاجه بس ساعديني ارجوك
نسمه قامت وقفت: انا اسفه
وخرجت من البيت
يمني وهنا خرجو وهما زعلانين عشان احمد
يمني راحت قعدت جنبه: متزعلش يا احمد اكيد هتلاقيها واحده غيرها تحبك
احمد حضن يمني ومانع العياط بالعافيه
هنا: انا مش عارفه نسمه عملت كده ليه
يمني: هنا ممكن كوباية ماية
هنا جابت: اتفضلي
يمني: خد يا احمد وقوم صلي
احمد: انا هروح المسجد وبعديها هروح
يمني: ماشي يا حبيبي بس خلي بالك من نفسك وابقي كلمني طمني عليك
احمد: حاضر مع السلامه
يمني: سلام
.....
عند تقي واسر
تقي: انا رايحه للدكتورة يا اسر
اسر: ما انا هاجي معاكي
تقي:  طب وشغلك
اسر: اخدت اجازه انت وابني اهم
تقي: ربنا يخليك لينا
ونزلو ركبو العربية 
تقي: هي دي اقف هنا بقا
اسر: تقي الفرامل مش شغاله
تقي بخوف: ايه
اسر بيضغط جامد فرامل: مش شغاله ليه
تقي: طب ركز يا اسر
اسر: هنفضل ماشيين لحد امتي لازم نقف
تقي: مش عارفه مش عارفه
اسر: اربطي حزام الامان
تقي بخوف ربطته: انا خايفه يا اسر
اسر: متخافيش مش هيحصل حاجه ان شاء الله
تقي بصريخ: حاسب يا اااااااسر
وخبطو في عربية تانية كبيرة والعربية اتكسرت وتقي اغمي عليها
اسر: تقىىىىىىىى
واتحرك بصعوبة اتصل علي محمد
محمد: الو ايوه يا اسوور وحشني والله قالولي انك خدت اجا..
اسر مقاطعا بصوت ضعيف: محمد بسرعه تعالي علي طريق....انا عملت حادثه وووتقي معايا...بسرعه يا محمد..تقي حامل
محمد بسرعه: طيب طيب انا جاي حالا
وطلب محمد الاسعاف ووصل بسرعة لانه كان قريب
الاسعاف خرج تقي واسر من العربيه ونقلوهم عالمستشفي ومحمد راح معاهم
تقي دخلت العمليات لان اصابتها كانت خطيرة لكن اسر كدمات بس
اسر فاق: تقي تقي فين يا محمد
محمد: في العمليات
اسر بقلق: ليه حصلها ايه
محمد: الدكاترة قالو اصابتها خطيرة
اسر: تقي
محمد: اهدي يا اسر هتبقي كويسه ان شاء الله
اسر قام: هي فين وديني عندها
محمد: تعالي
وسنده لحد اوضة العمليات وفضلو قاعدين يستنو
...........
عند احمد
دخل المسجد وبدا يصلي وسجد عالارض وبكي دموعه نزلت: يا رب انا عارف ان اكيد دا حصل لانه احسن بس...يارب اجعلها من نصيبي واجمعني بيها
وخلص وقام غسل وشه وروح البيت
رشا: مالك يا حبيبي
احمد بابتسامه مصتنعه: مفيش يا ماما انا تعبان شوية وداخل انام
رشا: طيب ارتاح شوية
احمد هز راسه ودخل اوضته من غير ولا كلمه ونام عالسرير
........
في بيت عيلة الحديدي
هنا: يمني اناا..انا ممكن اكلم نسمه واحاول اقنعها
يمني: لا يا حبيبتي هي من حقها ترفض ومينفعش نجبرها علي حاجه
هنا: بس..
يمني: متشيليش هم
هنا: شكرا يا يمني
يمني: العفو يا حبيبتي انا هقوم اكلم محمد
هنا: اوك
وراحت يمني اتصلت علي محمد
محمد: الو
يمني: مالك يا محمد صوتك بيقول ان فيه حاجه
محمد: اسر وتقي عملو حادثه وتقي في العمليات واسر قاعد خايف
يمني: ايه طب انا جاية حالا انتو في مستشفي ايه
محمد قالها الاسم والعنوان
يمني: طب انا جايه حالا
محمد: خدي بالك من نفسك
يمني: حاضر
ولبست ونزلت  وهي ماشية في مجموعه من المقنعين هجمو عليها وكتفوها وخدروها
يمني: اممممم اممم
يمني اغمي عليها: ام..ا
شخص: تمام خدها يلا
وحطوها في عربية سوده واختفو
..........
