حلم وعلم

الفصل الرابع

فجاه حصلت حادثه قدامها وراحت بسرعه تشوف مين واتفاجئت انو هو
يمنى قعدت علي الارض جنبه وهو بينزف، اطلبو الاسعاف بسرعه
وهو بدا يفقد الوعي
يمنى، لالالا خليك معايا متغمضش
محمد بياخد نفسه بصعوبة
يمنى، هه هو.. هو انت المقدم محمد ولا..ولا اخوه
محمد ابتسم بالم، م..حم..د
يمنى، طيب خليك بس صاحي الاسعاف قرب يوصل متخافش هتبقي كويس
محمد بيغمض عينيه لحد ما قفلهم خاالص والاسعاف وصل ويمنى طلعت معاه وبدات تسعفه في العربيه لحد ما وصلو المستشفي
دكتور، ماله
يمنى، بسرعه يا دكتور حادثه
الدكتور فحصه بسرعه، جهزو اوضه العمليات فورا
وبعد شويه كانو بيدخلوه ويمنى ماشيه معاهم
الممرضه، لو سمحت استني هنا
ودخلو وقفلو الباب
يمنى، انا لازم ابلغ حد من اهله.. اها ممكن اكلم انجي
واتصلت عليها
$$
انجي، ايوه يا يمنى
يمنى، انجي انت فين
انجي، في البيت
يمنى، المقدم محمد عمل حادثه وانا جبته علي المستشفي
انجي، ايه.. طيب طيب انا هاتصرف شكرا يا حبيبتي خليكي عندك عما نوصل
يمنى، ماشي
انجي، سلام
يمنى، سلام
$$
في المستشفي
فضلت يمنى قاعده مستنيه لحد ما الدكتور خرج
يمنى، ايه الاخبار يا دكتور
الدكتور، الحمد لله الخبطه مكنتش خطيره وحالته استقرت دلوقتي
يمنى، يعني هو فاق
الدكتور، في خلال دقايق هيفوق وهيبقي تمام بس هو عنده كسر بسيط وجرح عايز يتغير علطول بس مفيش حاجه خطيره
يمنى، تمام
الدكتور، تقدري تدخليله هو اتنقل في اوضه عاديه
يمنى بلعت ريقها، اادخل مماشي
وراحت دخلت الاوضه
كان محمد علي السرير وهي راحت قعدت علي الكرسي اللي جنب السرير
بعد شويه بدا يفوق
محمد، مم.. انا.. ا..نا...فين
يمنى، انت في المستشفي الف سلامه عليك يا سياده المقدم
محمد فتح عينيه كويس وافتكر الحادثه
يمنى، هو حضرتك عملت الحادثه ازاي الشارع مكنش زحمه
محمد، اكيد هو
يمنى، مين
محمد، ممدوح الكلب
يمنى، مين ممدوح دا
محمد، امم بصي يا ستي انت عارفه اني ظابط صح
يمنى، اها.
محمد، اكيد هيبقي ليا اعداء كتير وممدوح دا بقا اكبر تاجر مخدرات فيكي يا مصر وبحاول امسكه من زمان فهو هددني قبل كده واصلا انا حاولت اتفادي الحادثه بس العربيه كانت مستقصداني
يمنى، امم تمام ابقي خد بالك بعد كده
محمد، هههه لا عادي انا ظابط ولازم حيلاتي تبقي اكشن كده هو حد من اهلي عرف
يمنى، ايوه انا كلمت انجي و..
محمد، انت عارفه انجي
يمنى، ايوه هي جتلي مع زين هي واستاذ مراد
محمد، ممم يعني شوفتي مراد عشان كده كنتي بتساليني
يمنى، ايوه احم هما زمانهم علي وصول انا هاقوم انا و..
محمد، هتمشي وتسيبيني قاعد لوحدي زهقان كده
يمنى، مهو اصل ال...
