السلام عليكم ورحمه الله وبركاته 💖
صباحكم معطر بذكر الله " لا إله إلا الله محمد رسول الله "
كيف حالكم ان شاء الله تكونوا بالف خير 💖🤲
هيا اطلقوا العنان لاناملكم لتخط ما تم حفظه بقلبكم قبل ترديد لسانكم 💖
لا تنسو كتابة اسم السورة و الجزء و النية
جواهرنا 💎
🍂🍂🍂🍂🍂
ليه المسلسلات لأ؟!
تشدد؟ إستغفر الله يا فندم .
المسلسلات لأ لييه؟!
بتعرف تعد لحد كام؟
-مشاهد مليانة عُري لدرجة إنك لو غضيت بصرك عن مشاهد العُري مش هتلاقي مسلسل تسمعه أصلًا .
-موسيقى وأغاني والنبي ﷺ قال "ليكونن من أمتي أقوام يستحلون الحر والحرير والخمر والمعازف"
-مفيش مسلسل يخلو من مشاهد الحب .
هو الحب حرام؟!
لو قولتلك حرام متكملش كلامي ،
لكني بقولك تصوير الحب بالمنظر المهين ده وكمية الذنوب اللي تحت مسمي الحب ده حرام .
فكرة إنهم يصورولك إن اللي بتشوفه هو ده الحب يا إما إنت متعرفش الحب *فدي مصيبة*.
-بيصوروا حياة مليانة بالتحرر اللي قالب علي إنحلال ، وبرضو بيصورلك إنك لو مش في الحياة المنحلة دي فإنت مش عايش ، "غسيل دماغ" بمعني الكلمة .
مرة واحد نزل دولة عربية قال لقيت ناس بتصلي وبنات محجبة وناس طيبة هنا ، أنا كنت فاكر من المسلسلات إن الدولة دب دي عبارة عن كباريهاات وإنحلال تام .
نفسي أقول للي بيمثلوا إن اللي انتوا بتمثلوه ده إنتوا واللي زيكم بس اللي عايشين فيه مش واقع شعب يعني ولا حاجة .
-المسلسلات بتعيشك في القصة وحالة من الإنغماس فيها والتأثر بالأبطال *اللي هما مش أبطال ولا حاجة* وتظهر بقي مجموعات الـ "fans" اللي الله يهدينا ويهديهم مهووسين بممثل لمجرد كام مشهد منحل بياخد عليهم فلوس، وحافظين أسماء عياله ولو سألتهم علي أسماء أبناء النبي_عليه الصلاة والسلام _مش هيعرفوهم!
-إنغماس في الدنيا بشكل رهيب لدرجة تُلهي عن الله، لإنك شغال تشوف محتوي دنيوي بحت، الدين ملهوش علاقه بيه، وبتغذي حب الدنيا جواك والركون إليها ، ولما بتقوم من المسلسل بيفضل برضو في دماغك وياتري هيحصل إيه الحلقة الجاية !
-الممثلين اللي بتسمعلهم بياخدوا فلوس علي قفاك، فلوس علي إنحلالهم ونشرهم لإنحلالهم فكده دخلنا تحت بند "ولا تعاونوا علي الإثم والعدوان" ، ده غير كمية الفلوس اللي بيصرفوها علي المسلسل أصلًا علشان حضرتك تشوفه !
-برامج الرعب دي حوار تاني متفقين علي حرمانيتها لإنها فيها ترويع للمسلم وبتضطر الضيف إنه يشتم وينفعل و و و ..
*لو حد فينا وجد مسلسل مفهوش الحاجاات دي يجي يقولنا عليه نسمعه كلنا سوا.*
*طب نعمل إيه عايزين نرفه عن نفسنا ؟!*
*نرفه إزاي ؟!*
مبدأيًا لو ربنا أنعم عليك بموهبة إستغلها .
-صوتك حلو؟ سجل قرآن ونزله وتكون صدقة جارية .
-خطك حلو؟ لوحاتك بقي وحركاتك وتحدي خطاطين زيك .
-كاتب؟ مقالاتك واسكريبتاتك وخيالك الجميل المُلهم بالخير.
-
-ألخ
*طب معنديش موهبة؟!*
-إقرأ ..وملاقيش حد يقول مبحبش القراءة ، إنت لسه ملقتش الكتاب اللي يحببك في القراءة.
*نصيحة إشترك في إصبوحة*
*نصيحة بلاش الروايات اللي هتعمل نفس مفعول المسلسلات _اللي إحنا بنهرب منها_ في قلبك*
-إسمع حاجات تنمي شخصيتك .
-إتعلم حاجات جديدة .
-إتعلموا الطبخ .
_لو معاك علم محترم إنشره وعلمه غيرك.
وشوف بقي إنت بتحب إيه *حلال* وأعمله .
*الناس اللي حتي وقت ترفيها بتلجأ للدين تعمل إيه؟!*
-إتعلم تجويد .
-إسمع برامج دينية.
-إحفظ قرآن .
-إتعلم علم شرعي .
-إسمع دروس تزكية .
-لو عندك علم أو حافظ للقرآن علِّم غيرك .
سُبل الحلال كتير وحلوة والله، وبجد فايتكم كتير قدام المسلسلات ..💚 ^^
#مقتبس ..
أنت تقرأ
تحدى (بالقرآن نحيا)
General Fictionتحب التحدي يالله انضم وتحدانا وإذا كنت بس كلام معليش ما عندنا وقت نضيعه..... ((خِتَامُهُ مِسْكٌ ۚ وَفِي ذَٰلِكَ فَلْيَتَنَافَسِ الْمُتَنَافِسُونَ)) ممكن تكون طريقة التسميع صعبه لكن دعينا نحسب فوائدها ونقرر 1)اول شيء اصابعك ستشهد يوم القيامة انك كت...
