غرام أحفاد الشمس

الحلقه الرابعه

التفت الجميع لمصدر الصوت الا مراد الذي بقي كما هو يحاول ان يصمد ويقوي قلبه حتي لا تفضحه نظراته بينما تقدمت حور للامام وصوت كعبها يرقع علي الارضيه الرخاميه حتي وصلت لشمس وهي تقبل يده

حور بابتسامه: وحشتني اووي يا شمس

شمس وهو يحتضنها: وانتي وحشتيني اكتر يا روح شمس مقولتيش ليه انك جايه كنت بعت مراد يخدك في نفس اللحظه التفت مراد وهو ينظر بحده لشمس وحور تنظر له بحنين بينما هو بادلها نظره بارده مميته علمت منها أن القادم ليس بالهين

قيس بابتسامه: وحشتنيا يا حور والله

حور: وانتوا كلكوا وحشتوني والبيت وشمس الكل والله دا حتي ماكس وحشني اوي

مراد بسخريه لاذعه: لو مكنتيش مشيتي مكنتش هيوحشوكي

شمس: مش وقته يلا روحي ارتاحي علي ما يزيد واسد يوصلوا

اسد: لا أنا وصلت خلاص يا شمس فالتفتت حور بسعاده واسرعت تحضن اسد الذي بادلها الحضن بقوه غير مباليا بذلك الذي يحترق من الغيره

اسد: وحشتيني يا حورتي متبعديش تاني وتوجعي قلب اخوكي عليكي

حور بمرح: الف سلامه علي قلب الاسد أنا مش هبعد تاني يا ملك الغابه ولا ايه

اسد وهو يضرها علي رأسها بخفه: احنا مش قولنا نبطل استظراف فتحدث صوت من خلفهم: حوري حقها تستخف دمها براحتها ولا ايه

حور بابتسامه ليزيد: ايوه طبعا يا باشا قلبي اووف مين المزه اللي وراك دي فظهرت لينا التي كانت تقف خلف يزيد فأطلق اسد تصغيرها إعجاب وهو يقول بغزل: قاعده الصواريخ دي جايبها منين فنظر له يزيد بحده فحمحم اسد وهو يقول: مش حلوه اوي علي فكره استغفر الله العظيم

حور: هو الأسد كبر وعجز ولا ايه وبقي بيخاف ويكش

اسد: لو أنا اسد فألاخ نمر يعني يقطعني اخرسي انتي بس ونشوف مين دي

شمس: اهلا يا بنتي

لينا بأحراج: اهلا يا فندم

حور بضحك: فندم.. هههه شمس بيتقلوا يا فندم

اسد: يا انسه شمس دا محدش بيقولوا يا فندم ولا يا جدي حتي

لينا باستغراب: ليه

شمس بسخريه: عشان مش متربين معرفتش اربي يا بنتي أنا آسف

لينا بابتسامه: ولا يهمك يا عمو أنا هحترمك واقولك اللي حضرتك عاوزه

يزيد بضيق: انتي تهدي خالص اصلا وملكيش دعوه بأي حد هنا

حور: هي مين دي اصلا يا يزيد

يزيد: دي شاهده عندي في القضيه

شمس بغمزه: وانت من أمته بتجيب شهود هنا يا حفيدي الكبير ال عاقل المحترم