محمد، ششش ولا كلمه
يمنى، ايه فيه ايه
محمد، ششش فيه فار
يمنى برقت، ايه مين يا مامييي
وقامت وقفت عالكرسي، فين فين
محمد، اقعدي اقعدي يا هبله دا كان بيتهيالي هههه
يمنى ضربته بالشنطه بتاعتها، رخم
محمد، اااه الجرح ااه
يمنى، مالك فيه ايه
محمد، الجرح الجرح بيوجع
يمنى، طب ثانيه هنادي للدكتور
وفجاه دخلت عيله محمد كلها ونيفين منهاره
نيفين ببكاء، ابني حصلك ايه يا حبيبي
محمد، اهدي يا ماما انا كويس
نيفين، كويس ايه بس ياما قولتيلك سيبك من الشغلانه دي وشوفلك اي حاجه تانيه
محمد، ياماما مفيش حاجه والله دي حادثه بسيطه حتي اسالي الدكتوره وشاور علي يمنى
نيفين، ماله يا بنتي
يمنى، اناا..هو كويس عنده بس كسر بسيط وجرح هيتغير عليه علطول لحد ما يخف
مراد، انت كويس يا محمد
محمد، اه والله يا ابني هو انا يعني لازم اضربك عشان تتاكد
مراد، لا الف سلامه عليك
وظهرت هنا من ورا باباها بتعيط
محمد، هنون مالك يا حبيبتي
هنا ببكاء قربت منه، انت كويس يا محمد
محمد، ايوه يا حبيبتي متخافيش انا بقيت كويس
هنا عيطت اكتر وحضنته
يمنى، طيب انا ه..هستاذن انا عن اذنكو
انجي، استني يا يمنى شكرا يا حبيبتي ان انت ساعدتيه وجبتيه بسرعه واسعفتيه
يمنى، علي ايه دا واجبي
نيفين، شكرا بجد يا حبيبتي انك جبتيه بسرعه
يمنى، العفو يا طنط والله دا واجبي اي حد مكاني كان هيعمل كده.
نيفين ابتسمتلها، وانت اسمك يمنى يا حبيبتي
يمنى، ايوه يا طنط
نيفين، شكرا يا حبيبتي مره تانيه
يمنى، العفو عن اذنكم
وخرجت
تاني يوم في المستشفي
يمنى خلصت شغلها وبتفكر
يمنى، اطلعله ولا مطلعلوش تؤ طب هروح بصفتي ايه لالا بلاش بس بس المفروض اسال عليه من الزوق حتي بما اني في المستشفي
تقي، هييه بتفكري في ايه
يمنى، هه مفيش كنت بفكر في حاجه كده
تقي، حاجه كده ايه يعني
يمنى، اعدي علي المقدم محمد وانا مروحه ولا بلاش
تقي، ممم عادي يعني مفيهاش حاجه
يمنى، يعني اروح
تقي، روحي
يمنى، ما تيجي معايا
تقي، لالا انا هتاخر وانت عارفه بابا
يمنى،  مم طيب يا حبيبتي سلامات
تقي، بوسات
..
طلعت يمنى للغرفه اللي فيها محمد وخبطت ودخلت وكانت نيفين وهنا بس اللي هناك
يمنى، احم السلام عليكم
كلهم، وعليكم السلام
نيفين، اتفضلي يا بنتي ادخلي
يمنى دخلت، شكرا انا كنت مروحه فقولت اعدي اشوف اخبار سيادة المقدم ايه و..
نيفين، دا من زوقك يا حبيبتي هو كويس الحمد لله
هنا، انت الدكتوره بتاعت زين اللي جابت محمد هنا امبارح
يمنى بابتسامه، ايوه
هنا، انا هنا اخته
يمنى، اهلا يا هنا انا يمنى
نيفين، هنا ممكن تجيبي ليمنى حاجه تشربها
يمنى، لالالا انا مروحه اصلا
نيفين، لا لازم تشربي حاجه
يمنى، عشان متاخرش بس
نيفين، ابدا مش هتخرجي من الاوضه دي غير لما تشربي حاجه ،
يمنى، والله يا طنط مش عايزه
محمد، طب ممكن تشربي عشان خاطر ماما بس
يمنى، احم خلاص ماشي
هنا، ثانيه واحده
محمد، اخبار الشغل هنا ايه
يمنى، تمام الحمد لله
محمد، هو مين مدير المستشفي دي 
يمنى، دكتور حازم بس هو مش بييجي كتير والمسؤول هنا دكتور حسين
محمد، وحضرتك تعرفيه
يمنى، اكيد دا صاحب بابا من زمان من ايام ما كنت لسه صغيره
محمد، اممم تمام
نيفين، هو انت من عيلة ايه يا حبيبتي
يمنى، عيلة الكاشف
نيفين، اي دا ثانية واحده باباكي مين في العيله
يمنى، عبده
نيفين، مامتك رشا
يمنى، اه
نيفين، هي عارفاني دي حبيبتي قوليلها طنط نيفين المنياوي بتسلم عليكي وهي هتعرفني
يمنى، الله يسلم حضرتك انا هقوم بقا عشان متاخرش الف سلامة علي حضرة المقدم
نيفين، اتفضلي يا حبيبتي
في البيت
يمنى بعد الغداء
يمنى، ماما هو انت تعرفي واحده اسمها نيفين المنياوي
رشا، طبعا دي كانت صاحبتي في الثانوي وكنا صحاب اوي
يمنى، امم
رشا، انت عرفتيها منين
يمنى حكتلها علي كل حاجه
رشا، اهااا الف سلامه عليه
في المستشفي
اسر راح يطمن علي محمد
ونيفين وهنا سابوهم لواحدهم
اسر، الف سلامه عليك يا صاحبي
محمد، الله يسلمك يا اسر بقولك صحيح
اسر، ايوه
محمد، انت عملت ايه في الموضوع اللي كنت كلمتك فيه
اسر، موضوع ايه
محمد، يختاااي موضوع البنت اللي اسمها يمنى
اسر، اااه والله مكلمتش تقي من زمان
محمد، جتك نيله ظابط فاشل اصلا مش عارف تعرفلي حاجه واحده
اسر، ايه يا عم الموضوع مش بالسهوله دي بس ان شاء الله قريب
محمد، اما نشووف
....
