تحدى (بالقرآن نحيا)

اليــــــ6ــــــوم من الشهــــ4ــــر

السلام عليكم ورحمه الله وبركاته 💖
صباحكم معطر بذكر الله " لا إله إلا الله محمد رسول الله "

كيف حالكم ان شاء الله تكونوا بالف خير 💖🤲

هيا اطلقوا العنان لاناملكم لتخط ما تم حفظه بقلبكم قبل ترديد لسانكم 💖
لا تنسو كتابة اسم السورة و الجزء و النية

جواهرنا 💎
SosoAlijet
bibahibocha
📜 نفسك تكون محترف قراءة القرآن.!!؟؟ .

💗خد شوية النصايح دي لعلها تنفعك بإذن الله :

❄️  لو عرفت تخلّي القرآن هو رقم واحد في أولوياتك قبل أي شئ تاني فافعل .. خلّيه هو شغلك الشاغل أطول وقت ممكن في يومك ده .. خلّيه صاحبك ورفيق دربك في كل زمان ومكان .. أكتر حاجة تركّز عليها القرآن..

👌و ياريت لو تشتري مصحف جيب صغير يكون معاك في شنطتك على طول ، لأن عن تجربة ناس كتير ، إحساسك وإنت ماسك المصحف في إيدك وبتقرأ فيه غير وإنت ماسك الموبايل وبتقرأ منه خاااااااااااااالص !!

❄️ولو اضطررت وهتقرأ من الموبايل ، فاقفل الشبكة والنت زي ما قولنا قبل كده علشان تعرف تركز في الآيات ومفيش حاجة تقطع قراءتك ..

❄️  لازم تخصص وقت ثابت يومياً تقرأ فيه في التفسير علشان تفهم اللي إنت هتقراه  ..وأوصيك بكتاب (زبدة التفاسير) من أروع الكتب المُيسَّرة في التفسير .. او مصحف (التفسير الميسر)..

  °جرّب كده وإنت بتقرأ القرآن يكون جنبك ورقة وقلم ، وكل خاطرة تجيلك أو حاجة تفهمها من الآيات تسجّلها ..سجّل كل أمر وكل نَهىّ وشوف إنت هتلتزم به ولا لأ ..؟؟!!

°جرّب تكتب عن إحساسك ناحية الآيات .. الآية دي فرحتك وبشّرتك ، والآية دي خوفتك ، والآية دي زودت يقينك ، ودي رجعت لك الأمل .. وهكذا ..
👈 لازم تتيقين وإنت بتقرأ إن القرآن هو طريق التغيير وفيه الحل لكل مشاكل حياتك ..

°جرب تُسقِط الآيات على حياتك واللى بيحصلك وتشوف فيها الحل لمشاكلك أو لشئ ما مُتعسر قدامك ..

🌟ربنا  قال عن القرآن إنه شفاء لما في الصدور، فابحث وإنت بتقرأ عن أمراض قلبك وهتلاقي دواها وشفاءها في آيات القرآن ..

🌟ربنا  قال عن القرآن إنه نور وهدى ، فحاول تخلي آياته تنور لك قلبك وتهديك وترشدك للطريق الصح في حياتك ..

°جرّب كده تعمل الحاجات دي وبإذن الله هتستمتع بكل آية وكل لحظة مع القرآن ..

°جرّب واصبر على الفهم والتدبر .. الموضوع مش هييجي من أول مرة بسهولة ..

🌷 اصبر وبإذن الله هتلاقى أثر القرآن في قلبك في القرب من ربنا والحياة بمعانى إيمانية رهيييبة إنت مكنتش حاسس بيها قبل كده ..

👈اعمل كده في كل مرة تقرأ فيها القرآن وشوف النتيجة هتبقى رااااااااائعة إزاى ! هتدوق حـــــــــلاوة القرآن بجد .. هتعرف ساعتها إن القرآن ميتشبعش منه ..      
📌 كما قال أمير المؤمنين عثمان رضي الله عنه : [ والله لو طهُرت قلوبُكم ، لَمَا شبِعَت من كلام ربكم ]

  🔅 ادعي ربنا وألِحّ في الدعاء إنه بنور قلبك بنور القرآن ، زي ما سيدنا النبي ﷺ كان بيدعي ويقول : ( أَسْأَلُكَ أنْ تَجْعَلَ الْقُرْآنَ رَبِيعَ قلبي وَنُورَ صدري وَجَلاَءَ حزني وَذَهَابَ همي )

  👈 خصص وقت مناسب للقراءة ، وليكن مثلاً بعد كل صلاة .. المهم تحاول إنه  يكون وقت ذهنك فيه صافي ومهيئ نفسياً زي ما قولنا قبل كده ..

👈وقبل ما تبدأ جدد وضؤك لو تقدر ، واستخدم السواك وحاول تستقبل القبلة ، وابدأ بالاستعاذة ثم البسملة، واستحضر في نيتك فضل وثواب قراءة القرآن ..

👈واستحضر في قلبك إن ده كلام الله .. يعني ربنا  الملك الجليل بيكلمك وبيخاطبك إنت .. يا ترى هتسمتع لكلامه بقلبك ولا هتغفل عنه وتلتفت لغيره ؟؟؟!!

  👈 حرّك لسانك أثناء القراءة، لأن قراءة العين لا تُجزئ ، وخلّي صوتك وسط ، لا عالي أوي فتتعب وتشوّش على اللي حواليك ، ولا منخفض أوي فتملّ وتنام  ، وكذلك سرعتك وسط لا سريعة أوي ولا بطيئةً أوي ..

🌟 للقرآن هيبة ووقار، ومن تعظيم القرآن في قلبك إنك إذا بدأت قراءة فمتحاولش تلتفت لأي حد، ولا تقطع قراءتك بالكلام مع فلان وفلان ..

👈ولو حد عايز يكلّمك شارور له بإيدك واعتذر له، وده من تعظيمك لكتاب الله .. ومن عدم احترامك لكلام ربك إنك تقرأ آيتين وبعدين تبص على الفيس والتويتر والتليجرام و... و... و ... بعدين ترجع تقرأ آيتين ، وبعدها تتصفح وهكذا ..عظّم كلام ربك اللي بتقرأه علشان تجد له تأثير في قلبك ..

  📌 أثناء القراءة هتعدي عليك آيات رحمة ..آيات نعيم وفضل .. اقف عندها .. اقف عندها وارفع يديك واسأل ربك من فضله ..👌وهتعدي عليك آيات وعيد وعذاب ..اقف عندها واسألك ربك النجاة والسلامة ..تدبر في آيات الصفات التي تصف الله تعالى وعظمته وقدرته ورحمته وكرمه .. وكرّر الآيات اللي تلاقيها لامست قلبك مرة واتنين وعشرة ..

👈 كرّر الآيات اللي بتأثر فيك لحد ما قلبك يلين ، ويا سلام لو عصرت عينك علشان تبكي وتخشع لكلام الله اللي خشعت منه الجبال !

🌟🌟🌟🌟🌟
#محترف_طاعة
#حياتي_دعوة