في المستشفي
الدكتور خرج
اسر بلهفه: اية الاخبار يا دكتور
الدكتور: تمام هي عدت مرحلة الخطر بس...
اسر بخوف: بس ايه
الدكتور: للاسف فقدنا الجنين
اسر: اهم حاجه تقي
الدكتور: عايزك في مكتبي شوية
اسر: تمام
محمد: روح وانا هستناك
وراحو مكتب الدكتور
الدكتور: فيه حاجه كمان لازم تعرفها
اسر: ايه هي
الدكتور:............... فهمت
اسر هز راسه باسف وحزن: تمام يا دكتور
الدكتور: يا ريت تخلي بالك منها كويس
اسر: حاضر....اقدر اشوفها امتي
الدكتور: دلوقتي هتتنقل وتقدر تشوفها
وخرج لمحمد وراحو اوضة تقي
اسر قعد جنب تقي ومسك ايدها: انا اسف مقدرتش احميكي
محمد: اهدي يا اسر المهم سلامتها
اسر مسح دموعه: ايوه معاك حق
تقي ابتدت تفوق: اا..اسر
اسر: تقي انتي كويسه يا حبيبتي
تقي: ابني يا اسر..ابني كويس صح
اسر بحزن: قدر الله وما شاء فعل..ربنا يعوضنا خير
تقي ببكاء: لااا اهئ ابني
اسر: اهدي يا حبيبتي وبانكسار ربنا يخليكي ليا وتجيبيلي غيره
محمد خرج برا
محمد: هي يمني لسه مجتش ليه..اتاخرت يعني
اتصل عليها مغلق
واتصل علي هنا
محمد بخوف: يعني ايه خرجت من ساعة ولسه موصلتش هنا!!!!!
هنا: هي مجتش
محمد: لا اتاكدي يا هنا بالله عليكي ودوري في البيت واتصلي علي مامتها شوفيها
هنا: حاضر
محمد: انا هروح الاداره عشان اعرف اتصرف
هنا: ماشي ولو عرفت حاجه كلمني
محمد: تمام
....
هنا دورت في البيت كله
نيفين: فيه ايه يا بنتي
هنا: يمني مشوفتيش يمني يا ماما
نيفين: تلاقيها فوق
هنا: مش فوق انا شوفت
نيفين: يمكن راحت لمامتها
هنا: هتصل عليها معاكي الرقم
نيفين: لا بس معايا رقم الارضي بتاع البيت
هنا: طب تعالي نتصل
واتصلو
في بيت عيلة الكاشف
التليفون بيرن
أحمد كان قاعد سمع صوته وبص حواليه مفيش حد فراح يرد
أحمد: الو
هنا: ايوه يا استاذ احمد هي يمني عندك
احمد: لا انا لسه موصلها
هنا: تمام
احمد: ثواني بس فيه ايه
هنا: يمني خرجت للمستشفي لمحمد وموصلتش وانا ومحمد بندور عليها
احمد: انا جاي حالا
هنا: ماشي
...
في المستشفي
محمد خرج من غير اسر عشان يسيبه مع تقي وراح لمكان شغلهم وبداو رحلة البحث
...
احمد وصل لبيت عيلة الحديدي
احمد: السلام عليكم
نيفين: وعليكم السلام اتفضل يابني
احمد: ممكن مكان شغل محمد عشان اروح اساعده
هنا: اكيد اتفضل وهكتبلك العنوان
احمد: شكرا
واخد العنوان ومشي
.....
عند تقي واسر
اسر: تقي حبيبتي تعالي اوديكي عند طنط تهاني
تقي: سيبني يا اسر انا مش عايزه اشوف حد
اسر: طيب نروح بيتنا
تقي بحزن: ماشي
وراح اسر جهز اذن الخروج وخد تقي لبيتهم
تقي: انا عايزه انام ممكن
اسر: ماشي نامي يا حبيبتي
....
