غرام أحفاد الشمس

الجزء الثاني والتلاتين

في القصر نزل شمس الي الاسفل وجد الجميع يجلس بالاسفل عدا يزيد فجلس وهو يقول: اومال فين يزيد مش باين

مراد: مش عارف اخر حاجه كلم اسد وخرج ومرجعش

شمس: يزيد فين يا اسد

اسد: هو أنا مش عارف لا لا أنا عارف يعني بص هي الحكايه كلها أن

شمس مقاطعا: يزيد فين يا اسد

اسد بتنهيده: يزيد في المستشفي

مراد بخوف: يزيد ماله يا اسد ايه اللي حصل

شمس: حفيدي ماله يا اسد ماله

اسد: يا جماعه أعدوا متقلقوش هو كويس مع فريده في المستشفي

الكل بصدمه: فريده لسه عايشه

اسد: السؤال دا اجابته عنده هو بس
-----------------------

في المشفي كان يزيد يقف وهو يمسك بذراع فريده يقوم بعمل ما أخبره به الطبيب كان يرفعه بخفه ويحركه بعد فتره انهي ما كلبه منه وجلس بجوارها يقشر لها فاكهه

فريده بتذمر: خ لا ص وال..له مش عاي..زه يا.. يزي.د

يزيد: لا لازم تاكلي عشان تقدري تكملي العلاج عشان تخفي وترجعيلي كويسه كده

فريده بابتسامه: ش كرا ي ..ا يزي..د بج.د

يزيد: مفيش شكر يا فريده انتي متعرفيش انتي غاليه عندي ازاي انا بحبك يا فريده

فريده بتلعثم: ا..انت بت..حب..فر..يده ..مش ل..ين..ا صح

يزيد: انتوا الاتنين واحد سواء فريده بنت عمتي الله يرحمها اللي كانت حب طفولتي واللي بعشقها من كل قلبي أو لينا المجنونه اللي من يوم ما ظهرت وكياني اتبهدل بقيت بضحك من قلبي معاكي بحب جنونك وشقاوتك بعشقك والله بعشقك

فريده ببكاء وفرحه: و..وان.ا ك.كم..ان ..بح.ب.ك أو.وي يا ..يز..يد

يزيد وهو يمسح دموعها: العيون الحلوه دي متعيطش ابدا دي تفرح .تفرح وبس ثم قام وهو يربت علي شعرها: بصي ارتاحي أنتي شويه وانا ورايا مشوار مهم هخلصه واجيلك ماشي فهزت فريده رأسها بابتسامه بينما يزيد كاد يخرج من الغرفه فوجد شمس ومراد وحور والاء واسد يدخلون الغرفه

يزيد بوعيد لاسد: عملتها يا حيوان ماشي يا اسد لما افضالك بس يا عيل يا فتان انت

اسد بخوف: والله يا كبير هما اللي جرجروني في الكلام

شمس: مش وقت الكلام دا وانت يا يزيد لينا كلام تاني بس لما اطمن علي حفيدتي

يزيد: اكيد بس ورايا مشوار هخلصه ونكلم براحتنا ثم تركهم وغادر
-------------------------

بينما في الكافيتيريا كانت ساندي تجلس ومعها قيس بعدما قصت له كل ما حدث عدا تلك الخطط التي تقوم بها والدته لإفساد حياته فيكفي ما حدث