السلام عليكم ورحمة الله وبركاته
مساء الخير
كيف حالكن؟
جواهرنا
Sophia_19990
SosoAliصباح الخير 🤍
على فكرة البنطلون الضيق مش حرام .
اه والله مستغربة ليه ؟ بقولك مش حرام .
انتى كبنت بتلبسى بناطيل أول ما قرأتى الجملة دى جه فى دماغك ايه ؟! ان انا اتجننت مش كدة ؟
طب تعالى عاوزاكى فى كلمتين 😌
اولا كدة انا اقصد من الجملة دى انه مش حرام فى البيت 🌸🤍
بس اسألى نفسك سؤال واحد .. انتى ليه استغربتى من الجملة وانتى بتقرأيها ؟
مش ده معناه انك عارفة انه حرام !!
طب بصى انا عارفة ان اى حد بيعمل حاجة غلط بينقسم لنوعين فيه نوع بيكون عارف انه غلط ومعترف بغلطه و نفسه يتحسن ..
ونوع تانى عارف انه غلط بس عمره ما يقول كدة و دايما ماسك فى كلمة "انا حر " و "براحتى"
لو انتى من النوع الاول فانا متأكدة ان كلامى هيلمس حاجة جواكى ... اما لو من النوع التانى فربنا يهدى قلبك و يرزقه القرب من ربنا 😄
بصى بقا يا جميلة .. انتى عارفة ان البناطيل واللبس الضيق اللى واصف كل حتة فى جسمك .. انتى عارفة كويس اوى انه غلط .
طب قوليلى ايه اللى مانعك انك تلبسى واسع !
ايه اللى محببك فى ان تفاصيل جسمك تبان لكل الناس والشباب بينهشوكى بنظراتهم ؟!
هتقولى هيكبرنى .. عندك حق .. بس هو بيكبرك عند ربنا ✋
فيه بنات لما يجى حد يكلمهم فى موضوع اللبس تقولك انا بلبس لنفسى وعشان شكلى كدة حلو مش عشان الناس .. طب ما تلبسى واسع .. لا اصل الناس هيقولو كذا وكذا !!!
النوع ده حتى مش متصالح مع نفسه ابدا
وربنا اللى امر الرجال والنساء بغض البصر امرك برضو بالزى الشرعى والستر .
فبلاش كلمة "ماهو يغض بصره" !!
طب تعالى هقولك حاجة كمان . لنفترض ان فيه شاب ملتزم وبيخاف ربنا وبيغض بصره وبيجتهد فى كدة وانتى نزلتى من بيتك ببنطلونك الضيق ميك اب جميل كام شعراية كدة من الطرحة لزوم الشياكة
و جه الشاب ده شافك غصب عنه وفتنتيه .. هتبقى مبسوطة بالله عليكى ؟
انتى مش بس منفذتيش امر ربنا بالحجاب ده انتى كمان كنتى سبب فى فتنة شاب اصلا ملتزم !!
طولت عليكى بس عاوزة اقولك ان ديننا صنع مننا جواهر و فرض علينا الحجاب الشرعى عشان يحافظ علينا مش يخنقنا ولا يأذينا
انتى فعلا جميلة اوى بالبنطلون وبالقصير، وبالضيق و بالميك اب ...وعشان كدة الجمال ده لازم يتدارى ويتصان من عيون الكل 🤍
جربى تنزلى بلبس واسع و طرحة طويلة ومفيش حتة من جسمك باينة .. جربى تحسى نعمة الستر صدقينى هتكونى الكسبانة والله وهتحسى الفرق بين نفسك فى الحالتين
يكفى انك على الاقل لو قابلتى ربنا تقابليه وانتى مستورة الجسد ..
هقولك موقف بسرعة معلش استحملينى
كانت السيدة فاطمة بنت النبى قاعدة مع السيدة اسماء،بنت عميس و كانت سرحانه فسألتها مالك قالتلها "انى لافكر فى نفسى غدا اذا مت والله انى لاستحى ان اخرج على الرجال فى وضح النهار ليس علّى الا الكفن "!!!
يعنى هتتكفن بخمس اثواب وهتكون اصلا ميتة و تستحى من الرجال !
طبعا السيدة اسماء صنعتلها النعش بنفسها .. بس شوفى نعمة الستر والحياء وصلو معاها لدرجة ايه ؟
وانتى لسة عايشة وقدامك الفرصة وبتضيعيها بايديكى 💔
لسة الفرصة قدامك استرى نفسك قبل ما يسترك الكفن ✋
نسال الله الستر فى الدنيا والاخرة 🤍
منقول
أنت تقرأ
تحدى (بالقرآن نحيا)
General Fictionتحب التحدي يالله انضم وتحدانا وإذا كنت بس كلام معليش ما عندنا وقت نضيعه..... ((خِتَامُهُ مِسْكٌ ۚ وَفِي ذَٰلِكَ فَلْيَتَنَافَسِ الْمُتَنَافِسُونَ)) ممكن تكون طريقة التسميع صعبه لكن دعينا نحسب فوائدها ونقرر 1)اول شيء اصابعك ستشهد يوم القيامة انك كت...
