غرام أحفاد الشمس

الخاتمه♥️

بعد مرور سبع سنوات في قصر شمس كان الجميع يحضر لعيد ميلاد ميان ابنه حور الخامس

حور: يا اسد الله يخليك البلونه حطها فوق وسيبك من مراتك هي مش هتطير وانتي يا فرح يلا يا قلبي اعملي التورته والا والله اجبها جاهزه من بره

الاء بهمس لاسد: هي اختك طايحه في الكل ليه فاضل اربع ساعات ويرجعوا من المدرسه يعني لسه بدري

اسد بغمزه: سيبك منها هرمونات حمل بس ايه القمر دا حلو الفستان علي فكره

الاء: يا بيبي أنا قمر من زمان اصلا

اسد بغمزه : يا واثق انت

بينما فرح تجلس علي الكنبه تمسك بالفشار ببرود وتتابع أحد المسلسلات: يا حور ي ست الناس تورته ايه اللي هتتعمل قبلها بأربع ساعات التورته كلها ساعه زمن بطلي اوفر واهمدي بنتك مش راجعه دلوقتي

حور ببكاء: يا مراااد مش عايزين يا مراد يعملولي حاجه يا مراد وميان هتزعل

مراد بحب: متعيطش يا قلبي انتي اطلعي على اوضتك ارتاحي وانا هظبط كل حاجه ماشي يا قلبي

حور ببكاء: بجد خلي العيال دول يعملوا حاجه بدل ما هما رخميين كده

مراد: ماشي يلا اطلعي انتي ارتاحي يلا فصعدت حور فجلس مراد بجوار فرح وهو يأكل معها الفشار

فرح: هو انت يا ابني موركش حاجه ولسه قايل للبت انك هتتصرف وعماله تعيط

مراد: هرمونات حمل متدققيش

فرح: الا قولي ياض يا مراد نفسي أسألك سؤال هو انت ليه قاعد موركش شغل

مراد ببرود: لا يا بيبي أنا عاطل بمزاجي شغل ايه بس وارف

فرح: ياااه يا عبصمد أنا نفسي قيس يقولي الكلمه دي لكن اقول ايه

قيس من خلفها: هتقولي ايه يعني

فرح بخضه: كل خير والله هو انت جيت ليه

قيس: حيت ليه ايه مش عايزاني اجي

فرح: لا مش قصدي بس انت علطول في الشغل ومش بشوفك ومش بتقضي وقت ولا معايا ولا مع ريمون

قيس بحب: أنا آسف بس والله الشغل واخد كل وقتي بس مقدرش انساكي يا روح قلبي

مراد: احم احم طب مش قدامي يعني راعوا أن مراتي هرمونات الحمل مجنناها ومخليها نكد بلاش رومانسيه بلا عليكوا

قيس: امشي ياض من هنا مش كفايه بقالي اسبوع مش بشوف خلقتك في الشركه

مراد: الشغل دا يسطا اتعمل للناس اللي زيك روبوتات الشغل أنا واحد دماغي فاضيه ورايقه

فرح: وبنتك هترجع بعد ساعتين مش هتلاقي حاجه وهيبقي النكد منها ومن امها كمان

مراد: اومال فين اسد ويزيد وفريده