Part 1

5.3K 291 16

by KimFany059

by KimFany059

#Unicode

Lisa တစ်ယောက် သူ့သူငယ်ချင်း Jisoo, Seulgi ရယ် Wendyနဲ့ Jeongyeonတို့နဲ့အတူ သူမတို့ မြို့ပြင်က ပင်လယ်ကမ်းခြေတွင် အပန်းလာဖြေနေကြသည်

"အားလုံးဘဲ အချစ်ရေး အဆင်ပြေကြရဲ့လား "

အဖွဲ့ထဲက စျေးဦးပေါက် ပထမဆုံး ရည်းစားရသွားတဲ့ Jeongyeon ကမေးတော့ Seulgi က ခေါင်းညိတ်ပြသည်

Jeongyeonရဲ့ တိုက်တွန်းမှုကြောင့် Ireneနဲ့ Seulgi ရည်းစားဖြစ်ခဲ့တာလေ

"ပြေတော့ပြေပါတယ် ဒါပေမယ့်ဟာ တစ်ခါတစ်ခါ ငါ့ Mandu က တအား သဝန်တိုတာဟာ သူ သဝန်တိုပြီး ထင်ရာလျှောက်ပြောတဲ့အခါမျိုးဆို ငါတော်တော် စိတ်ထိန်းထားရတယ် "

"Haha Nayeonလည်း အဲ့လိုပါဘဲ သူ့ရှေ့မှာ တစ်ခြားသူကို မတော်တဆလေးတောင် မကြည့်ရဲဘူးဟေ ကြည့်မိတာနဲ့ ဗိုက်ကြောပြတ်ပြီသာမှတ် "

Jeongyeon ဘီယာဗူးကို ဖောက်ရင်း ရယ်ပြီး ပြောနေသည်

ရှေ့နေဖြစ်ဖို့ ကျောင်းတက်နေရတာနဲ့ ရည်းစားမထားအားသေးတဲ့ Lisaလေးကတော့ သူ့သူငယ်ချင်းတွေ ပြောတာကို အမြည်းစားရင်း နားထောင်နေသည်

"Lisa နင်ရော ရည်းစားမထားသေးဘူးလား "

Jisoo မေးတော့ Lisa ခေါင်းခါပြသည်

"ကျောင်းမပြီးသေးဘူးလေ ပြီးတော့ ရည်းစားထားဖို့လည်း စိတ်မပါသေးပါဘူးဟာ "

"နင်ကသာ စိတ်မပါနေ နင်နဲ့တွဲချင်တဲ့သူတွေက တစ်ပုံကြီး "

"အင်း ငါစိတ်ပါတဲ့တစ်နေ့ အကုန်လုံးကို ထည်လဲတွဲပစ်မယ် '

Lisaရဲ့ စကားကြောင့် Seulgi တို့ ရယ်လိုက်ကြသည်

"အထည်လဲတွဲတာထက် အတည်တကျတွဲဖို့သာ တွေးစမ်းပါ....."

"ငါ့ကို ဆရာမကြီး လာမလုပ်စမ်းပါနဲ့ ဂျပုရာ "

"ဘာ ငါ့ကို ဂျပုလို့ပြောတယ် ဟုတ်လား နင်သေပေတော့ "

Jisooမှာ သူမကို ဂျပုလို့ပြောတဲ့ Lisaကို လိုက်ရိုက်တော့ Lisaမှာ ဖိနပ်ချွတ်ပြီး ကမ်းစပ်ဘက် ပြေးသွားလေသည်

Jisooကို လှည့်ပြီး ပြောင်ပြရင်း Lisaမှာ တစ်ခုခုကို ခလုတ်တိုက်မိပြီး လဲသွားလေသည်