رواية فرصة ثالثة

الفصل السابع عشر

الفصل السابع عشر (حل اللغز 1)

في صباح يوم جديد صبااح يمتلئ بالاحداث الذي ليس لها اخر

عند مليكة بدأ في فتح عينيها ببطء لتري نفسها في غرفة بيضاء اللون متوسطة الحجم وضعت يديها علي رأسها بألم

لتردف بنبرة متألمة:اااه اناا فين

لترد عليها شابة كانت بجانبها:اهدي حضرتك انتي في المستشفي العسكري بعد ما اتصابتي في عملية ليكي وعيلتك كلها برة قلقانة عليكي

مليكة بوجع:طااب انا حاسة ان دماغي بتوجعني جامد

الممرضة بحزر:طااب ثواني هنادي لحضرتك الدكتور

بعد عدة دقائق وجدت تلك الفتاة الممرضة ومعها طبيب شااب

ليردف الطبيب بإبتسامة هادئة:حمد الله علي السلامة يا سيادة الرائد

مليكة بألم :الله يسلمك بس حاسة ان فيه وجع في راسي وضهري

الطبيب بعملية:طبيعي يا سيادة الرائد وجع الراس دا من الخضة وبالنسبة لوجع الضهر دا لأن الرصاصة كانت في ضهرك وكمان احنا عملنا كل اللي في وسعنا علشان منأثرشي علي العمود الفقري والحمد لله نجحنا وحضرتك باين عليكي بتهتمي بصحتك واكلك ودا ساعدنا برضو علي اننا نتفادي الاصابة بالشلل انما انتي دلوقتي كويسى وهي مسألة وقت والوجع هيروح

مليكة:طاب مافيش اي مسكن لأن حاسة ان راسي هتنفجر

الطبيب بجدية:ماشي مع ان المسكنات غلط علي حضرتك انا هحطلك المسكن في المحلول وخمس دقايق والوجع عيروح خالص

ليقوم بتعبأة دواء ما في السرنجة ثم يغرزها في المصل

ليوجهه حديثة للممرضة قائلا:سميرة اسمعيني انتي هتفضلي معاها ولو حصل لها اي حاجة اديني خبر فورا

الممرضة بعملية:تمام حضرتك

ليتركها ويغادر الغرفة وعند خروجه قابل عائلتها ليندفع نحوه اباها سريعا

ابو مليكة بخوف:مليكة بنتي عاملة ايه يا دكتور حصلها ايه

الطبيب بإبتسامة عملية:اطمن حضرتك الانسة مليكة بخير هي بس هتحس بأعراض وجع بس انا ادتلها مسكن وانشاء الله الوجع هيزول

ليردف ايهم بلهفة:طااب ممكن نشوفها حضرتك

الطبيب بجدية:ايوة ممكن بس بلاش كلام كتير لأنه هيتعبها عن اذنكم

ثم انصرف ليكمل عمله بينما الجميع قاموا بالدخول الي الغرفة ليطمأنوا عليها

ليتجهه اليها والدها وهو يحتضنها بحزر بسبب جرحها ويردف بلوم:كدة يا مليكة تمشي بليل من غير ما تعرفي حد وادي النتيجة كنت هتروحي فيها

لتردف مليكة بمرح رغم الامها:ما خلاص يا حج عمر الشقي بقي

ليخرجها من احضانه وهو يردف بحدة:ليكي عين تهزري بعد عماتك دي