في يوم تاني في المستشفي وكان محمد هيخرج من المستشفي
يمنى كانت مروحه مع تقي عادي لحد فجاه ما لقو ضرب نار كتير وعربيات بتجري بسرعه هما الاتنين كانو لسه قدام المستشفي وكان محمد خارج مع اسر وشافوهم فجرو هما الاتنين وطلعو مسدسات والعصابة بدات تهرب لما شافتهم ومقدروش يقبضو عليهم ومع اخر عربيه طلع منها واحد مقنع من الشباك وقال، الباشا باعتلك السلام ياا ياسياده المقدم هه وبيقولك خلي بالك من السنيورة واختفي
اسر ومحمد، انتو كويسين
يمنى وتقي كانو حاضنين بعض وبيعيطو من الخوف
محمد، اهدو مفيش حاجه حصلت
اسر، احنا لازم نبلغ اللواء باللي حصل
محمد، استنا بس يا اسر ردي عليا يا انسه انت وهي
تقي، هما هما كانو عايزين ايه
محمد، طيب هما ليه ضربو عليهم
اسر، يمكن عشان انسه يمنى انقظتك يوم الحادثة فبوظت خطتهم
يمنى، اانا معملتش حاجه والله
محمد، اكيد متخافيش انت الوقتي هتروحي عادي واسر ابعت معاها حرس عشان كده فيه خطر علي حياتها
اسر، تمام
محمد، هتعرفو تروحو لوحدكم ولا نوصلكم
اسر، لا يا محمد تعالي نوصلهم لان لسه محطيناش حرس
يمنى، لا لا شكرا يا سيادة المقدم
محمد، اركبو العربيه يلا
تقي، تعالي يا يمنى عشان انا خايفه
وركبو مع محمد واسر ووصلوهم
عند يمنى
حكت لمامتها وباباها كل اللي حصل
رشا، يا حبيبتي يا بنتي
يمنى، انا خايفه اوي يا ماما
عبده، متخافيش يا حبيبتي هما مش قالو هيعينو حرس عليكي
يمنى، ايوه
رشا، ربنا يوفقهم ويكون في عونهم عشان يمسكو الناس اللي زي دي
يمنى، يا رب يا ماما
رشا، طب تعالي بقا نامي شوية علشان شكلك تعبانه
يمنى، حاضر
ودخلت نامت
عند تقي
تقي، بس يا ماما دا كل اللي حصل
تهاني، يا حبيبتي يمنى زمانها مرعوبه يا عيني
تقي، ايوه يا ماما انا خايفه عليها اوي
تهاني، متخافيش ان شاء الله خير ربنا يكون في عونها ويحميها
تقي، يا رب
في مقر مكافحه المخدرات
اللواء، اللي حصل دا مينفعش يعدي بالساهل
محمد، انا عينت حرس عليها يا فندم
اسر، بس احنا لازم ننجز في المهمه عشان نمسكهم قبل ما يعملو حاجه تانيه
اللواء، فعلا يا حضرة المقدم
محمد، تمام يا فندم انا هحاول اعرف باقصي سرعه مين دا بالضبط
اللواء، تمام اتفضل يا سيادة المقدم واي حاجه جديده تبلغني بيها فورا
محمد واسر، تمام يا فندم
وخرجو هما الاتنين
يا تري ايه مستخبي ليمني ويا تري محمد هيقدر يحميها ولا القدر هيلعب لعبته!!
كل دا واكتر مع الحلقات الجايه من #حلم وعلم