حلم وعلم

الفصل السادس

يمنى، ايه انت بتقول ايه
محمد بثقة، بقولك تتجوزيني
يمنى،دا اللي هو ازاي يعني
محمد، لازم ابقي معاكي لحد ما اخلص المهمه دي عشان احميكي وعشان سبب كمان
يمنى، سبب ايه
محمد، المستشفي اللي انت بتشتغلي فيها ممدوح واخدها واجهه له يداري بيه علي عمايله السوده بس انا مهمتي اعرف هو مين واقبض عليه
يمنى، يعني هو مش مدير المستشفي
محمد، ممكن وممكن لا والتحقيقات لسه شغاله في الحكاية دي
يمنى، بس بردو دا مش سبب عشان تتجوزني ما تعرف من غير ما تتجوزني
محمد، مش دي المشكله المشكلة انو خطفك دا معناه انو عايز منك انت حاجه وانا مش عارف هي ايه ودلوقتي انت بقي فيه خطر علي حياتك اربعه وعشرين ساعه يعني عايزه حد معاكي اربعه وعشرين ساعه ومش حرس لا حد يكون معاكي دايما
يمنى، شكرا يا حضرة المقدم بس انت مش ملزم تحميني
محمد، صدقيني كده احسن ليكي
يمنى، لا شكرا
محمد، طب خدي رقمي فكري في الموضوع دا وكلميني سلام
يمنى، س..سلام
وطلعت لمامتها ومامتها كانت خايفه عليها واما شافتها حضنتها وعيطت ونامت يمنى من التعب
في اليوم التالي
في مقر مكافحة المخدرات
اللواء، خير ما عملت يا محمد وياريت توافق احنا معدناش عايزين خساير في القضيه دي تاني واعرفولي هو عايز ايه بالضبط من الدكتورة دي
محمد، تمام يا فندم انا هكلم اهلي في الموضوع واحاول امشي الموضوع
اللواء، لا يا محمد المهمه دي في شدة السرية يعني مينفعش حد خالص يعرف اللي ورا الجواز دا غير اربعه وبس انت واسر والدكتورة و.... انا
اسر، مفهوم يا فندم
وخرجو هما الاتنين
اسر، هتعمل ايه دلوقتي
محمد، مش عارف
اسر، هي لازم توافق
محمد، بس هي مكانتش موافقه امبارح
اسر، مهي مش فاهمه خطورة الموقف
محمد، طب حاول تكلم تقي تقنعها هي صاحبتها واكيد هتتكلم معاها
اسر، مش لما تقي توافق عليا الاول
محمد، هووف طب خلاص انا هتصرف
وتليفونه رن
محمد، الو
عند يمنى
كانت قاعده بتفكر فجاه تليفونها رن برساله قراتها وبعدها بدات تدمع وخافت وكانت عبارة عن رساله تهديد جاامد فافتكرت محمد واتصلت عليه
محمد، الو
يمنى بدموع، اناا.. انا مموافقه
محمد، هو حصل حاجه
يمنى، جالي رساله علي موبايلي
محمد، انا جايلك فورا خليكي مكانك ومتقوليش لاي حد
يمنى، مماشي
في مقر مكافحة المخدرات
محمد، تعالي معايا بسرعه يا اسر
اسر، ايه في ايه
محمد، تعالي بس وهقولك في الطريق
وراحو واول ما وصلو
محمد كلم يمنى وقالها تنزل تقابلهم في كافيه
ونزلت يمنى وراحت الكافيه وقعدو ومحمد طلب عصير
محمد، ها ايه اللي حصل بقا
يمنى، انا وصلني الرساله دي
وادتله الفون بتاعها
محمد، كده بقا الموضوع فيه حاجه هما عايزين منك ايه بالظبط
يمنى دمعت، معرفش والله انا عمري ما عملت حاجه
اسر، اهدي بس وكل حاجه هتبقي تمام احنا هنتصرف
محمد، طيب احنا دلوقتي هنتجوز موافقه
يمنى هزت راسها بنعم
محمد، تمام اسمعي بقا احنا محدش هيعرف ان احنا متجوزين عشان المهمه غيرنا فاهمه يعني كل الناس لازم يفهمو ان احنا متجوزين عادي
يمنى، بس..
