غرام أحفاد الشمس

الجزء السادس عشر

شمس: انت بتقول ايه بنت مين اللي بنتك

جمال بابتسامه: الاء مرات اسد دي بنتي أنا فأقترب يزيد منهم بسرعه

يزيد: امشي من هنا يا جمال يا نصار بلاش تعمل لنفسك فضيحه وانت قولتها بنفسك مرات اسد يعني هي دلوقتي في عصمه راجل ومش محتاجه لاب رماها من وهي طفله بلاش نفتح في القديم يا جمال ثم همس بجوار أذنه: أو يا رمضان الدسوقي فنظر له جمال شزرا

جمال: ماشي يا ابن شمس بس هرجع تاني وهخدها غصب عن أي حد ثم رحل سريعا بينما نظر شمس ليزيد باستفسار وعيونه مليئه بالاسئله

يزيد: متبصليش كده هحكيلك كل حاجه بس ندخل نشوف الفرح اللي جوا دا

شمس وهو يحركه امامه: ادامي يا ابن ابني قدامي
-----------------------

في الداخل نزل كل شاب بعروسته الاء في يد اسد وفرح مع قيس وجلسا في أماكنهم

يزيد: المأذون وصل يا قيس

قيس: طب يلا بينا فذهبا ناحيه المأذون

المأذون: فين وكيل العروسه فجأ حسين سرعان ما تمت ومضا كل من قيس وفرح علي عقد الزواج

المأذون: بارك الله لكما وبارك عليكما وجمع بينكما في خير تعالا التصفيق من الحضور وعلت اصوات الاغاني الرومانسيه فقام اسد والاء للرقص علي انغام اغنيه في قلبي مكان

اسد: تعرفي انك طالعه قمر اوي انهارده

الاء: علي اساس اني مكنتش قمر قبل كده

اسد:  ياه علي رومانسيتك أد ايه انتي انسانه فصيله

الاء بضحك: الا قولي سمعت صوت حد بيصرخ كان شبه صوتك متعرفش مين

اسد بهمس في أذنها: هعرفك لما تبقي لوحدنا فنظرت له الاء بخجل سرعان ما انتهت الرقصه فصعدت مجددا لاماكنهم بينما عند لينا كانت تجلس علي الكرسي وتنظر ليزيد الذي يتحرك في كل مكان تاره يستقبل الضيوف وناره يقوم بأي شئ يطلبه منه جده فالتفت لها يزيد ورأها تنظر له فابتسم بحب سرعان ما ترك ما بيده وهو يقترب منها بابتسامه

يزيد: عارف اني قمر بس متبصليش كدا كل شوي عشان متهورش

لينا بضحك: طب واتعور ازاي مش فاهمه

يزيد بغمزه: حاجات وقحه بلاش اقولها هنا احسن عيل يسمعها يلقط الكلمه ويقولوا يزيد قليل الادب وسافل وانا الكل واخد عني فكره غير كده خالص

لينا بضحك وخبث: طب روح كما اللي بتعمله عشان لو فضلت هنا ممكن تتهور وتقول حاجات وقحه وممكن عيل يلقط كلمه ويقولوا يزيد قليل الادب وسافل وانت الكل واخد عنك فكره غير كده خالص

يزيد بضحك: ماشي يا قمر ليكي يوم ثم تركها ليكمل ما يفعله وعيناهما لا ابتعدا عن بعض وبعض فتره انتهت الحفله فأستأذن قيس من حسين أن يأخذ فرح قليلا فوافق بينما اسد صعد مع الاء للاعلي
_____________________