السلام عليكم ورحمة الله وبركاته
صباحكم معطر بذكر الله (لا الله الا الله محمد رسول الله)
عساكم بخير يا رب ❤️🙃😘
لا تنسوووووا كتابه اسم السورة والجزء والنيه
هيا اطلقي العنان لأناملك لتخط ما تم حفظه بقلبك بقلبك قبل ترديد لسانك
SosoAlijet
* مش بحس بخشوع.
=بقيم الليل بس مش حاسة بلذة.
=بقرأ قرءان بس مش حاسة بانشراح صدر.
ـــــــــــــــــــــــــــــــــ
في البداية خلينا مُتفقين إن القلب دا أهم مُضغة في الجسد، ولو كان صالح أثره هيمتد لباقي الجسد، ولو كان فاسد بردو فساده هيمتد لباقي الجسد، وصلاح عملك مُتوقف على صلاح قلبك.
كل ذنب عملتيه في حياتك بينكت في قلبك نكتة سوداء، شوفي بقا كام مرة نظرتي فيها لشاب ومغضتيش بصرك، كام مرة اغتابتي، كام مرة شوفتي مشاهد سيئة وعري في التليفزيون، كام أغنية سمعتيها، كام مرة حقدتي، حسدتي.. شوفي قلبك بقا مليان أد إيه آفات وأمراض، ونكت سوداء، قلبك دلوقتي بقا أسود حالك بسبب كَم الذنوب الِـ عملتيها، الذنوب دي كلها عملت ران على قلبك، طبقة صدأ حجبت بينك وبين الطاعات فَـ مبقتيش حاسة بلذة الطاعة، مش حاسة بخشوع في الصلاة، مش حاسة بلذة وانشراح صدر عند قراءة القرءان.. بقا فيه حاجز بينك وبين الطاعات.
فَـ أول خطوة لازم تاخديها علشان تحسي بلذة الطاعات من تاني؛ هي إنك تصلَّحي قلبك، تنضفيه من كل الذنوب؛ علشان تبدئي تحسي بلذة القرءان والصلاة، وتستشعري لذة المناجاة والأُنس بالله -سبحانه-.
=طب إزاي أصلح قلبي؟
أسرع وأقوى مُطهر للقلب= قيام الليل.
د. أحمد عبد المنعم كان بيقول: "قيام الليل والقرءان كفيلين بإصلاح أي قلب مهما بلغت قسوته ولو كان قلبًا ميتًا"
"ولو كان قلبًا ميتًا": يعني قلب متدمر نهائي جايب آخره ذنوب ومعاصي، مُظلم بالشهوات وعواصف الهوى، لحد ما استراح الشيطان فيه.. ومع ذلك فالقيام والقرءان بينضفوه تمامًا ومع الوقت بيرجع نقي من تاني.
=طب ما أنا بصلي قيام بس بردو مش حاسة بتغيير؟
ما هو التغيير دا مفعوله مش هيظهر من أول ليلة، القيام بينضف قلبك من الران الِـ اتكون ويمحي أثره بالتدريج لحد ما قلبك يرجع نضيف نقي، ودا بياخد وقت حسب كَم الذنوب الِـ عملتيها، إنتِ بس محتاجة صبر ومجاهدة وصدق وعزيمة.
إصلاح قلبك هو بداية التغيير، والتغيير دا عبارة عن صفقة أُخروية لو ربحتي فيها الربح =جنة، والجنة ثمنها غالي جدًا، تستاهل تعبك ومجاهدتك في الدنيا، خدي الخطوة ومتستسلميش لتثبيط الشيطان وتسيبي طاعاتك نهائي لمجرد إنك مش حاسة بلذتها، ابدئي من دلوقتي جاهدي واتعبي لحد ما قلبك يصلُح وجوارحك تُهذَّب وعملك كله يصلح بصلاح قلبك، وخلي ديمًا قدام عنيكِ "يوم لا ينفع مالٌ ولا بنون. إلا من أتى الله بقلبٍ سليم".
يلا نصلي القيام بقا😉
#كوني_عائشة
#ءاية_سعيد
أنت تقرأ
تحدى (بالقرآن نحيا)
General Fictionتحب التحدي يالله انضم وتحدانا وإذا كنت بس كلام معليش ما عندنا وقت نضيعه..... ((خِتَامُهُ مِسْكٌ ۚ وَفِي ذَٰلِكَ فَلْيَتَنَافَسِ الْمُتَنَافِسُونَ)) ممكن تكون طريقة التسميع صعبه لكن دعينا نحسب فوائدها ونقرر 1)اول شيء اصابعك ستشهد يوم القيامة انك كت...