اسر قاطعها، مفيش بس دي اوامر رسميه مش احنا اللي بنقررها
محمد، بالراحه يا اسر مش كده طيب بصي ممكن تقولي لتقي بس
يمنى، تمام
واتفقو هيعملو ايه وان محمد هيتقدملها عادي وهي هتوافق وهيطلبو يتجوزو بسرعه وخلاص
محمد، ولحد ما نتجوز لازم تاخدي بالك من تحركاتك ويا ريت لو متخرجيش كتير ولو خرجتي تاخدي الحرس معاكي
يمنى، تمام
اسر، اتفقنا
وروحو ويمنى كلمت تقي وراحتلها البيت و يمنى حكتلها كل حاجه
تقي، مش مشكله يا حبيبتي معلش لحد ما يقبضو عالعصابه دي
يمنى، ان شاء الله يخلصو بسرعه
تقي، ان شاء الله
يمنى، وانت عملتي ايه وافقتي علي اسر
تقي، اممم ايوه قولت لبابا وهو هيقوله
يمنى، ربنا يتمملك علي خير يا حبيبتي
تقي، يا رب
وروحت تقي وتاني يوم
رشا، يمنى حبيبتي
يمنى، ايوه يا ماما
رشا، طبعا دلوقتي انت كبرتي وعقلتي وتقدري تتحملي المسؤوليه
يمنى، حاضر يا ماما هغسل المواعين
رشا، شوفي البت اقولها مسؤوليه تقولي مواعين
يمنى، كنت بحاول اوفر عليكي بس
رشا، لا ياختي متوفريش
يمنى، قولي يا ماما هه عايزه ايه يا حبيبتي
رشا، بصي يا حبيبتي انت دلوقتي كبرتي..
يمنى، احنا هنعيده من الاول قولي علطول
رشا، خلااص انت حره بصي يا حبيبتي انت جايلك عريس
يمنى، امم ما انا عارفه وايه الجديد
رشا، الجديد انو المره دي مش اي حد
يمنى بتمثيل، مين (قال يعني مش عارفه اتوكسي كده وانت مبتعرفيش تمثلي 😂)
رشا، المقدم محمد الحديدي
يمنى، ماشي
رشا، ماشي ايه
يمنى، ماشي خلاص عرفت
رشا، طب هو جاي انهارده مع عيلته يطلبوكي من بابا
يمنى، اوكي
رشا، اوكي ايه
يمنى، انت علقتي يا ماما اوكي خلاص عرفت انو جاي انهارده
رشا، صبرني يا رب اوعي يا اخره صبري
يمنى، اخره صبرك هو كان فيه حد قبلي ولا ايه 😂
عند محمد
محمد، بابا انا فيه واحده عايز اتجوزها
محمود، تتجوزها مره واحده طب قول تخطبها.
محمد، اه
هنا، مين ميين يا ميدو
نيفين، ايوه مين يا حبيبي
انجي، انا عارفه مين
هنا، مين يا نوشا مين
انجي، دكتورة يمنى صح
محمد، صح
مراد، مش دي دكتورة زين اللي كانت اسعفتك يوم الحادثه
محمد، ايواااه بالظبط
محمود، وهي كويسه يا ابني
هنا، ايوه دي كيووت اوي يا بابا وعسوله
نيفين، ايوه الحق يتقال البنت زوق جدا ومشوفناش منها غير كل خير
محمود، خلاص علي بركه الله
محمد، انا حددت ميعاد مع والدها وهنروح انهارده الساعه تمانية
مراد، بسرعه كده
انجي، شكله مستعجل
هنا، يلا اهو نتفسح ونشرب شربات.
محمود، خلاص يابني طالما انت عايز كده وهما شكرو فيها وانت اكيد سالت عليها كويس يبقي تمام مفيش مشكله
نيفين، نجهز نفسنا بقا
زين، هو احنا هنروح فين يا ماما
انجي، هنروح عند دكتورة يمنى يا حبيبي
زين، هنروح المستشفي تاني بس انا مش عيان
انجي، هههه لا يا حبيبي احنا هنروحلها بيتها
........
