غرام أحفاد الشمس

الحلقه السادسه

نظرت الاء لمصدر الصوت فرأت شاب ينظر لها بابتسامه ثم غمز لها فشهقت بحده وهي توجه له نظره ناريه سرعان ما خرجت من الخيمه وهي تقول بغيظ: قليل الحيا

بينما داخل الخيمه كان اسد يجلس مع كبير القبيله ويحدثه

جلال: احكيلي بجي يا ولدي انت مين وبتعمل ايه اهنيه

اسد: أنا دكتور وجاي عشان المعسكر الطبي اللي هيبقي في القريه وجيت عشان اشوف هل المستشفيات والمستوصفات هنا فيها ادوات طبيه ولا لا بس وانا جاي لقيت رجاله حضرتك منعني وجابوني علي هنا

جلال: احنا اسفين يا ولدي بس في ناس كبارات عايزين ياخدوا القريه دي عشان يهدوها ويبنوها سوق كبير ويشردوا الغلابه دول ويطلعوهم من أرضهم وبيوتهم اللي كبروا فيها وملهمش غيرها

اسد: يعني هو انتوا مش قطاع طرق وكده

جلال بضحك: لا يا ولدي محناش جطاعين طرق احنا بنحمي أرضنا عشان محدش يخرجنا منيها

اسد: طب أنا اقدر امشي دلوقتي ولا في حاجه كمان

جلال: مهتمشيش قبل ما تاكل معانا يا ولد ويكون اعتزار عن اللي حصل من الرجاله

اسد: ملوش لزوم يا حج والله

جلال: أنا جلت كلمتي ولا انت ممسمحناش

اسد بابتسامه: لا وعلي ايه أنا هعقد واتغدي

جلال: روح يا ولد ودي الدكتور الخيمه يرتاح فيها عجبال ما الوليمه تجهز فقام أحد الرجال وأخذه ناحيه أحد الخيم بينما بقي هو ينظر حوله يبحث بنظره عن تلك الفتاه

عند الاء كانت تجلس عند المطحنه بجوار أحد الفتيات وهم يثرثرون بينما هي عينيها لم ترتفع من علي الخيمه وهي تنتظر خروجه

نهال: مالك يا ست الاء بالك مشغول من بدري عاد

الاء بابتسامه: لا مفيش يا نهال وجلست تثرثر معها دون أن تلاحظ ذاك الذي ينظر لها من بعيد وعلي محياه ابتسامه جميله
------------------------------

بينما في القسم عند يزيد كان يجلس مع مالك في مكتبه وهم يتحدثون بشأن القضيه

مالك: طب وانت ناوي تعمل ايه هتجبها القسم

يزيد:لا بص هات الرسام وتعالولي علي القصر شويه كده

مالك باستغراب: دا اشمعنا يعني ما تيجي علي هنا

يزيد: عشان يا ذكي البنت مستهدفه ما انا قولتلك اول ما خرجنا من المستشفي ايه اللي حصل مضمنش المرادي ممكن يحصل ايه فعشان كده الامن انها متخرجش نهائي الفتره دي

مالك: خلاص تمام هنفذ اللي قولته

يزيد: صحيح يا مالك ابقي عدي علي فندق اللي اسمه.... وجيب كل حاجه تخص لينا محمد المنشاوي من اوضه الاوتيل تمام