تحدى (بالقرآن نحيا)

💗اليوم{31}من [ش/3] 💗

السلام عليكم ورحمه الله وبركاته 💙

صباحكم معطر بذكر الله " لا إله إلا الله محمد رسول الله "

كيف حالكم ان شاء الله تكونوا بالف خير 💙

لا تنسو كتابة اسم السورة و الجزء و النية 💙
هيا اطلقوا العنان لاناملكم لتخط ما تم حفظه بقلبكم قبل ترديد لسانكم 💙

     جواهرنا 💎
SosoAlijet
yoojinyellow
دستور_الملتزم (الجديد)📔

ثالثًا: خماسية الارتقاء

🔖 خمس حاجات أنت لو ما قبلتهاش، وعرفت تتعامل معاها ازاي!!

هتدمرلك نفسيتك، وهتخليك محبط ❗️

1) الفتور
2) الوقعات
3)  الدنيا
4)الوقوع في الذنب
5) مشاكل بداية الالتزام

◀ الحاجات دي هتحصل لك شئت أم
أبيت 👊

🌸قال تعالى {وَأَعْطَىٰ قَلِيلًا وَأَكْدَىٰ}

يعني إيه ‏أكدى ❓

"أكدى" دي يعني: بلغ الكُدْيَة.

واحد ييجي يحفر بئر، بعدما تعب في حفره يلاقي صخرة؛ ييأس ويسيبه👎

فربنا قال ده إيه ❓

👈أكدى.

🔰ده مَثَل للي بيمشي في الطريق..

شوية تقابله صخرة .. تقابله مشكلة..

فيتحطم نفسيًّا ويقوم سايب الطريق ❌

🔰العربية اللي مع كل مطبّ هيقابلها هتقف
عمرها ما هتوصل لحاجة👎

  - أنت محتاج تتعلم لما يقابلك مطبّ
تتعامل ازاي 👌

الخمس مشاكل دول عايزين واحد عاقل وذكي أكتر ما هم عايزين واحد مؤمن

1) اقبل الفتور (مش لاقي قلبي)❕

❌أنا عندي فتور.. يبقى أنا مانفعش ،

يبقى أنا ضايع .. يبقى أنا محبط ..

يبقى أنا مصيبة .. والعياذ بالله❌

🔰فقه التعامل مع الفتور بيقوم على
خمس قواعد 👇

1⃣ الفتور ظاهرة طبيعية

-الفتور ده ظاهرة طبيعية ما بتحصلش غير للأوائل أصلًا..

هو مين اللي بيزهق من المذاكرة  ⁉️

‏اللي بيذاكر، الشاطر ✔️

هو اللي ييجي يقولك أنا زهقان..

الثاني هيزهق من إيه أصلًا هو بيذاكر ‼️

◀ فمعنى إن حصل لك فتور إنك أنت من القمم 🔝

◀في أول عشر سنين في الالتزام

طبيعي جدًّا يجيلك فتور كتير، حاجة طبيعية جدًّا.

بعد كده طبعًا -لو أنت استمريت في المجاهدة- بيقل جدًّا 👍

2⃣الفتور ظاهرة صحية

-ظاهرة صحية إن أنا أبقى قاعد مش قادر أقوم أصلي⁉️

طبيعي إن أنا أبقى نازل للصلاة وأنا أقدم رجل وبأخر رجل❓

- إيه الصحية اللي في كده ⁉️

⏪ لو ده ما حصلش هتبقى فرعون❗️

♻️ الفتور ده ربنا بيربيك بيه، بيكسر نفسيتك، وبتحس بإخوانك الضعفاء في الدين..

✖️بدل ما أنت متفرعن وقاعد تبصلهم وتقول:

أنتم مش عارفين تقيموا الليل ومش قادرين تجاهدوا❗️

✔️عشان ترحم غيرك بعد كده، وعشان تحس بالناس بعد كده..

3⃣ إياك أن تحول الفتور إلى كارثة ✋

- في ناس كده بتتغابى على نفسها وتحول الفتور لكارثة.

يجيله فتور، يقول أنا ضايع، يقوم داخل في إحباط 👎

فحوّل الفتور لمصيبة ⚡️⚡️

◀ بدل ما بقى فتور كم يوم، بقى إحباط بيقعد بالشهور..

◀ وممكن يقع في ذنب كبير بعد كده وينتكس!

⭐فهي مش عافية

👈جالك فتور اقبل وافهم إنه ظاهرة طبيعية⭐

س) أنا بقالي خمس/ ست شهور ليه❓

👆 ده إمّا  (إحباط) ..

- إحباط بسبب إنك عندك مشاكل في الدين ومش عارف تحقق حاجة.

- بسبب إنك عندك مشاكل في التزامك مش عارف تحلها.

- وضعك في الدين مهرجل ومش عارف تحقق اللي أنت عايزه.

➖أو صراع نفسي 👇

- صراع نفسي مع رواسب الجاهلية.

- صراع نفسي بين دنيتك وشهواتك وبين دينك.

- صراع بين طموحاتك الدينية والدنيوية.

- واقف في صراع داخلي مش قادر تفصل فيه وتحسمه.

4⃣ طيب أعمل إيه ⁉️👇

💊 العلاج رباني 💊

#لوحدك_هتخف

-زي واحد قاعد يذاكر يذاكر فقام قالك:

يوم يومين زهقت، وهرجع أذاكر تاني إن شاء الله👍

*⃣ الفتور هو شدّ نفسي، زي الشد العضلي كده..

والعضلة زي ما شدت شوية فكّت تاني لوحدها.

*⃣ طيب عايز أخلص من الفتور بسرعة مش طايق نفسي

📝عندك حاجتين تعملهم:

1) أعمال الشحن 🔋

-الفتور مش حله العبادات، الفتور حله الشحن📀

ادخل بقى اسمع مقاطع مؤثرة كثيرة، اسمع دروس عن علو الهمة كتير..

إن شاء الله الفتور سينتهي بسرعة ✔️

2) انزل اتفسح

🌸الفسحة عبادة زي ما الشحن عبادة🌸

5⃣ وقت الفتور إياك أن تكسر الخطوط الحمراء

-في الفتور ممكن تكون مش قادر تجاهد، إنما الخطوط الحمراء لازم تتعمل حتى لو مالكش نفس اعملها 💢

#البوست14ج
#التزمت_ثم_ماذا ❓
#دستور_الملتزم_الجديد
#الشيخ_حازم_شومان