غرام أحفاد الشمس

الجزء الثالث والعشرون

في الكافيتيريا كانت نهال تجلس وهي تضع قدم فوق الأخري وتمسك بسيجارتها الفاخره وهي تنفث الدخان منها

نرجس: هتسعديني ولا لا

نهال: هساعدك والا مكنتش قعدت معاكي دلوقتي انتي عايزه ترجعي لقيس بس مش عارفه بسبب الكارثه الجديده اللي اسمها مراته دي صح

نرجس: وكمان ولاد عمه اللي ساندينه علطول وكل ما احاول أقرب منه خطوه بيبعدوني الف

نهال وهي تنفث الدخان: أمر البنت مراته دي سهل

نرجس: ازاي دا صعب يسيبها وللصراحه شكله حبها

نهال بابتسامه: دا طالما حبها يبقي الموضوع اسهل بكتير سبيلي أنا الموضوع دا دلوقتي محتاجين نشتت ولاد عمه نخلي كل واحد يتلهي في حاجه عشان يبقي هو لوحده وساعتها تقدري تروحيله انتي

نرجس: طب ودا ازاي

فنظرت لها نهال واخذت نفس طويل من سيجارتها وهي تقول بخبث: هقولك
----------------------------

بينما عند الاء كان اسد يجلس بجوار الفراش ويلعب بخصلات شعرها الغجريه وهي ما تزال نائمه

اسد: الاء يا روحي اصحي وحشتيني اوي أنا آسف على اللي حصل واسف اني مكنتش معاكي اصحي يلا عشان وحشتيني أنا مش عارف هقول ايه او هعمل ايه بس كفايه اوي اني اشوفك دائما قدامي تخيلي اسد السافل اللي مكنش بيسيب واحده الا ويعاكسها بقي مش بيشوف غيرك اي نعم لسه سافل بس معاكي انتي بس والله ففتحت الاء عينيها تدريجيا حتي تعودت علي الضوء وهي تنظر لاسد بوجه خالي من اي مشاعر

اسد: الاء انتي صحيتي حاسه بأيه دلوقتي كويسه

الاء وهي تنظر للاشئ: ممكن تناديلي شمس بيه

اسد باستغراب: شمس بيه في ايه يا الاء

الاء: ارجوك من غير مناهده ممكن تناديهولي

اسد وهو يقوم: حاضر ثم خرج ورأهم يقفون جميعا أمام الغرفه

اسد: الاء فاقت وعايزاك يا شمس جوه فنظر له شمس بحزن وهو يهز رأسه ثم دخل بينما نظر اسد لحور وفرح ثم قال بهدوء: أنا عايز اعرف ايه اللي حصل بالظبط

بينما في الداخل دخل شمس وهو مطأطئ الرأس وهو ينظر لالاء التي تنظر نحو السقف الخاص بالغرفه فذهب ووقف امام سريرها: كنتي عايزه تشوفيني يا بنتي

الاء: أنا مش بنت حضرتك يا شمس بيه علي العموم أنا عايزه حاجه واحده منك عايزه اعرف هو وقفت قليلا وهي تقول تلك الكلمه بضعف ثم قالت: ابويا عملكم ايه