في الاداره
احمد وصل وشاف محمد: محمد
محمد: ايوه ازيك يا احمد
احمد: لقيت حاجه
محمد بحزن: لسه
احمد: طيب انا اقدر اساعدك في حاجه
محمد: ادعيلي  ..يارب انا مش قادر اعمل حاجه ومراتي وابني مش موجودين يارب ساعدني واقف جنبي
احمد: يارب يا محمد
.......
في اليوم التالي
محمد منامش ولاروح البيت واحمد معاه
مجموعه من اللي بيدورو رجعو
محمد بلهفه: لقيتو حاجه جديده
واحد منهم: للاسف لا يا سيادة المقدم
محمد بيأس راح قعد مكانه تاني
احمد: معلش يا محمد هنلاقيها ان شاء الله
.....
عند تقي واسر
تقي قاعدة زعلانه ومش راضية تاكل
اسر: يا تقي بقا عشان خاطري كلي حتي عالاقل
تقي: مش جايلي نفس يا اسر
اسر: كل دا عشان ايه يعني يا تقي ارجوك انا كل اللي يهمني صحتك انت
تقي: انا مش قادره صدقني
اسر: تقي علي فكره انا مزعلتش لاني مكونتش عايز البيبي دا
تقي بصدمه: ايه!!!
اسر: ايوه انا مكونتش عايز نخلف الوقتي اصلا عايز ابني حياتي الاول
تقي بدموع: ايه اللي انت بتقوله دا يا اسر
اسر: زي ما سمعت انا مش عايز اولاد دلوقتي خالص انت عندي بالدنيا
تقي: بس دا هيبقي رابط بينا
اسر: ماشي هنجيبه...بس مش دلوقتي
تقي بعياط: يعني انت مش عايز رابط يربطك بيا من الاخر
اسر: اكيد يعني مش قصدي كده وبعدين انا مقولتش مش عايز بقولك ناجله شوية
تقي بانهيار: دا اخر قرار عندك
اسر: يا حبيبتي اسمعيني احنا هنأسس مستقبلنا الاول وبعدين نشوف الموضوع دا
تقي: وديني عند ماما يا اسر لو سمحت
اسر بحزن: تقي
تقي بصريخ: وديني عند مامااا
اسر: ارجوك يا تقي متبعديش عني مقدرش اعيش من غيرك
تقي: انت اللي عايزني ابعد عنك
اسر: يا تقي انا قولت كده
تقي بصوت عالي: كلامك معناه كده تقدر تفهمني انك مش عايز اطفال مني دا معناه ايه هه
اسر: يا تقي...
تقي بدموع: خلص الكلام يا اسر وشكرا هروح لماما انا لوحدي وقامت لبست ولمت هدومها ومشت
اسر: 💔💔
(أنا دمعت وانا بكتب 🥺🥺💔😢ه)
........
في ادارة الامن
محمد فجأه قام
أحمد: هتعمل ايه
محمد: انا مش هفضل قاعد عاجز كده ومراتي مش موجوده انا هنزل ادور عليها بنفسي
احمد: هتعمل ايه بس ما هي بقالها يومين
محمد: انا هتجنن يا احمد مش عارف اتنفس وتجمعت الدموع في عينيه مخنووق 💔حاسس ان روحي بعيد عني
أحمد: تعالي نصلي وربنا ان شاء الله هيحلها من عنده
محمد مسح دموعه: ونعم بالله
احمد: تعالي اتوضي ونصلي يلا
ونزلو عالمسجد
محمد كان بيتوضي ودموعه هي اللي بتغسله مش الميه ابدا
واتجهوا لاداء الصلاه
سجد محمد لربه يدعوه ويناجيه: يارب انت اعلم بحالي يارب ردهالي من غير ما تتاذي هي وابني يارب احفظها واقف معاها ودلني عليها
........
في مكتب التحقيقات
اسر كان بلغ عن الحادثه وان اكيد وراها حد ومش حادثه دي حد اللي مدبرها
الظابط: المعلومات اللي وصلنالها ان الوحيد اللي ممكن نتهمه حاليا هو المدعو الياس أو بمعني اصح احمد
اسر: بس دا طلع كويس واعتزر وخلاص
الظابط: ومين عالم بنيته حاليا هيتم القبض عليه
اسر: اللي تشوفه
الظابط: تمام سيادتك
.......