في بيت يمنى
رشا، يا بت قومي اعملي معايا حاجه
يمنى، حاضر يا ماما انا مش بعمل الكنب اهو
رشا، تقي هتيجي
يمنى، اه زمانها جايه
رشا، ماشي
بعد شويه جت تقي
تقي، عروستي القمر عامله ايه
يمنى، كويسه تعالي تقي
تقي، عملتي ايه
يمنى، بالبس اهو
تقي، اوك انا هساعدك
وبعد ما خلصو
تقي، قمر ماشاء الله
والجرس رن
تقي، اكيد هما
وراحت تقي شافت ورجعت
يمنى، هما؟
تقي، ايوه
يمنى، اممم ماشي
بره
دخلو كلهم قعدو بعد ما رشا رحبت بيهم وقعدو مع بعض( وتخيلو انتو بقا قالو ايه عشان الصراحه ما اتخطبطش قبل كده عشان اعرف 😂)
المهم ندهو البنات ( علي فكرة اسر معاهم امال ايه لازم ييجي عشان يونس تقي 😉😂)
زين اول ما شاف يمنى جري عليها وهي شالته
زين، يمنىيي
يمنى، زينوو ههه وشالته وقعدت
زين، دا بيتك يا يمنى
يمنى بصت حواليها، بيتهيالي هو..حلو
زين، دا جميل اوي انا هاجي هنا علطول
يمنى، ماشي
هنا، ازيك يا يمنى
يمنى، كويسه الحمدلله ازبك انت يا هنا
هنا، انا تمام الحمدلله
انجي، طب ممكن نسيبهم لوحدهم شويه تعالي يا زين
الكل، تمام وقامو
محمد، احم عامله ايه
يمنى، كويسه الحمد لله
محمد، مش عايزه تساليني في حاجه
يمنى، اه صح احنا هنعيش فين
محمد، امم بصي يا ستي احنا الفيلا بتاعتنا متقسمه الدور الاول بتاع العيله اللي هو ماما وبابا وهنا وكنت انا والدور التاني فيه جناح لمراد وجناح ليا
يمنى، يعني احنا هنقعد مع بعض
محمد، اه لازم عشان ميشكوش
يمنى، ماشي
محمد، هو انت ملكيش اخوات
يمنى، لا
محمد، انا اسف مكونتش اعرف
يمنى، لا عادي
محمد، ممكن تعتبري انجي و هنا اخواتك
يمنى، هنا هيبقو اخواتي فعلا
محمد، ماشي خلاص انا هقول لباباكي ان انا عايز نتجوز بسرعه
يمنى، ماشي
محمد، سلام
يمنى، سلام
وخرج محمد واتفقو علي شوية حجات ومشو
رشا، ايه يا بنتي كويس
يمنى، ايوه يا ماما كويس انا ارتحتله هصلي استخارة واقولك رايي النهائي.
عبده، طب بس دا عايز الفرح كمان اسبوع ايه الكروته دي
يمنى، انا معنديش مشكله يا بابا.
عبده، يا حبيبتي بس دا جواز مش لعبه
يمنى، بس انا موافقه الفرح يبقي كمان اسبوع لو وافقت
عبده، خلاص يا حبيبتي طالما انت مبسوطه وفرحانه وانا سالت عليه كويس يبقي براحتكم
يمنى حضنته، حبيبي يا بابا انا اتبسطت اوي انهارده
رشا، ربنا يديمها عليكي فرحه
عند محمد.
محمود، انت قولت ايه هناك يا محمد
محمد، قولت الفرح الاسبوع الجاي
محمود، ودا اسمه كلام ايه السربعه دي
محمد، عادي يا بابا انا عرضت الفكرة وهما لو مش موافقين خلاص وانا جناحي جاهز يعني مفيهاش حاجه
هنا، شكله مستعجل اوي اوي يا بابا
محمود، ماشي يابني
محمد، تصبحو علي خير ودخل اوضته

ممكن رايكو؟! 😊