شمس: بس

الاء: ارجوك قولي هو عمل ايه أنا عايزه اعرف ليه حضرتك بتكره كده لو سمحت

شمس بتنهيده: من تلاته وعشرين سنه كان عندي اربع اولاد ثلاث شباب وبنت واحده كانت كل حياتي كنت بحبها اكتر من كل اولادي كانت مميزه لأنها كانت نسخه من مراتي الله يرحمها في يوم جه شاب اتقدم ليها بس هي رفضته مكنتش عايزه مع اني والله عمري ما منعتها ولا حتي قلتلها لا لاني عمري ما رفضتلها طلب بس هي اللي مكنتش عايزه تتجوز المهم الشاب اتقدملها مره واتنين وبقي مهووس بيها بقي بيروحلها في كل حته ومحوطها جت هي واشتكتلي طلبت منه اكتر من مره يبعد عنها بالذوق و بالعافيه وهو كان فاكرني برفض مثلا اكون فاكر أنه طمعان في الفلوس روحت بوسايطي حبسته يومين علي أساس أنه يتربي وكده بالعكس طلع زاد وبقي مجنون اكتر وفي مره خطفها وكان ناوي يتجوزها غصب عنها لولا ستر ربنا المهم المرادي دخل السجن واتحبس خمس سنين وخرج كانت دعاء اتجوزت وجابت بنت عدت تلات سنين من خروجه ومحصلش اي حاجه بس كان لازم يحصل جه اليوم اللي العيله كلها ادمرت فيها كانت ولادي كلهم مسافرين رحله مع بعض وسابوا الاولاد كلهم هنا معايا هنا عشان يقعدوا هما مع بعض فتره وساعتها الاتوبيس كله اتقلب بيهم وماتوا كلهم في الحادثه في نفس اليوم سبت الاولاد كلهم وروحت المستشفي عشان ..عشان استلم جثث اولادي حصل هجوم علي القصر اول ما رجعت لقيت الحرس كلهم مقتولين دخلت البيت وانا مفزوع بدور علي الاولاد لقيتهم كلهم ماعدها هي معادا فريده بنت دعاء بنتي  دورت عليها كتير بس للاسف ملقتهاش والشخص دا هو يبقي ابوكي ومع ذلك أنا آسف انتي ملكيش ذنب أنا عارف اني غلط بس لما عرفت انك بنته حسيت اني مش قادر اتحكم في نفسي اكتر من كده كل غضب وحزن وقهره السنين طلعوا بس طلعوا للشخص الغلط اعذريني يا بنتي اللي عملته في حقك كان غلط وغلط كبير كمان

الاء وهي تحاول القيام: متعتذرش حضرتك مش غلطان أنا متفهمه حضرتك بس انا مكنش ليا اي ذنب مفيش حد بيتعاقب علي حاجه هو مجبور عليها أنا معرفش اني هتولد الاقي نفسي بنت رجل قتال قتله وخسيس احنا مبنخترش اهلنا يا شمس بيه

شمس وهو يحتضنها ببكاء: أنا آسف يا بنتي سامحيني

الاء بابتسامه ضعيفه: مسمحاك يا جدو

شمس بمشاكسه: اسمي شمس جدو مين انتي هتكبريني ولا ايه

الاء: دا انت ابو الشباب كلهم فدخل اسد الغرفه وهو يري شمس يحتضن الاء ويضحكان سويأ

اسد بدراميه: جدي ومراتي مع بعض لا قلبي ااااه أنا لازم اغسل عاري بأديا

شمس وهو  يمثل أنه يخلع حذئه: دا انا اللي هقولك يا حيوان أنا مش عارف ابني مكنش اهطل ولا مراته اومال انت طالع لمين كده

اسد بغمزه: فكر كده وانت تعرف يا شموس

شمس وهو يخلع حذائه: فهمتك يا حيوان بينما علت ضحكه الاء فنظر لها اسد بابتسامه عذبه عاشقه ودخل الجميع الغرفه

فرح: ايه يباشا بقي كده تقلقني عليك

قيس: كدابه دي كانت عماله تقزقز اي بره

الاء: واطي يا مان من يومك يا بت يا فرح

فرح: أنا ابدا والنعمه دا انتي الحب بردوا دا انا كنت هموت من القلق والله دا انتي عشقي يا بت

اسد بقلق مصطنع: قيس ابقي اكشف علي مراتك عشان أنا شاكك في حاجه كده

قيس: مش عارف ان بردوا شاكك

فرح بغباء: ايه قصدكوا ايه ..ايه دا لا يا عم استغفر الله دي زي اختي بردوا لا استغفر الله فضحك الجميع بينما ابتسم مراد وهو ياريت علي كتفه يزيد الذي يجلس مهموم لغياب معذبه قلبه فهو حتي الآن لا يعرف اين هي ومن الذي خطفها سرعان ما صدح رنين هاتف مراد فنظر وجده من أحد حراس الشركه فاستغرب قليلا ثم فتح سرعان ما جحظت عينا بشده وهو ينظر لقيس الذي بالله نظره مستغربه

قيس: في ايه يا مراد مالك

مراد وهو يقوم بسرعه وقال بصدمه: مصيبه
----------------------------